సోమవారం 30 మార్చి 2020
Hyderabad - Mar 23, 2020 , 23:59:24

సైబర్‌ వలఅమాయకులు విలవిల

సైబర్‌ వలఅమాయకులు విలవిల

  • ‘క్యాష్‌బ్యాక్‌' పెట్టుబడి పేరిట రూ. 80 లక్షలు టోకరా
  • కేవైసీ అప్‌డేట్‌ అంటూ రూ. 2.29 లక్షలు కాజేశారు
  • ఫేక్‌ నంబర్‌కు ఫోన్‌ చేసి రూ. 1.59 లక్షలు పోగొట్టుకుంది
  • నెట్‌లో శోధించి ఫోన్‌ చేశాడు లక్షలు సమర్పించుకున్నాడు

సిటీబ్యూరో, నమస్తే తెలంగాణ: సైబర్‌ నేరగాళ్లు.. రోజుకో మోసానికి పాల్పడుతున్నారు. సైబర్‌ క్రైం పోలీసులు ఎంత అవగాహన కల్పిస్తున్నా.. కొందరు వారి బారిన పడి మోసపోతూనే ఉన్నారు. వారు చేప్పేమాటలు నమ్మి.. డబ్బులు పోగొట్టుకుంటున్నారు. ఏటీఎం కార్డులు, కేవైసీ అప్‌డేట్‌, క్యాప్‌బ్యాక్‌ ఆఫర్లంటూ, కస్టమర్‌కేర్‌ నంబర్ల కోసం గాలించేవారికి, వివిధ ఆఫర్ల పేరుతో ఫోన్లు చేస్తూ.. వారితోనే ఓటీపీ, పిన్‌ నంబర్లు తెలుసుకుని.. వారి బ్యాంకు ఖాతాలనుంచి సైబర్‌ క్రిమినల్స్‌ డబ్బు లు కాజేస్తున్నారు. ఇలా వారి బారిన పడి మోసపోయిన ఐదుగురు బాధితులు సోమవారం సైబర్‌ క్రైం పోలీసులకు ఫిర్యాదు చేశారు. సైబర్‌ క్రైం ఏసీపీ ప్రసాద్‌ నేతృత్వంలో ఇన్‌స్పెక్టర్లు మోహన్‌రావు,  ప్రశాంత్‌, వెంకట్రామిరెడ్డి బృందాలు దర్యాప్తు చేపట్టాయి.

  • టోలీచౌకికి చెందిన ఓ మహిళకు ఇన్‌స్టాగ్రామ్‌లో సందీప్‌ మహేశ్వరి అనే మహిళ పరిచయమైంది. కొన్నాళ్లు ఇద్దరు చాటింగ్‌ చేశారు. ఈ క్రమంలో మహేశ్వరి.. బాధితురాలికి ఆమెజాన్‌ క్యాష్‌బ్యాక్‌ ఆఫర్‌ ఉందంటూ నమ్మించింది. ఈ స్కీమ్‌లో రూ. 5 వేలు పెట్టుబడి పెడితే.. రూ. 10 వేలు వెంటనే వస్తాయం టూ నమ్మించింది. దీంతో ఆమె మాటలు నమ్మి బాధితురాలు రెండు, మూడు దఫాలుగా రూ. 80 వేలు పెట్టుబడి పెట్టి మోసపోయింది. చివరికి బాధితురాలు మోసపోయానని గుర్తించి సోమవారం సైబర్‌ క్రైం పోలీసులకు ఫిర్యాదు చేసింది. 
  • నగరానికి చెందిన ఓ మహిళకు సైబర్‌నేరగాళ్లు ఫోన్‌ చేశారు. మీ బ్యాంకు ఖాతా కేవైసీని అప్‌డేట్‌ చేయాలని, మీరు క్విక్‌సపోర్టు యాప్‌ను డౌన్‌లోడ్‌ చేసుకుంటే అప్‌డేట్‌ అవుతుందంటూ నమ్మించారు. సైబర్‌నేరగాళ్ల మాటలు నమ్మిన బాధితురాలు యాప్‌ ను డౌన్‌లోడ్‌ చేసుకుని.. పాస్‌వర్డ్‌, ఓటీపీ కూడా చేప్పేసింది. దీంతో సైబర్‌నేరగాళ్లు ఆమె బ్యాంకు ఖాతా నుంచి రూ. 1.24 లక్షలు కాజేశారు. దీంతో బాధితురాలు  సైబర్‌ క్రైం పోలీసులకు ఫిర్యాదు చేసింది. 
  • బ్యాంకు అధికారులమంటూ ఖాతాదారుడికి ఫోన్‌ చేసిన సైబర్‌నేరగాళ్లు.. తాము ఒక ఫారాన్ని పంపిస్తున్నామని గూగుల్‌ డాక్స్‌తో కూడిన లింక్‌ను పంపించారు. అది నిజమని నమ్మిన ఖాతాదారుడు ఆ లిం క్‌ ను క్లిక్‌ చేసి బ్యాంకు ఖాతా వివరాలన్నీ అందులో పొందుపరిచాడు. అనంతరం అతని సెల్‌ఫోన్‌కు వచ్చి న ఓటీపీని కూడా  చెప్పేయగా.. అతని బ్యాంకు ఖాతా లో ఉన్న రూ. 1.05 లక్షలు సైబర్‌నేరగాళ్లు కాజేశారు. దీంతో బాధితులు వేరు వేరుగా సైబర్‌ క్రైం పోలీసులకు ఫిర్యాదు చేశారు.
  • రాజస్థాన్‌కు చెందిన సుభాశ్‌ విస్మయ్‌ హైదరాబాద్‌లోని బోయినపల్లి ప్రాంతంలో నివాసముంటా డు. తన స్వస్థలం రాజస్థాన్‌లో ఉన్న దుకాణం పక్కనే ఏటీఎం సెంటర్‌ పెట్టాలనుకున్నాడు. దీని కోసం గూగుల్‌లో సెర్చ్‌ చేస్తుండగా.. ఒన్‌ఏటీఎం.కాం అనే పేరుతో ఉన్న వెబ్‌సైట్‌ను గుర్తించాడు. అందులో ఏటీఎం కేం ద్రాలు పెట్టేందుకు తాము సహకరిస్తామంటూ హామీ ఇచ్చారు. వారు చెప్పిన మాటలు విన్న విస్మయ్‌... రిజిస్ట్రేషన్‌, సైట్‌ విజిటింగ్‌, సెక్యూరిటీ డిపాజిట్‌, అడ్వాన్స్‌ గ్యారంటీ, అడ్వాన్స్‌ చెల్లించే రూ.10 లక్షలకు జీఎస్టీ అంటూ పలు దఫాలుగా రూ. 5.75 లక్షలు సైబర్‌ క్రిమినల్స్‌ కాజేశారు. ఇదంతా మోసమని గుర్తించిన విస్మయ్‌ పోలీసులకు ఫిర్యాదు చేశాడు.
  • బంజారాహిల్స్‌లో నివాసముండే ఓ గృహిణి సింప్లీపిట్జ్‌ యాప్‌లో వెయ్యి రూపాయల విలువైన గార్మెంట్స్‌ను కొనుగోలు చేసింది. అయితే ఆర్డర్‌ వస్తు వు కాకుండా.. వేరే వస్తువు వచ్చింది. దీంతో ఆమె.. సదరు యాప్‌ కస్టమర్‌కేర్‌ నంబర్‌ కోసం గూగుల్‌లో సెర్చ్‌ చేసింది. అందులోని నంబర్‌ను సంప్రదించగా.. సైబర్‌ నేరగాళ్లు కస్టమర్‌ కేర్‌ ప్రతినిధులమంటూ మా ట్లాడారు. మేం ఆన్‌లైన్‌ ఫారం పంపిస్తాం.. అది నింపి పంపిస్తే.. డబ్బులు మీ ఖాతాకు పంపిస్తామని నమ్మించారు. వెంటనే బాధితురాలు ఆ వివరాలు పంపించగా .. సైబర్‌నేరగాళ్లు ఆమె ఖాతా నుంచి రూ. 1.59 లక్ష లు కాజేశారు.  దీంతో బాధితురాలు  సైబర్‌ క్రైం పోలీసులకు ఫిర్యాదు చేసింది.


logo