పట్టభద్రులు ఓటు నమోదు చేసుకోవాలి

సిటీబ్యూరో, నమస్తే తెలంగాణ : ఎమ్మెల్సీ ఎన్నికలకు పట్టభద్రులు ఓటు నమోదు చేసుకోవాలని టీఆర్‌ఎస్‌ సీనియర్‌ నాయకుడు, విద్యావేత్త పీఎల్‌ శ్రీనివాస్‌ యాదవ్‌ పిలుపునిచ్చారు.

ఎన్నికల కమిషన్‌ ఓటు నమోదు తేదీని పొడిగించిందని, పట్టభద్రులు ఈ అవకాశాన్ని తప్పకుండా వినియోగించుకోవాలని కోరారు. హైదరాబాద్‌కు చెందిన ఇంజినీరింగ్‌, బీఎడ్‌, డిగ్రీ, బి. ఫార్మసీ కళాశాలలకు చెందిన లెక్చరర్లతో పీఎల్‌ శ్రీనివాస్‌ శనివారం ఆన్‌లైన్‌ సదస్సు నిర్వహించారు. త్వరలో నిర్వహించే మహబూబ్‌నగర్‌-రంగారెడ్డి-హైదరాబాద్‌ ఎమ్మెల్సీ ఎన్నికల్లో ఓటు వేయాలని సూచించారు.