గురువారం 02 ఏప్రిల్ 2020
Horoscope - Mar 01, 2020 , 05:47:02

ఆదివారం మార్చి 1వ తేదీ 2020 మీ రాశి ఫలాలు

ఆదివారం మార్చి 1వ తేదీ 2020 మీ రాశి ఫలాలు

మేషరాశి : ఈ రోజు ఆరోగ్యం విషయంలో శ్రద్ధ అవసరం. ముఖ్యం గా కంటికి, తలకి సంబంధించిన ఆరోగ్య సమస్యలతో బాధపడే అవకాశముంటుంది. అలాగే పని ఒత్తిడి కారణంగా అలసట అధికంగా ఉంటుంది. ఆర్థికస్థితి మెరుగవుతుంది. ఆరోగ్య సమస్యలు తగ్గడానికి శివారాధన చేయడం మంచిది.


వృషభం:  ఈ రోజు ఎక్కువ సమయం ప్రయాణాలతో, బంధుమిత్రులను కలవడంలో వెచ్చిస్తారు. ఇష్టమైన వారితో ఎక్కువ సమయం గడుపుతారు. వివాహాది శుభకార్యాల్లో పాల్గొనడం కానీ లేదా వినోద యాత్ర చేయడం చేస్తారు. గృహ సంబంధ ఒప్పందాలు పూర్తి చేస్తారు. ఆర్థిక స్థితి మెరుగవుతుంది.


మిథునం : ఈ రోజు ఆర్థికస్థితి సామాన్యంగా ఉంటుంది. అనుకోని విధంగా డబ్బు ఖర్చు చేయాల్సి వస్తుంది. ఆవేశానికి, కోపానికి లోను కాకుండా వ్యవహరించడం మంచిది. మీ ఆవేశం కారణంగా పై అధికారుల కోపానికి గురయ్యే అవకాశం ఎక్కువగా ఉంటుంది. ఆర్థిక లావాదేవీలకు, ఒప్పందాలకు అంతగా అనుకూలమైన రోజు కాదు.


కర్కాటకం : ఈ రోజు మీకు అనుకోని విధంగా డబ్బు చేతికందడం, రావలసిన డబ్బు తిరిగి రావడం కానీ జరుగుతుంది. ఆర్థిక స్థితి మెరుగు పడుతుంది. కుటుంబ సభ్యులు లేదా మిత్రుల సాయంతో వృత్తి పరం గా ఉన్న సమస్యలను తొలగించుకోగలుగుతారు. జీవిత భాగస్వామి ఆరోగ్యం మెరుగుపడుతుంది.


సింహం :  ఈ రోజు మీరు చేసే పనుల్లో ఆటంకాలు అధికంగా ఉంటాయి. మీ సహోద్యోగులతో, పైఅధికారులతో సామరస్యంగా వ్యవహరించడం మంచిది. మీ అజాగ్రత్త కారణంగా వారి కోపానికి గురయ్యేఅవకాశమున్నది. వారితో వాదనకు దిగకండి. ఆవేశ పూరితమైన మీ ప్రవర్తన కారణంగా బంధువులతో వివాదం కొని తెచ్చుకోకండి.


కన్య :  ఈ రోజు ఆర్థికంగా సామాన్యంగా ఉంటుంది. మీ జీవిత భాగస్వామితో, పిల్లలతో ఆనందంగా గడుపుతారు. వారితో కలిసి వినోద యాత్ర చేసే అవకాశముంది. ఖర్చు అధికంగా ఉంటుంది. మీ సంతానం కారణంగా ఆనందం పొందుతారు. మీ ఆలోచనలు కార్యరూపం దాలుస్తాయి.


తుల : ఈ రోజు మీరు అనుకున్న పనులు కొన్ని ఆటంకాలతో పూర్తి అవుతాయి. కొత్త పనులు ప్రారంభించడానికి అంతగా అనుకూలమైన రోజు కాదు. అలాగే చేపట్టిన పనుల్లో విజయవంతంగా పూర్తి చేయడానికి అధికంగా శ్రమించాల్సి వస్తుంది. మీ పనికి గుర్తింపు లభిస్తుంది. ఉద్యోగంలో అభివృద్ధి సాధిస్తారు.


వృశ్చికం : ఆర్థికంగా కొంత ఇబ్బందిని కలిగించే రోజు. ధన నష్టం, అనవసరమైన ఖర్చు కానీ ఉంటుంది. పెట్టుబడులకు అనుకూలమైన రోజు కాదు. ఎవరికి కూడా డబ్బు విషయంలో మాట ఇచ్చి ఇబ్బంది పడకండి. ఆర్థిక నియంత్రణ అవసరం.



ధనుస్సు : ఆరోగ్య విషయంలో ఈ రోజు కొంత జాగ్రత్త అవసరం. కడుపు నొప్పి కానీ, ఛాతిలో మంటతో బాధ పడే అవకాశముంటుంది. ఆహారం విషయంలో జాగ్రత్త అవసరం. బయటి భోజనం చేయకండి. అలాగే మీ కుటుంబ సభ్యుల్లో ఒకరి ఆరోగ్యం కూడా మీకు ఆందోళన కలిగించే అవకాశం ఉన్నది.


మకరం : ఈ రోజు ఆర్థికంగా కలిసి వస్తుంది. పెట్టుబడుల నుంచి లాభాలు వస్తాయి. అలాగే మొండి బకాయిలువసూలవుతాయి. భూ సంబంధ లావాదేవీలు చేస్తారు. కుటుంబ సభ్యుల సహాయ, సహకారాలు అందుతాయి.


కుంభం : మీరు చేపట్టే పనుల్లో అవరోధాలు ఏర్పడుతాయి. ముఖ్యం గా మీ కార్యాలయంలో మీరు చేయాలనుకున్న పనికి సహోద్యోగుల నుంచి వ్యతిరేకత రావచ్చు. ఆవేశానికి లోను కాకుండా సామరస్యపూర్వకంగా వ్యవహరించండి. శారీరక, మానసిక ఒత్తిడి అధికంగా ఉం టుంది. విశ్రాంతి అవసరం.


మీనం : అదృష్టం కలిసివచ్చే రోజు. మీరు చాలా కాలం నుంచి ఎదురు చూస్తున్న పనులు ఒక కొలిక్కి వస్తాయి. మీ తోటి వారి నుం చి కానీ, సహోద్యోగుల నుంచి కానీ ప్రశంసలు అందుకుంటారు. మీ సంతానం కారణంగా ఆనందం పొందుతారు.


logo
>>>>>>