జొన్న‌లే క‌దా అని తీసిపారేయొద్దు..!

హైదారాబాద్‌: మ‌ధుమేహం, బీపీ లాంటి దీర్ఘకాలిక రోగుల సంఖ్య ఏటికేడు పెరిగిపోతుండ‌టంతో చిరు ధాన్యాల‌కు డిమాండ్ ఏర్ప‌డింది. కొర్ర‌లు, అరిక‌లు, జొన్నలు, రాగులు, స‌జ్జ‌లు వంటి వాటిని జ‌నం ఎక్కువ‌గా వినియోగిస్తున్నారు. వీటిలో అన్నింటి కంటే ఎక్కువ ప్ర‌యోజ‌నక‌ర‌మైనవి, మిగ‌తావాటితో పోల్చితే త‌క్కువ ధ‌ర‌కు ల‌భ్య‌మ‌య్యేవి జొన్న‌లు. మ‌రి ఆ జొన్న‌లతో క‌లిగే ప్ర‌యోజ‌నాల గురించి తెలుసుకుందామా..?

• జొన్న‌లతో చేసే ఏ ప‌దార్థ‌మైనా బ‌ల‌వ‌ర్ధ‌క‌మైన‌దే. బియ్యం, గోధుమ‌ల‌తో పోల్చితే జొన్న‌ల్లో కాల్షియం ఎక్కువ‌గా ఉంటుంది. 
• రోజూ జొన్నపిండితో చేసిన రొట్టెలు తినడంవల్ల ఎన్నోఆరోగ్య ప్రయోజనాలున్నాయి. అదేవిధంగా జొన్న గ‌ట‌క‌, జొన్న జావ, జొన్న అన్నం ఇలా ఏ ర‌కంగా తీసుకున్నా జొన్న‌లతో మేలే జరుగుతుంది. 
• జొన్న‌ల్లో ఇనుము, ప్రోటీన్లు, పీచు పదార్ధాల్లాంటి పోషకాలు ఎక్కువ. కాబ‌ట్టి గుండె జబ్బులు రాకుండా అడ్డుకునే గుణం జొన్నల్లో ఉంది. 
• ఆరోగ్యానికి కావాల్సిన యాంటీ ఆక్సిడెంట్స్ జొన్న‌ల్లో పుష్కలంగా ఉంటాయి. శరీరంలో ఉండే చెడు కొవ్వును తగ్గించే శక్తి జొన్నల‌కు ఉంది. 
• ఎముకలు బలిష్టంగా ఉంచేందుకు కావాల్సిన ఫాస్పరస్ జొన్నల్లో లభిస్తుంది. నరాల బలహీనతను తగ్గించే గుణం కూడా జొన్నలకు ఉంది. 
• రోజూ జొన్న‌ల‌తో చేసిన ఆహార ప‌దార్థాలు తీసుకోవ‌డంవ‌ల్ల రోగనిరోధక శక్తి పెరుగుతుంది. వయసు పెరిగేకొద్దీ వచ్చే మతిమరుపు, కంటిచూపు మందగించడం లాంటి సమస్యలు కూడా జొన్నలు ఎక్కువగా వాడటం వల్ల తగ్గుతాయి. 
• జొన్నల్లో పిండి పదార్థం ఎక్కువగా ఉండటంవల్ల జీర్ణశక్తి పెంపొందుతుంది. జొన్న‌లు ఆహారంగా తీసుకోవ‌డంవ‌ల్ల జీర్ణ‌శ‌క్తి కావాల్సిన హార్మోన్‌‌లు కూడా వృద్ధి చెందుతాయి. 

లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.