భూపాలపల్లి : రాజకీయంగా తనకున్న ఇమేజ్ను దెబ్బతీసేందుకు కుట్ర చేస్తున్నారని భూపాలపల్లి ఎమ్మెల్యే గ్రండ్ర వెంకటరమణారెడ్డి స్పష్టం చేశారు. రేగొండ మండలం రూపిరెడ్డిపల్లి గ్రామ సర్పంచ్ బండారి కవిత, ఆమె భర్త దేవేందర్ను తాను దూషించలేదని, వారే తనపై లేనిపోని ఆరోపణలు చేస్తున్నారని ఎమ్మెల్యే తెలిపారు. ఎమ్మెల్యే క్యాంపు కార్యాలయంలో గండ్ర వెంకటరమణారెడ్డి మీడియాతో మాట్లాడారు.
సర్పంచ్ బండారి కవిత, ఆమె భర్త దేవేందర్తో పాటు మండలంలోని ఇతర గ్రామాల సర్పంచ్లు, ఎంపీటీసీలు ఈ నెల 4వ తేదీన తనను ఎమ్మెల్యే క్యాంపు కార్యాలయంలో కలిశారు. ఈ సందర్భంగా దాదాపు గంట పాటు ప్రజా సమస్యలపై చర్చించాము. కానీ ఎవరినీ కించపరిచేలా దూషించలేదు అని ఎమ్మెల్యే గండ్ర స్పష్టం చేశారు. తనపై చేస్తున్న ఆరోపణలను తీవ్రంగా ఖండిస్తున్నానని ఆయన పేర్కొన్నారు. తన నియోజకవర్గంలోని అన్ని వర్గాల ప్రజలకు అన్ని రకాలుగా అండగా ఉన్నానని, రాజకీయ అవకాశాలు కల్పించానని తేల్చిచెప్పారు. తాను ఎవరికీ క్షమాపణ చెప్పాల్సిన అవసరం లేదన్నారు. తనపై ఆరోపణలు మానుకోకపోతే చట్టపరమైన చర్యలు తీసుకుంటామని ఎమ్మెల్యే గండ్ర వెంకటరమణారెడ్డి హెచ్చరించారు.