కొవిడ్ నేపథ్యంలో చాలా మంది ఆన్లైన్పైనే ఆధారపడుతున్నారు. అందులో కొరియర్ సర్వీస్లు, ఆన్లైన్లో ఆహార పదార్థాలు, వస్తువుల అమ్మకాలు, కొనుగోళ్లు, ఇతరాత్ర ఏ విషయమైన సరే సమాచారం తెలుసుకోవడం కోసం గూగుల్లో సర్చ్ చేస్తున్నారు.. దీన్ని ఆసరాగా చేసుకుంటున్న సైబర్నేరగాళ్లు.. ఆయా సంస్థల ప్రతిధులమంటూ నమ్మించి.. డబ్బులు కాజేస్తున్నారు. సైబర్ దొంగలు ముందుగా ఇంటర్నెట్లో కస్టమర్కేర్ నంబర్ అంటూ నకిలీ నంబర్ పెడుతారు.. ఎవరైనా గూగుల్ సెర్చ్ చేసినప్పుడు అది కస్టమర్ కేర్ నంబరే అనుకుని దానికి ఫోన్చేసి.. సైబర్ నేరగాళ్లకు చిక్కుతున్నారు.. బాధితులతోనే రిమోట్ యాప్లను డౌన్లోడ్ చేయించి.. మోసాలకు పాల్పడుతున్నారు. ఇలా రోజుకు చాలామంది సైబర్ క్రిమినల్స్బారిన పడి మోసపోయి సైబర్ క్రైం పోలీసులను ఆశ్రయిస్తున్నారు.
బ్యాంకులు, ఆన్లైన్ షాపింగ్స్, కొరియర్, ఇతరాత్ర సంస్థలకు సంబంధించిన అధికారిక వెబ్సైట్లు ఉంటాయి. అధికారిక వెబ్సైట్లను గుర్తించి అందులో ఉండే కాంటాక్టు నంబర్లకు ఫోన్ చేయాలి. కొనుగోలు చేసిన వస్తువులకు సంబంధించిన రశీదులు, ఇతరాత్ర బిల్లుల్లో కూడా ఆయా సంస్థలకు సంబంధించిన కస్టమర్ కేర్ నంబర్లు ఉంటాయి. దీనిపై సరైన అవగాహనలేక చాలామంది గూగుల్లో సెర్చ్చేసి సైబర్ నేరగాళ్లకు చిక్కి డ బ్బులు పోగొట్టుకుంటున్నారు.
గూగుల్ ద్వారా సమాచారం తెలుసుకున్నంత మాత్రన అది నిజమని నమ్మడానికి వీలు లేదు. కస్టమర్ కేర్ నంబర్లు ఆయా సంస్థలకు సంబంధించిన అసలైన వెబ్సైట్లలో ఉంటాయి. గుర్తుతెలియని వ్యక్తులు కస్టమర్ కేర్ ప్రతినిధులుగా యాప్లు డౌన్లోడ్ చేయించడం, లింక్లు పంపించడం వంటివి చేస్తున్నారు. అలాంటి సందర్భాల్లో అవి మోసపూరితమైన కాల్స్గా గుర్తించి, ఫోన్ కట్ చేయాలి. ఇదంతా అవగాహన లేకపోవడంతో జరుగుతుంది. అవగాహనతో కస్టమర్ కేర్ నంబర్ను ఈజీగా గుర్తించవచ్చు. – కేవీఎం ప్రసాద్, సైబర్క్రైమ్స్ ఏసీపీ