శనివారం 28 మార్చి 2020
Hyderabad - Mar 23, 2020 , 15:41:55

మన కోసం.. మరో 9 రోజులు లాక్‌డౌన్‌

మన కోసం.. మరో 9 రోజులు లాక్‌డౌన్‌

  • 31 వరకు లాక్‌డౌన్‌
  • అత్యవసర సేవలకు మినహాయింపు

కరోనా కట్టడి కోసం మనమూ చేయూతనిద్దాం.. ప్రభుత్వం పిలుపు మేరకు లాక్‌డౌన్‌లో భాగస్వామ్యమవుదాం. బయటికిరాకుండా.. బాధ్యతతో  వ్యవహరిద్దాం.. జనతా కర్ఫ్యూ స్ఫూర్తితో లాక్‌డౌన్‌ను విజయవంతం చేద్దాం. ఈ నెల 31 వరకు స్వీయ నిర్బంధాన్ని పాటిద్దాం. తొమ్మిదిరోజులనుకోకండి.. మధ్యలో ఉగాది పండుగ, ఆదివారం సెలవు రోజులే. మిగిలిన రోజుల్లో కష్టమనుకోకుండా.. సమాజహితం కోసం సహకరిద్దాం

-సిటీబ్యూరో, నమస్తే తెలంగాణ


మూతబడేవి..

  • ఆర్టీసీ బస్సులు, ఆటోలు, క్యాబ్‌లు, మెట్రోరైళ్లు,
  • ఎంఎంటీఎస్‌,  ప్రార్థనామందిరాలు, 
  • రైతుబజార్లు, సూపర్‌ మార్కెట్లు, 
  • షాపింగ్‌ మాల్స్‌, పార్కులు, పబ్బులు, రెస్టారెంట్లు, 
  • హోటళ్లు, టిఫిన్‌ సెంటర్లు, సినిమా థియేటర్లు, క్షౌరశాలలు. పర్యాటక ప్రాంతాలు, మాంసం దుకాణాలు, వారాంతపు మార్కెట్లు, అంగన్‌వాడీ కేంద్రాలు, విద్యాసంస్థలు.

అందుబాటులో..

  • పాలు, పెరుగు, నిత్యావసరాలు
  • కూరగాయల దుకాణాలు, కిరాణాషాపులు
  • రేషన్‌షాపులు, గ్యాస్‌ సిలిండర్‌ ఏజెన్సీలు 
  • దవాఖానలు, అంబులెన్స్‌లు
  • మెడికల్‌షాపులు, డయాగ్నోస్టిక్‌ సెంటర్లు
  • పెట్రోల్‌బంకులు, గ్యాస్‌స్టేషన్లు
  • విద్యుత్‌ సేవలు (సబ్‌స్టేషన్లు)
  • నీటి సరఫరా, సీవరేజీ నిర్వహణ 

ఇంట్లో ఇలా జాగ్రత్త..

  • బయట నుంచి తీసుకొచ్చిన వస్తువులను నేరుగా తాకకుండా చేతులకు శానిటైజ్‌ చేసుకొని పట్టుకోవాలి
  • పాల ప్యాకెట్లు, కూరగాయలు, పండ్లను  శుభ్రంగా కడిగి, చేతులనూ వాష్‌ చేసుకోవాలి
  • కొత్తవారిని, పనిమనుషులను ఇంట్లోకి అనుమతించకపోవడమే మంచిది
  • మొబైల్‌ ఫోన్లు, రిమోట్‌ కంట్రోల్‌, కీ బోర్డ్స్‌ తరచూ శుభ్రం చేసుకోవాలి 
  • అత్యవసరంగా బయటకు వెళ్లి వస్తే వెంటనే స్నానం చేయాలి 
  • వృద్ధులు వాకింగ్‌కు వెళ్లకపోవడమే మేలు


logo