గురువారం 24 సెప్టెంబర్ 2020
Health - Jul 14, 2020 , 15:30:28

క్యాన్సర్ పరిశోధనలో అతి పెద్ద పురోగతి

క్యాన్సర్ పరిశోధనలో అతి పెద్ద పురోగతి

న్యూఢిల్లీ: క్యాన్సర్‌ వ్యాధికి వ్యతిరేకంగా జరుగుతున్న పోరాటంలో శాస్త్రవేత్తలు అతి పెద్ద పురోగతి సాధించారు. డిహోమోగమ్మ-లినోలెనిక్ ఆమ్లం (డీజీఎల్‌ఏ) అని పిలిచే కొవ్వు ఆమ్లం మానవులలో క్యాన్సర్ కణాలను చంపగలదని గుర్తించారు. పాలీఅన్‌శాచురేటెడ్ ఫ్యాటీ యాసిడ్ (పీయూఎఫ్ఏ) డైహోమోగమ్మ-లినోలెనిక్ ఆమ్లం యొక్క ఆహారం తీసుకోవడం జంతు నమూనాలో, వాస్తవ మానవ క్యాన్సర్ కణాలలో ఫెర్రోప్టోసిస్‌ను ప్రేరేపిస్తుందని తమ అధ్యయనంలో పేర్కొన్నారు.

అనేక వ్యాధి ప్రక్రియలతో దగ్గరి సంబంధం కలిగిన ఫెర్రోప్టోసిస్ అనే దానిని శాస్త్రవేత్తలు గుర్తించారు. ఆహార లిపిడ్లు అభివృద్ధి, హోమియోస్టాసిస్, వ్యాధులపై ప్రభావం చూపుతుండగా, నిర్దిష్ట ఆహార కొవ్వులు, సెల్ ఫేట్ ల మధ్య సంబంధాలు సరిగా అర్థం కాలేదని పరిశోధకులు అభిప్రాయపడ్డారు. 

దాదాపు ఇరవై సంవత్సరాలుగా డీజీఎల్‌ఏతో పాటు ఆహార కొవ్వులను అధ్యయనం చేస్తున్న వాషింగ్టన్ స్టేట్ యూనివర్సిటీ అసోసియేట్ ప్రొఫెసర్ జెన్నిఫర్ వాట్స్.. నెమటోడ్ కేనోరబ్డిటిస్ ఎలిగాన్స్‌ను జంతు నమూనాగా ఉపయోగిస్తున్నారు. ఈ ఆవిష్కరణకు క్యాన్సర్‌కు సంభావ్య చికిత్స దిశగా అనేక చిక్కులు ఉన్నాయని ప్రొఫెసర్ వాట్స్ చెప్పారు.

నెమటోడ్లకు ఆహారం ఇవ్వడం వల్ల డీజీఎల్‌ఏతో నిండిన బ్యాక్టీరియా.. అన్ని బీజ కణాలతో పాటు బీజ కణాలను తయారుచేసే మూల కణాలను కూడా చంపినట్లు పరిశోధకులు కనుగొన్నారు. కణాలు చనిపోయిన విధానం ఫెర్రోప్టోసిస్ యొక్క అనేక సంకేతాలను కలిగి ఉందని అధ్యయనం తెలిపింది.

ఫలితాలు మానవ కణాలకు సరిపోతాయో లేదో తెలుసుకోవడానికి పరిశోధకుల బృందం స్టాన్ఫోర్డ్ విశ్వవిద్యాలయానికి చెందిన స్కాట్ డిక్సన్‌తో కలిసి పనిచేసింది. డిక్సన్ చాలా సంవత్సరాలుగా ఫెర్రోప్టోసిస్, క్యాన్సర్‌తో పోరాడటానికి దాని సామర్థ్యాన్ని అధ్యయనం చేస్తున్నారు.


logo