యంగ్ సెన్సేషన్ విజయ్ దేవరకొండ.. అర్జున్ రెడ్డి చిత్రంతో ఎంత ఫ్యాన్ ఫాలోయింగ్ సంపాదించాడో ప్రత్యేకంగా చెప్పనక్కర్లేదు. ఈ సినిమాతో బాలీవుడ్ దృష్టిని కూడా ఆకర్షించాడు. అయితే విజయ్ కెరీర్ లో చెప్పుకోదగ్గ హిట్స్ లేకపోయిన కూడా ఆయనకు ఫ్యాన్ ఫాలోయింగ్ మాత్రం రోజు రోజుకు పెరుగుతూ పోతుంది. అభిమానులే కాదు హీరో, హీరోయిన్స్ కూడా విజయ్ స్టైల్ , మేనరిజాన్ని ఇష్టపడుతుంటారు.
గతంలో సారా అలీఖాన్, శ్రద్ధా, జాన్వీకపూర్లు విజయ్ తమ ఫేవరేట్ స్టార్ అని కితాబిచ్చిన సంగతి తెలిసిందే.తాజాగా బాలీవుడ్ బ్యూటీ కియారా అద్వాని .. విజయ్ దేవరకొండతో కలిసి గోవా బీచ్లో తెగ సందడి చేస్తుంది. ఇద్దరు కలిసి దిగిన ఫొటో ఒకటి ప్రస్తుతం చక్కర్లు కొడుతుండగా, ఇది రీసెంట్ పిక్నా లేదంటే పాతదా అనే దానిపై క్లారిటీ లేదు. కాగా, కియారా.. బాలీవుడ్ యంగ్ హీరో సిద్దార్థ మల్హోత్రాతో ప్రేమలో మునిగి తేలుతున్నట్టు వార్తలు వస్తున్న విషయం తెలిసిందే.