శనివారం 23 జనవరి 2021
Hyderabad - May 28, 2020 , 01:06:54

జంతు వ్యర్థాలతో కల్తీనెయ్యి..టాస్క్‌ఫోర్స్‌ పోలీసుల దాడి

జంతు వ్యర్థాలతో కల్తీనెయ్యి..టాస్క్‌ఫోర్స్‌ పోలీసుల దాడి

చార్మినార్‌ : జంతువుల వ్యర్థాలతో కల్తీ నెయ్యి తయారుచేస్తున్న ఓ కేంద్రంపై దక్షిణ మండల టాస్క్‌ఫోర్స్‌ పోలీసులు దాడు లు నిర్వహించి.. 70 కిలోల కల్తీ నెయ్యిని  స్వా ధీనం చేసుకున్నారు.  ఇన్‌స్పెక్టర్‌ రాఘవేంద్ర తెలిపిన వివరా ల ప్రకారం.. కామాటిపుర పోలీస్‌స్టేషన్‌ పరిధిలో నివసించే మహేశ్‌ (38) శ్రీ శక్తి ట్రేడర్స్‌ పేరుతో నెయ్యి వ్యాపారం నిర్వహిస్తున్నాడు. ఈ ట్రేడర్స్‌ పేరుతో నగరవ్యాప్తంగా కిరాణా దుకాణాలకు నెయ్యి సరఫరా చేస్తున్నాడు. అయితే.. మహేశ్‌ సరఫరా చేస్తున్న నెయ్యి కల్తీగా ఉందని పలువురు వినియోగదారులు టాస్క్‌ఫోర్స్‌ పోలీసులకు ఫిర్యాదు చేశారు. ఈ మేరకు దక్షిణ మండల టాస్క్‌ఫోర్స్‌ పోలీసులు బుధవారం శ్రీ శక్తి ట్రేడర్స్‌పై  దాడులు నిర్వహించా రు. ఈ సందర్భంగా శ్రీ శక్తి ట్రేడర్స్‌ ఆవరణలో ఇతర వ్యర్థాలు, కొవ్వు పదార్థాలతో కల్తీ నెయ్యి  తయారుచేసి వినియోగదారుల ను మోసం చేస్తున్నట్లు పోలీసులు గుర్తించారు.  అక్కడి నుంచి  50 వేల విలువైన 70 కిలోల కల్తీ నెయ్యిని స్వాధీనం చేసుకున్నారు. నిర్వాహకుడిని అదుపులోకి తీసుకొని.. తదుపరి విచారణ నిమిత్తం కేసును కామాటిపుర పోలీసులకు అప్పగించారు.


logo