హైదరాబాద్ : తెలంగాణ స్టేట్ ఫిజికల్ ఎడ్యుకేషన్ కామన్ ఎంట్రన్స్ టెస్ట్ (టీఎస్ పీఈసెట్) 2021 కోసం ఆన్లైన్ దరఖాస్తులను సమర్పించే చివరి తేదీని ఆలస్య రుసుము లేకుండా మే 15వ తేదీ వరకు పొడిగించారు. కొవిడ్-19 సెకండ్ వేవ్ నేపథ్యంలో రాష్ట్ర ఉన్నత విద్యామండలి ఈ నిర్ణయం తీసుకుంది. అంతకుక్రితం ఆలస్యరుసం లేకుండా దరఖాస్తు గడువు మే 8వ తేదీగా ఉండే. దరఖాస్తులను https://pecet.tsche.ac.in/ వెబ్సైట్ ద్వారా సమర్పించవచ్చు.
రిజిస్ట్రేషన్ ఫీజు ఎస్సీ, ఎస్టీలకు రూ .400, ఇతరులకు రూ .800గా ఉంది. ఇంతకుముందు ప్రకటించిన షెడ్యూల్ ప్రకారం భౌతిక సామర్థ్య పరీక్షలు జూన్ 7 నుండి ప్రారంభమవుతాయి. పరీక్ష కోసం నమోదు చేసుకున్న అభ్యర్థుల సంఖ్య ఆధారంగా అవి ముగియనున్నాయి. ఫిజికల్ పరీక్షలు ముగిసిన వారం తర్వాత ఫలితాలు ప్రకటించబడతాయి.