అందరూ చేత్తో బొమ్మలేస్తారు. కానీ, కేరళ యువతి స్వప్న అగస్టీన్ మాత్రం రెండు చేతులూ లేకపోయినా, కాలివేళ్ళతో కుంచె పట్టుకొని కళాఖండాలకు ప్రాణం పోస్తున్నది. తను ‘మౌత్ అండ్ ఫుట్ పెయింటింగ్ ఆర్ట్స్ అసోసియేషన్’లో సభ్యురాలు కూడా. పుట్టుకతోనే రెండు చేతులూ లేకపోయినా, చిత్రకళ పట్ల అనురక్తే తనకో కొత్త మార్గాన్ని చూపింది. చేతుల్లేవు కదా అని స్వప్న ఊరుకోలేదు. కొండంత ఆత్మవిశ్వాసంతో కాళ్ళనే చేతులుగా మార్చుకుంది. చిత్ర ప్రపంచాన్ని తన కాళ్ళ దగ్గరికే రప్పించుకుంది. మనసులోని భావాలకు రూపమిచ్చి, సప్తవర్ణ పరిమళాల్ని అద్దింది. ‘స్వప్న’ లోకంలో ఇప్పుడు రంగు రంగుల చిత్రాలు రూపుదిద్దుకుంటున్నాయి. కొన్నిటికి జాతీయ అవార్డులు కూడా వచ్చాయి.
ఇవి కూడా చదవండి: