మంగళవారం 29 సెప్టెంబర్ 2020
Health - Jul 24, 2020 , 13:00:45

కీళ్ల‌నొప్పుల‌తో బాధ‌ప‌డేవారికో శుభ‌వార్త‌.. ఇంట్లోనే మందు రెడీ!

కీళ్ల‌నొప్పుల‌తో బాధ‌ప‌డేవారికో శుభ‌వార్త‌.. ఇంట్లోనే మందు రెడీ!

వ‌య‌సు మీద ప‌డ‌డంతో ముందుగా వ‌చ్చే నొప్పులు కీళ్ల‌నొప్పులే. కూర్చోవాల‌న్నా, లేవాల‌న్నా మోకాళ్ల నొప్పుల‌తో వృద్దులు చాలా బాధ‌ప‌డుతుంటారు. ఈ బాధ నుంచి విముక్తి పొందేందుకు తిర‌గ‌ని హాస్పిట‌ల్ ఉండ‌దు. అంతేకాదు మోకాళ్ల నొప్పులు చూపించుకునేందుకు బ‌స్సులో ప్ర‌యాణం చేస్తే బోన‌స్‌గా న‌డుం నొప్పులు కూడా వ‌స్తాయి. ఈ నొప్పుల‌తో ఏ ప‌ని చేయాల‌న్నా క‌ష్ట‌మే. ఈ స‌మ‌స్య‌ల‌న్నీ వృద్దుల‌కే కాదు. ఇప్పుడు వ‌య‌సులో ఉన్న‌వారికి కూడా వ‌స్తున్నాయి. అందుక‌ని హాస్పిట‌ల్ చుట్టూ తిరి‌గి మ‌రింత నొప్పికి గురి కాకుండా ఇంట్లోనే మందు త‌యారు చేసుకొని తాగితే ఎలాంటి బాధ ఉండ‌దు. మ‌న‌వ‌ళ్లు, మ‌న‌వ‌రాళ్ల‌తో ఎంచెక్కా ఆడుకోవ‌చ్చు. మ‌రి అదెలాగే తెలుసుకుందాం..!

మందుకు కావాల్సిన ప‌దార్థాలు :

మెంతులు 

న‌ల్ల మిరియాలు

జీల‌క‌ర్ర‌

త‌యారీ : 

వీటికి కొల‌త‌లు అనేం లేదు. కొంచెం కొంచెం తీసుకుంటే స‌రిపోతుంది. అయితే ముందుగా మెంతులు, న‌ల్ల మిరియాలు, జీల‌క‌ర్ర‌ను విడివిడిగా మిక్సీ ప‌ట్టించి మెత్త‌ని పొడిలా చేసుకోవాలి. వీట‌న్నింటినీ విడివిడిగానే జ‌ల్లెడ ప‌ట్టుకోవాలి. ఇప్పుడు ఈ మూడు పొడుల‌ను బాగా మిక్స్ చేయాలి. ఈ మిశ్ర‌మాన్ని గాలి త‌గ‌ల‌ని కంటైన‌ర్‌లో నిల్వ చేసుకోవాలి. ఎయిర్‌టైట్ కంటైన‌ర్‌లో స్టోర్ చేసుకోవ‌డం వ‌ల్ల ఎక్కువ రోజులే వ‌స్తుంది. ఇప్పుడు ఒక గ్లాస్ నీరు తీసుకొని, అందులో సగం స్పూన్‌ మిశ్రమం వేసి బాగా కలుపాలి. ఇది కాస్త చేదుగా ఉంటుంది కాబ‌ట్టి కొంచెం బెల్లం వేసుకుంటే బాగుంటుంది. ఈ మందును ప్ర‌తిరోజూ తాగ‌డం వ‌ల్ల కీళ్ల‌నొప్పులు నుంచి విముక్తి పొంద‌వ‌చ్చు. స‌రిగ్గా రెండు నెల‌లు క్ర‌మం త‌ప్ప‌కుండా పాటిస్తే యంగ్‌స్ట‌ర్స్‌లా గంతులేయొచ్చు. ఈ మందు వ‌ల్ల మోకాళ్ల నొప్పులు త‌గ్గ‌డమే కాకుండా, శ‌రీరానికి బ‌లాన్నిస్తుంది. 


 


logo