e-Paper

Advertisement

E-Paper

Apps

Book Your Copy

Visit Telangana Today

Monday, August 2, 2021
Home హైదరాబాద్‌ 6 నెలలుగా.. రూ.4.03లక్షలు కాజేశారు

6 నెలలుగా.. రూ.4.03లక్షలు కాజేశారు

6 నెలలుగా.. రూ.4.03లక్షలు కాజేశారు
  • వృద్ధురాలి ఖాతా ఖాళీ చేసిన గుర్తు తెలియని వ్యక్తులు
  • వేర్వేరు ఘటనల్లో పలువురికి టోకరా వేసిన సైబర్‌ నేరగాళ్లు

సిటీబ్యూరో, జూన్‌ 23(నమస్తే తెలంగాణ): ఓ వృద్ధురాలి బ్యాంకు ఖాతా నుంచి గుర్తుతెలియని వ్యక్తులు ఆరు నెలలుగా రూ.4.03 లక్షలు కాజేశారు. సీసీఎస్‌ సైబర్‌క్రైమ్‌ పోలీసుల వివరాల ప్రకారం.. నల్లకుంటలో నివాసముండే ఓ వృద్ధురాలు(93) మంగళవారం.. డబ్బులు డ్రా చేసుకొని రమ్మంటూ కోడలికి ఏటీఎం కార్డు ఇచ్చింది. అయితే ఏటీఎంలో ఆ కార్డును స్వైప్‌ చేయగా.. అందులో డబ్బు లేదని తేలింది. వెంటనే బాధితురాలు బ్యాంకుకు వెళ్లి స్టేట్‌మెంట్‌ తీసుకోగా.. ఆరు నెలలుగా ఆ ఖాతాలో నుంచి మొత్తం రూ.4.03లక్షలు కాజేశారని తేలింది. దీంతో బాధితురాలు సైబర్‌క్రైమ్‌ పోలీసులకు ఫిర్యాదు చేసింది.. అయితే.. కొన్ని రోజుల కిందట తన సెల్‌ఫోన్‌ పోయిందని బాధితురాలు పేర్కొంది.

  • ఫేస్‌బుక్‌లో శ్రీధర్‌కు.. శ్రావణ్‌ అనే వ్యక్తి పరిచయం అయ్యాడు. ఈ పరిచయంతో శ్రావణ్‌.. తనకు చాలా కంపెనీలు తెలుసని.. మీకు అందులో మంచి ఉద్యోగం ఇప్పిస్తానని నమ్మించాడు. నిజమేనని నమ్మిన శ్రీధర్‌, స్నేహితుడు ఉదయ్‌తో కలిసి రూ.2.5 లక్షలు అతనికి చెల్లించారు. అయితే డబ్బు బ్యాంకులో డిపాజిట్‌ కాగానే సదరు వ్యక్తి సెల్‌ఫోన్‌ స్విచాఫ్‌ చేయడంతో మోసమని గుర్తించి పోలీసులకు ఫిర్యాదు చేశారు.
  • బోయిన్‌పల్లికి చెందిన అబ్దుల్‌ వాహిద్‌కు బజాజ్‌ ఫైనాన్స్‌లో రూ.4.75 లక్షలు లోన్‌ ఉంది. దానికి వడ్డీ 15శాతం పడుతుండగా.. 8 శాతం చేసుకోవాలని ప్రయత్నాలు మొదలు పెట్టాడు. గూగుల్‌లో కస్టమర్‌ కేర్‌ నంబర్‌ కోసం గాలించి.. నంబర్‌ను సంప్రదించాడు. అవతలి నుంచి తాము కస్టమర్‌కేర్‌ ప్రతినిధులమంటూ చెప్పి.. వడ్డీశాతం తగ్గిస్తామని నమ్మించి రూ.2.2 లక్షలు కాజేశారు.
  • యాక్సెస్‌ బ్యాంకుకు సంబంధించిన ఇన్సూరెన్స్‌ ఇప్పిస్తామంటూ నమ్మించిన సైబర్‌నేరగాళ్లు.. ఓ వ్యక్తికి రూ.2.75 లక్షలు టోకరా వేశారు.
  • జూమ్‌లో ఆన్‌లైన్‌ క్లాస్‌లు జరుగుతుండగా 9వ తరగతి క్లాస్‌లోకి ఆకతాయిలు మధ్యలో వచ్చి ఇబ్బందులకు గురిచేస్తున్నారంటూ అంబర్‌పేట్‌లోని సిస్టర్‌ నివేదిత స్కూల్‌ ప్రతినిధులు పోలీసులకు ఫిర్యాదు చేశారు.
  • నల్లకుంటకు చెందిన సాయి ప్రణీత్‌ హిందుసాగరం పేరుతో యూట్యూబ్‌ చానల్‌ నిర్వహిస్తున్నాడు. ఇటీవల ఆ చానల్‌ను గుర్తు తెలియని వ్యక్తులు హ్యాక్‌ చేసి, డిలీట్‌ చేశారంటూ పోలీసులకు ఫిర్యాదు చేశాడు. ఆయా కేసులపై సైబర్‌ క్రైమ్‌ పోలీసులు కేసు నమోదు చేసుకొని దర్యాప్తు చేపట్టారు.
- Advertisement -
- Advertisement -
Advertisement
-Advertisement-

తాజావార్తలు

Advertisement
6 నెలలుగా.. రూ.4.03లక్షలు కాజేశారు
6 నెలలుగా.. రూ.4.03లక్షలు కాజేశారు
6 నెలలుగా.. రూ.4.03లక్షలు కాజేశారు

ట్రెండింగ్‌

Advertisement