సంతాన సాఫల్యతను పెంచే గుమ్మడికాయ విత్తనాలు..!


Wed,September 12, 2018 09:38 AM

గుమ్మడికాయ విత్తనాల్లో మన శరీరానికి కావల్సిన అనేక ముఖ్యమైన పోషకాలు పుష్కలంగా ఉంటాయి. వీటిల్లో జింక్, మెగ్నిషియం, మాంగనీస్, కాపర్, ఐరన్, సెలీనియం, కాల్షియం, పాస్ఫరస్, ఒమెగా 3 ఫ్యాటీ యాసిడ్లు, విటమిన్ బి, ఎ .. ఇలా చెప్పుకుంటూ పోతే ఆ జాబితా చాంతాడంత అవుతుంది. అన్ని పోషకాలు గుమ్మడికాయ విత్తనాల్లో ఉంటాయి. ఈ క్రమంలోనే నిత్యం గుమ్మడి కాయ విత్తనాలను తింటుంటే ఎలాంటి లాభాలు కలుగుతాయో ఇప్పుడు తెలుసుకుందాం.

1. గుమ్మడికాయ విత్తనాలను పురుషులు తింటే వారిలో వీర్యం బాగా ఉత్పత్తి అవుతుంది. అందులో శుక్రకణాలు బాగా చలనం కలిగి ఉంటాయి. దీంతో సంతాన సాఫల్యత అవకాశాలు పెరుగుతాయి. సంతానం కలిగే అవకాశం ఎక్కువగా ఉంటుంది. పిల్లల కోసం తపన పడే వారు గుమ్మడికాయ విత్తనాలను తినడం ద్వారా ఫెర్టిలిటీ సమస్యను నయం చేసుకోవచ్చు. గుమ్మడికాయ విత్తనాల్లో ఉండే ప్రోటీన్లు, మెగ్నిషియం, మాంగనీస్, పాస్ఫరస్, ఐరన్, జింక్ తదితర పోషకాలు పురుషుల్లో టెస్టోస్టిరాన్ స్థాయిలను పెంచుతాయి. దీని వల్ల వారిలో శృంగార సామర్థ్యం కూడా పెరుగుతుంది.

2. గుమ్మడికాయ విత్తనాలను తరచూ తినడం వల్ల పురుషుల్లో ప్రోస్టేట్ సమస్యలు రాకుండా ఉంటాయని పరిశోధనలు చెబుతున్నాయి.

3. కండరాలకు మరమ్మత్తులు చేయడంలో, కొత్త కణాలను నిర్మించడంలో గుమ్మడికాయ విత్తనాలు కీలక పాత్ర పోషిస్తాయి. నిత్యం వ్యాయామం చేశాక గుమ్మడికాయ విత్తనాలను తింటే చక్కని దేహ దారుఢ్యం సొంతమవుతుంది.

4. గుమ్మడికాయ విత్తనాల్లో పుష్కలంగా ఉండే జింక్ వల్ల వెంట్రుకలు ఆరోగ్యంగా ఉంటాయి.

5. గుమ్మడికాయ విత్తనాలను తరచూ తింటుంటే వాటిల్లో ఉండే యాంటీ ఇన్‌ఫ్లామేటరీ గుణాలు నొప్పులు, వాపులను తగ్గిస్తాయి. జీర్ణశక్తిని పెంచుతాయి.

3184

More News

VIRAL NEWS

Featured Articles

Health Articles