హైదరాబాద్ : ఆదివారం హైదరాబాద్లోని పలు ప్రాంతాల్లో తేలికపాటి నుండి భారీ వర్షాలు కురిశాయి. తెలంగాణ స్టేట్ డెవలప్మెంట్ ప్లానింగ్ సొసైటీ నిర్వహిస్తున్న ఆటోమేటిక్ వెదర్ స్టేషన్ డేటా ప్రకారం మేడ్చల్-మల్కాజ్గిరి జిల్లాలోని కొన్ని ప్రాంతాలు, ముఖ్యంగా కాప్రా ఏరియాలో 68 మిల్లీమీటర్ల భారీ వర్షపాతం నమోదైంది. సికింద్రాబాద్, అల్వాల్ ప్రాంతాలలో వరుసగా 20.8 మిమీ, 21.8 మిమీ వర్షపాతం నమోదైంది. నగరంలో చాలా ప్రాంతాల్లో 0.1 మిమీ నుండి 15.5 మిమీ వరకు వర్షపాతం నమోదైంది. అదేవిధంగా కుత్బుల్లాపూర్, కూకట్పల్లి, యూసఫ్గూడ, ఖైరతాబాద్, బేగంపేట, ముషీరాబాద్, అంబర్పేట, కార్వాన్, మలక్పేట, సరూర్నగర్, ఎల్బీనగర్, హైయత్నగర్ జోన్లలో తేలికపాటి వర్షం కురిసింది. ఉప్పల్, జూబ్లీహిల్స్, గోషామహల్, చార్మినార్, ఫలక్నుమాలో అతి తేలికపాటి వర్షపాతం నమోదైంది. జూన్ 30వ తేదీ వరకు ఇదే విధమైన వాతావరణం కొనసాగనున్నట్లు వాతావరణశాఖ అధికారులు తెలిపారు.