మాస్టర్ బెడ్రూమ్ ఎంత పెద్దగా ఉండాలి. చిన్నగా ఉంటే తప్పా? శంకర్రావు, దుద్దెడ
ఇంట్లో సహజంగానే అన్ని గదుల కన్నా నైరుతి గది కొలత ఎక్కువగా ఉంటుంది. ఒకవేళ లేకున్నా, దానిని పెంచుకొని ఎక్కువ చేసుకోవాలి. ఏ గది అయితే సింహ భాగం (పెద్దది)గా ఉంటుందో.. దానికి ఒక ‘ఆవరణ’ ప్రాధాన్యం వస్తుంది. ‘సింహాసనం’ అని అందుకే అన్నారు. ‘అది పెద్దది’ అనే భావనతోపాటు అధికారిక పరమైన అదనపు శక్తిని కలిగి ఉంటుంది. కాబట్టి, ఆ గది మిగతా గదులకన్నా పెద్దదిగా ఉండటం అవసరం. అలాగని హాల్తో దానిని పోల్చుకోవద్దు. గదులు వేరు.. హాళ్లు వేరు.
అపార్టుమెంట్లో అన్నిటికన్నా పైఫ్లోర్లో ఉండవచ్చా? దానికి వాస్తు రక్షణ ఉంటుందా? కావేరి చంద్రకళ, శెనగచెర్ల
శాస్త్రపరంగా నిర్మితమయ్యే అన్ని ఫ్లోర్లకూ వాస్తు రక్షణ ఉంటుంది. నేలమీద కన్నా పైకి వెళ్తున్న కొద్దీ గాలి, వెలుతురుల్లో స్వల్ప మార్పులుంటాయి. కానీ, వాతావరణ సాంద్రతలో అంతా ఒకటే. ఏ ఫ్లోర్లో ఉన్నా, దాని నిర్మాణ విధానం శాస్త్ర సమ్మతంగా ఉండాల్సిందే. పంచ భూతాల పనితీరుకు అనుగుణంగానే ఉండాలి. కింద ఒకలా పైకి వెళ్తున్న కొద్ది మరోలా వాస్తు సూచనలు మారవు. భూమి నుంచి ఒక నిర్దిష్టమైన ఎత్తుతో, వాతావరణంతో వాస్తులో మార్పులుండవు. అంతస్తులు ఇప్పుడే కాదు.. రామాయణ కాలంలోనూ వాస్తుతో కూడిన ఏడంతస్తుల మేడలు ఉన్నాయి.
కింద చిన్న ఇల్లు ఉంది. అది మాకు సరిపోవడం లేదు. దానిపైన చుట్టూ పెంచుకొని, పెద్ద ఇల్లు కట్టొచ్చా? ఎలగందుల మూర్తి, కొలన్పాక
కాళ్లు సన్నగా, తల పెద్దగా ఉండేలా నిర్మాణం చేయడం శాస్త్ర విరుద్ధం. కింది పీఠం పెద్దదిగా ఉండి, పైన తగ్గించడం మంచిది. కానీ, రివర్స్ చేయకూడదు. ‘గోపురం-పిరమిడ్’ ఈ సూత్రాల మీదనే నిర్మాణం అవుతాయి. చెట్లను చూడండి. మొదలు పెద్దగా ఉంటుంది. పోను పోనూ సన్నగా అవుతుంది. మీకు ఇల్లు పెద్దది కావాలి. అంటే పైన ఎంత వైశాల్యం కావాలో అంతే మందం కింది నుంచే కొలతలు వేసుకొని, కిందా పైనా పెద్దగా చేసుకోండి. మీరు అనుకున్నట్టే పైన చక్కగా వాస్తుకు కట్టండి. కానీ, కింది దాన్ని మించి తల బరువుగా చేసి కట్టడం దోషం.
మా ఇంటికి ఆగ్నేయ వీధి పోటు ఉంది. కానీ, వెనుకే పెద్ద భవనం ఉంది. మాకు దోషం ఉంటుందా? కేశవ అనంతాచారి, కోరుట్ల
మనం ముందు ఉన్నప్పుడు వీధి శూల గాయం మన ఇంటికే ఉంటుంది కదా! మన వెనుక ఉన్న ఇంటికి ఎందుకు ఉంటుంది? వీధి పోటు, వీధి చూపు అనేవి ఎత్తు నుంచి కాదు.. నేల మీద నుంచే లెక్కించాలి. వీధి పోటు ‘తీవ్రత’ కిందనే ఎక్కువగా ఉంటుంది. అందుకే, మార్పులు చేర్పులు కిందనే కదా చేస్తాం. అదే ఆగ్నేయం వీధి పోటు ఇంట్లో.. కింద ఒక కుటుంబం పైన మరో కుటుంబం ఉన్నప్పుడు ఇద్దరికీ ఆ వీధి శూల ప్రభావం ఉంటుంది. మన వెనుక ఉన్న వారికి, కింది పోర్షన్లకు ఏ ప్రభావం ఉండదు. ఎందుకంటే మన గృహమే వారిని రక్షిస్తుంది. కాబట్టి, మీరు ఇల్లు మారండి.
సుద్దాల సుధాకర్ తేజ
suddalavasthu@gmail.com
Cell: 7993467678
ఇవీ కూడా చదవండి
నాణ్యతాప్రమాణాలతో పనులు చేపట్టాలి