e-Paper

Advertisement

E-Paper

Apps

Book Your Copy

Visit Telangana Today

Thursday, June 24, 2021
Home హైదరాబాద్‌ మూడోరోజూ కొనసాగుతున్న ఇంటింటి సర్వే

మూడోరోజూ కొనసాగుతున్న ఇంటింటి సర్వే

మూడోరోజూ కొనసాగుతున్న ఇంటింటి సర్వే

41,305 వేల ఇండ్లలో పరిశీలన
బుధవారం ఒక్కరోజే 707 బృందాలతో శోధన

ప్రభుత్వ ఆదేశాల మేరకు గ్రేటర్‌ హైదరాబాద్‌లో జీహెచ్‌ఎంసీ, వైద్య ఆరోగ్య శాఖలకు చెందిన బృందాలు కొవిడ్‌ నియంత్రణలో భాగంగా మూడో రోజైన బుధవారం ఇంటింటికీ తిరిగి జ్వరం, కొవిడ్‌ లక్షణాలున్న వారి సర్వే చేపట్టారు. 707 బృందాలు సర్వేలో ప్రధానంగా పాల్గొన్నారు. ఒక్కో బృందంలో ఒక ఏఎంఎం, ఆశా వర్కర్‌, జీహెచ్‌ఎంసీ ఎంటమాలజీ వర్కర్‌తో కూడిన సభ్యులు ఇంటింటికీ తిరిగి ధర్మోస్కానర్‌తో 41,305 ఇండ్లలో ఫీవర్‌ సర్వే చేపట్టారు. ఈ బృందాలు జ్వరంతో బాధపడుతున్న వారి వివరాలను సేకరించి వారి ఆరోగ్య పరిస్థితిని ఎప్పటికప్పుడు పర్యవేక్షించేలా చర్యలు చేపడుతున్నారు. సోమవారం 393 మందితో ప్రారంభమైన సర్వే మంగళవారం 641 బృందాలు, బుధవారం 707 బృందాలతో సర్వే ప్రక్రియలో వేగం పెంచారు. ప్రతి బస్తీ దవాఖాన, అర్బన్‌ హెల్త్‌ సెంటర్లు, ఇతర దవాఖానాలో కొవిడ్‌ ఔట్‌ పేషెంట్ల పరీక్ష లు నిర్వహించాలని ప్రభుత్వం ఆదేశించింది. దీంతో అన్ని ఆసుపత్రులలో 19,090 మందికి కొవిడ్‌ నిర్ధారణ పరీక్షలు చేపట్టారు.

సలహాలు.. సూచనలు..

  • జీహెచ్‌ఎంసీ పరిధిలోని 30 సర్కిళ్లలో ఈ సర్వే జరుగుతున్నది.
  • ఏఎంఓహెచ్‌ల పర్యవేక్షణలో ఏఎన్‌ఎం, ఆశా వర్కర్లు, ఎంటమాలజీ సిబ్బందితో బృందాలను ఏర్పాటు చేశారు.
  • వారి పరిధిలో ఇంటింటి సర్వే చేసేలా ప్రస్తుతం ఏర్పాటు చేసిన బృందాలు పనిచేస్తున్నాయి.
  • గ్రేటర్‌లో 20 లక్షల వరకు ఇళ్లు ఉన్నాయి.
  • ఆశా వర్కర్ల పరిధి పరిమితంగా ఉన్న నేపథ్యంలో వీలైనంత త్వరగా సర్వే చేయాలని భావిస్తున్నారు.
  • క్రమం తప్పకుండా ఇంటింటికీ వెళ్లి ఫీవర్‌, పల్స్‌ సర్వే నిర్వహిస్తున్నారు.
  • జ్వరం ఉందా? లేదా? అన్నది ఈ బృందాలు చెక్‌ చేస్తున్నాయి.
  • థర్మా మీటర్‌తో పాటు ఆక్సో మీటర్‌తో పల్స్‌ రేట్‌ను పరిశీలిస్తున్నారు.
  • దానిని బట్టి ఆసుపత్రికి వెళ్లాలా? వద్దా? అన్నది సూచిస్తున్నారు.
  • జ్వరం ఉంటే ఇతరత్రా లక్షణాలడిగి తెలుసుకుంటున్నారు.
  • సాధారణ జ్వరం ఉంటే పారాసిటమాల్‌/డోలో 650తో పాటు విటమిన్‌ మాత్రలు ఇస్తున్నట్లు ఏఎంహెచ్‌ఓ అధికారులు తెలిపారు.
  • కరోనా లక్షణాలుంటే ఐదు రోజులకు సరిపడా ఆయా మాత్రలతో పాటు వైద్యులు సూచించే యాంటీ బయాటిక్స్‌ ఇస్తున్నారు.
  • తీవ్ర జ్వరం ఉండి తగ్గకున్నా శ్వాస తీసుకోవడంలో ఇబ్బంది ఉన్నా, ఇతరత్రా సమస్యలు తలెత్తితే దవాఖానాకు వెళ్లాలని చెబుతున్నారు.
Advertisement
-Advertisement-

తాజావార్తలు

Advertisement
మూడోరోజూ కొనసాగుతున్న ఇంటింటి సర్వే

ట్రెండింగ్‌

Advertisement