e-Paper

Advertisement

E-Paper

Apps

Book Your Copy

Visit Telangana Today

Sunday, September 19, 2021
Home ఆరోగ్యం ఉపవిష్ట కోణాసనం

ఉపవిష్ట కోణాసనం

గర్భిణి ఆరోగ్యంగా ఉంటేనే పండంటి బిడ్డ పుడుతుంది. ఆ ఆరోగ్యం యోగ సాధనతో సాధ్యం అవుతుంది. శారీరక సమస్యలు తొలగిపోవడానికి, కాన్పు తేలిక కావడానికి ఉపవిష్ట కోణాసనం ఉపయోగపడుతుంది. ఈ ఆసనం ఎలా వేయాలంటే..

  • ముందుగా దండాసన స్థితిలో కూర్చోవాలి. రెండుకాళ్లను ఎడంగా చాపాలి. కాళ్లు రెండిటినీ చిత్రంలో చూపిన విధంగా సాధ్యమైనంత వరకూ పక్కకు జరపాలి.
  • కాళ్ల మడమలు నేలకు ఆనించి.. వేళ్లు పైకి చూస్తున్నట్టుగా ఉండాలి.
  • కాళ్లు పక్కకు జరపడం వల్ల తొడ, పిక్కల్లో నొప్పిరావొచ్చు. రెగ్యులర్‌గా సాధన చేస్తూ ఉంటే నొప్పి పోతుంది.
  • ఇప్పుడు కాళ్లను భూమికి అదిమి ఉంచే ప్రయత్నం చేయాలి. నడుమును కొద్దిగా ఎత్తి ఉంచాలి. కాళ్లు, చేతులు కిందికి ప్రెస్‌ చేస్తూ శరీరాన్ని
  • కొద్దిగా పైకి ఎత్తాలి.
  • ఈ స్థితిలో ఉన్నప్పుడు రెండు చేతులను పైకి తీసుకొని నిదానంగా ముందుకు వంగాలి. వెన్నెముక ఏటవాలుగా ఉంచుతూ నడుమును ముందుకు బెండ్‌ చేయాలి. ఇప్పుడు రెండు చేతులతో కాలి వేళ్లను పట్టుకోవాలి.
  • ఈ ఆసన స్థితిలో 10 నుంచి 20 సెకండ్లు ఉండాలి. ఈ సమయంలో శ్వాస నిదానంగా తీసుకోవాలి. తర్వాత రెండు చేతులను మెల్లగా పైకి తీసుకొని యథాస్థితికి రావాలి.

లాభాలు..

  • కటి కండరాలు దృఢమవుతాయి. తుంటి, పొత్తికడుపు ప్రాంతంలో రక్తప్రసరణ బాగా జరుగుతుంది. కిడ్నీల పనితీరు మెరుగవుతుంది. యూరినల్‌ ఇన్‌ఫెక్షన్లు తగ్గుతాయి.
  • కండ్లు తిరుగుతున్నా, వాంతులు అయ్యేలా ఉన్నా ఈ ఆసనం వేయకూడదు. వ్జైనా నుంచి రక్తస్రావం అవుతున్నా ప్రయత్నించొద్దు. నిపుణుల సలహా తర్వాతే సాధన చేయాలి.

అనితా అత్యాల
ప్రెగ్నెన్సీ యోగా నిపుణురాలు
6309800109

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana