రంగస్థలం సినిమాకు ముందు సుకుమార్ సినిమాలపై అంచనాలు ఉండేవి కానీ మరీ ఇండస్ట్రీ హిట్ కొడతాయి అనే అంచనాలు మాత్రం ఉండేవి కావు. అభిమానులు కూడా అంత ఆశలు పెట్టుకునే వాళ్లు కాదు. కచ్చితంగా డిఫెరెంట్ సినిమాలు చేస్తాడనే పేరు మాత్రమే ఉంది. కానీ రంగస్థలం సినిమాతో ఈయన సినిమాలపై అంచనాలు పెరిగిపోవడం కాదు.. రికార్డులు కూడా వస్తున్నాయి. తాజాగా అల్లు అర్జున్ హీరోగా ఈయన తెరకెక్కిస్తున్న పుష్ప సినిమాపై కూడా అంచనాలు అలాగే ఉన్నాయి. పైగా అల వైకుంఠపురముంలో తర్వాత అల్లు అర్జున్ కు తెలుగు ఇండస్ట్రీలో పెరిగిన మార్కెట్ గురించి ప్రత్యేకంగా చెప్పాల్సిన అవసరం లేదు. కేవలం తెలుగులోనే కాకుండా ఇతర ఇండస్ట్రీలో కూడా తన మార్కెట్ పెంచుకుంటున్నారు అల్లు అర్జున్. ప్రస్తుతం ఈయన పుష్ప సినిమాలో నటిస్తున్నారు.
రష్మిక మందన హీరోయిన్ గా మైత్రి మూవీ మేకర్స్ బ్యానర్ పై సంచలన దర్శకుడు సుకుమార్ ఈ చిత్రాన్ని తెరకెక్కిస్తున్నారు. ఈ చిత్రానికి చెందిన పుష్ప ఇంట్రడక్షన్ వీడియో యూ ట్యూబ్ లో సరికొత్త రికార్డులు సృష్టిస్తోంది. పుష్ప రాజ్ పాత్రను పరిచయం చేస్తూ అల్లు అర్జున్ పుట్టిన రోజు సందర్భంగా విడుదల చేసిన ఈ వీడియో కు అద్భుతమైన స్పందన వస్తుంది. విడుదలైన క్షణం నుంచి రికార్డులను తిరగరాస్తూ ముందుకు దూసుకుపోతుంది. తెలుగు ఇండస్ట్రీ లో అత్యంత వేగంగా 60 మిలియన్ వ్యూస్ మార్క్ అందుకున్న తొలి ఇంట్రడక్షన్ వీడియో గా అల్లు అర్జున్ పుష్ప చరిత్ర సృష్టించింది. 1.4 మిల్లియన్ లైకులతో పాటు లక్ష పైన కామెంట్స్ కూడా ఈ వీడియో కు రావడం విశేషం.
తెలుగు ఇండస్ట్రీలో మరే ఇతర సినిమాకు సాధ్యం కాని రికార్డుల్ని అల్లు అర్జున్ తిరగరాశారు. ఈ వీడియో లో దేవి శ్రీ ప్రసాద్ బ్యాక్ గ్రౌండ్ స్కోర్ కూడా చాలా అద్భుతంగా వర్కవుట్ అయ్యింది. సినిమాకు సంబందించిన మరిన్ని విశేషాలను త్వరలోనే ప్రేక్షకులకు తెలియజేయనున్నారు చిత్ర యూనిట్. ఇదిలా ఉంటే ఈ మధ్యే బాలయ్య అఖండ టీజర్ కూడా 50 మిలియన్ మార్క్ అందుకుంది. దానికంటే ముందు జూనియర్ ఎన్టీఆర్ కొమరం భీమ్ టీజర్ తొలిసారి 50 మిలియన్ వ్యూస్ మార్క్ అందుకుంది.
ఇవి కూడా చదవండి..