ఆదివారం 20 సెప్టెంబర్ 2020
Health - Jul 28, 2020 , 10:33:56

చెర్రీ పండ్లతో ఇన్ని లాభాలా?!

చెర్రీ పండ్లతో ఇన్ని లాభాలా?!

హైదరాబాద్‌ :  మీ ఆరోగ్యానికి దోహదం చేసే ఆహారాలు ఎన్నో ఉన్నాయి. మీరు ఇలాంటి ఆహారాలు గుర్తించడానికి ప్రయత్నించినప్పుడు, మీరు కేవలం చెర్రీస్ మిస్ కావద్దు! ఈ చిన్న పండ్లు.. చాలా ఆకర్షణీయంగా ఉంటాయి. ఎన్నో రకాలుగా మీ ఆరోగ్యాన్ని కాపాడతాయి. ఇది చెర్రీల సీజన్!.. వీటి గురించి తెలుసుకుంటే ఆశ్చర్యపోతారు. చెర్రీలు నిజంగా మీకు మంచివా? కాదా? అంటే వందశాతం మంచివేనని సమాధానం వస్తుంది. చెర్రీపండ్లు కేవలం ఆరోగ్యవంతమైన పండ్లలో ఒకటి మాత్రమే కాదు. అత్యంత ఆరోగ్య సంరక్షణ ఆహారాల్లో మొదటి వరుసలో నిలుస్తుంది. ఒక కప్పు పండ్లలో తక్కువ క్యాలరీలు ఉండడంతో పాటు రోజు వారిలో అవసరమైన విటమిన్‌ ‘సీ’ 15శాతం అందుతుంది. అలాగే నీయాసిన్, ఫోలేట్స్, థయామిన్ రిబోఫ్లావిన్, పొటాషియం, ఐరన్‌,  విటామిన్లు పుష్కలంగా ఉన్నాయి. 

యాంటీ ఆక్సిడెంట్స్‌ పుష్కలం..

చెర్రీస్ పండ్లలో యాంటీ ఆక్సిడెంట్స్, యాంటీ ఇన్ల్ఫమేటరి కాంపౌండ్స్‌కు ఒక శక్తివంతమైన మూలం. ఈ సెల్యులార్ బాడీగార్డ్స్‌ వృద్ధాప్యాన్ని నెమ్మదింపజేస్తాయి. గుండె జబ్బులు, క్యాన్సర్, అల్జీమర్స్, మధుమేహం, ఊబకాయం వంటి దీర్ఘకాలిక అస్వస్థతలను దూరం చేస్తాయి.

మధుమేహం నుంచి రక్షణ..

చెర్రీస్ యాంటీ ఇన్ఫ్లమేటరీ ఎఫెక్ట్ మీ శరీరాన్ని ఆరోగ్యంగా ఉంచడానికి సహాయపడుతుంది. రక్తంలోని చక్కెర, ఇన్సులిన్ లెవల్స్‌ను ప్రేరేపించవు. ఇది మధుమేహం నుంచి రక్షణ కల్పిస్తుంది. ఒకవేళ మీకు ఇప్పటికే మధుమేహం ఉన్నట్లయితే వాడడం మానొద్దు.

ఆరోగ్యకరమైన నిద్రను ప్రోత్సహిస్తాయి..

చెర్రీ పండ్లలో మెలటోనిన్ ఉంటుంది. ఒక యాంటీ ఆక్సిడెంట్. ఇది నాడీ వ్యవస్థ మీద ప్రభావం చూపుతుంది. నిద్ర చక్రాలను నియంత్రించడానికి సహాయపడే హార్మోన్. నిద్రలేమితో ఉన్న స్త్రీ, పురుషుల్లో ఒక అధ్యయనం ప్రకారం.. ప్లెసిబోతో పోలిస్తే, ఉదయం ఎనిమిది ఔన్సుల టార్ట్ చెర్రీ జ్యూస్ పడుకునే సమయానికి ఒకటి నుంచి రెండు గంటల నుంచి ముందు తీసుకోవడం ద్వారా నిద్ర సమయాన్ని గంట 24 నిమిషాలు పెరిగిందని నిపుణులు పేర్కొంటున్నారు.

ఆర్థరైటిస్‌కు ఉపశమనం..

ఆస్టియో ఆర్థరైటిస్ బాధితులకు చెర్రీ తీసుకోవడం ద్వారా ప్రయోజనకరంగా ఉందని పలు అధ్యయనాలు సూచించాయి. మీ భోజనం లేదా చిరుతిండి దినచర్యలో చెర్రీస్ లేదా వందశాతం చెర్రీ జ్యూస్‌ను క్రమం తప్పకుండా చేర్చడంతో మీ కీళ్ల నొప్పులు తగ్గుతాయి.

గౌట్‌ అటాక్‌ను తగ్గిస్తాయి..

అమెరికాలో ఎనిమిది మిలియన్ల మంది వయోజనులు గౌట్‌తో బాధపడుతున్నారు. యూరిక్ యాసిడ్ అని పిలవబడే వ్యర్థ పదార్థం కీళ్లలోపల స్ఫటికీకరణం చెందినప్పుడు నొప్పి, వాపునకు కారణం అవుతుంది. ఒక అధ్యయనంలో చెర్రీలను కేవలం రెండు రోజులు (తాజా పండ్లు, అలాగే చెర్రీ రసం) తీసుకోవడం ద్వారా గౌట్‌ రోగులు చెర్రీస్‌ తినని వారితో పోలిస్తే 35శాతం తక్కువ ఎటాక్‌ను ప్రమాదాలను ఎదుర్కొన్నారు.  

కొలెస్ట్రాల్‌ను తగ్గిస్తుందట..

టార్ట్ చెర్రీ జ్యూస్ తాగడంతో కొలెస్ట్రాల్ను తగ్గించవచ్చని నిపుణులు చెబుతున్నారు. ఎల్‌డీఎల్‌గా పిలిచే చెడు రకంతో సహా మొత్తం కొలెస్ట్రాల్‌ను తగ్గించవచ్చని తేలింది. ఇది కీలకం ఎందుకంటే ప్రతి 1శాతం కొలస్ట్రాల్ తగ్గించడంతో పాటు గుండెజబ్బుల రిస్క్‌ 2శాతం తగ్గింది. అధిక ఎల్‌డీఎల్‌తో గుండెపోటు ప్రమాదం ఎక్కువగా ఉంటుంది.

నొప్పులను తగ్గిస్తాయి..

టార్ట్ చెర్రీ ఏకాగ్రత ఓర్పు, వ్యాయామ పనితీరును మెరుగుపరుస్తుంది. అధ్యయనం ప్రకారం, ఇంటెన్సివ్ వర్కౌట్ తర్వాత కండరాల పునరుద్ధరణకు సహాయపడతాయి. ఈ కారణంగా టార్ట్ చెర్రీ రసం ప్రొఫెషనల్, పోటీ అథ్లెట్లతో ప్రసిద్ధి చెందింది. ఇది క్రమం తప్పకుండా చురుకుగా ఉన్న ఎవరికైనా సహాయపడుతుంది.


లోకల్ టు గ్లోబల్.. వార్త ఏదైనా.. అన్నీ ఒకే యాప్లో. నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.


logo