బుధవారం 30 సెప్టెంబర్ 2020
Health - Apr 21, 2020 , 19:39:58

బియ్యం కడిగిన నీటితో ఎన్నో ప్రయోజనాలు

బియ్యం కడిగిన నీటితో ఎన్నో ప్రయోజనాలు

ప్రతిరోజూ బియ్యం కడిగిన నీటిని ఏం చేస్తున్నారు? వృథాగా పడేస్తున్నారా! అయితే ఆపండి.  బియ్యం కడిగిన నీటితో ఎన్నో ప్రయోజనాలు ఉన్నాయి. ఈ నీటిని ఉపయోగించడం వల్ల కలిగే లాభాలేంటో చూద్దాం.

-బియ్యం కడిగిన నీటిని పులియబెట్టినప్పుడు అందులో బి విటమిన్లు తయారవుతాయి. దీనికి ఇతర పదార్థాలు కలిపి తీసుకుంటే తక్షణ శక్తి అందుతుంది.

పేగుల ఆరోగ్యానికి, మంచి బ్యాక్టీరియా వృద్ధి చెందడానికి, మెటబాలిజం పెరగడానికి తోడ్పడుతుంది.

-బియ్యం కడిగిన నీటితో స్నానం చేస్తే మృత కణాలు పోవడంతోపాటు చర్మం మెరుస్తుంది. దురద వల్ల వచ్చే మంట తగ్గుతుంది.

-బియ్యం నీరు సహజ మాయిశ్చరైజర్‌గానూ పనిచేస్తుంది. ప్రతిరోజూ దీంతో ముఖం కడుగుతూ ఉంటే మొటిమలు, మచ్చలు తగ్గుముఖం పడుతాయి.

-కప్పుబియ్యం కడిగిన నీటిలో స్పూన్ తేనె, కొన్ని చుక్కల లావెండర్ నూనె కలిపి జుట్టుకు రాసుకోవాలి. 15 నిమిషాల తర్వాత కడిగేసుకుంటే జుట్టు పట్టులా మెరుస్తుంది.

-బియ్యం నీటిని నేరుగా తలకు పట్టించి మర్దన చేసుకోవాలి. ఆ తర్వాత తలస్నానం చేస్తే జుట్టుకు కావలసిన పోషణ అందుతుంది. దీంట్లోని బయోటిన్ జుట్టు ఒత్తుగా పెరుగడానికి ఉపయోగపడుతుంది.

-ఈ నీటిలోని విటమిన్ బి3, ఇ, యాంటీ ఆక్సిడెంట్లు జుట్టు రంగు మారడాన్ని నిరోధించడంతో పాటు తేమను అందిస్తాయి. జుట్టు చివర్లు చిట్లకుండా ఉంటాయి.


logo