గురువారం 01 అక్టోబర్ 2020
Health - Jul 18, 2020 , 19:36:11

దోమలతో మనుషుల్లో కరోనా వ్యాపిస్తుందా?

దోమలతో మనుషుల్లో  కరోనా వ్యాపిస్తుందా?

న్యూయార్క్ : ప్రాణాంతకమైన కరోనా వైరస్ యావత్ ప్రపంచాన్ని గజగజ వణికి ఇస్తున్న విషయం తెలిసిందే. చైనాలో వెలుగులోకి వచ్చిన ఈ మహమ్మారి వైరస్ శరవేగంగా ప్రపంచ దేశాలకు వ్యాప్తి చెందుతూ ఎంతోమంది ప్రాణాలను బలి తీసుకుంటున్నది. ఇప్పటివరకు ఈ మహమ్మారి వైరస్ 125 దేశాలకుపైగా వ్యాపించింది. ఎన్ని ముందు జాగ్రత్త చర్యలు తీసుకున్నా కరోనా వ్యాప్తి మాత్రం శరవేగంగా జరుగుతోంది.

ప్రజలందరూ కరోనా వైరస్ ఎఫెక్ట్ వల్ల ప్రాణాలు గుప్పిట్లో పెట్టుకుని బతుకుతుండగా.. దోమకాటుతో కరోనా వైరస్ సోకుతుందని సోషల్ మీడియాలో ప్రచారం జరుగుతున్నది. దోమకాటుతో కరోనా వైరస్ వస్తుందని జరుగుతున్న కథనాలను వైద్య నిపుణులు కొట్టిపారేస్తున్నారు . దోమకాటు వల్ల మనుషుల్లో కరోనా వైరస్ వ్యాప్తి చెందదని తాజాగా ఒక అధ్యయనం మరోసారి స్పష్టం చేసింది. సైంటిఫిక్ రిపోర్ట్స్ జర్నల్‌లో ఈ అధ్యయనం ఫలితాలను ప్రచురించారు. కొవిడ్ -19 వ్యాధికి కారణమయ్యే సార్స్ కోవ్-2 వైరస్ యొక్క సామర్థ్యంపై మొదటి ప్రయోగాత్మక పరిశోధనను అందిస్తాయి. ఇవి దోమల బారిన పడతాయి, వ్యాపిస్తాయి.

"దోమలు కరోనా వైరస్ ను వ్యాప్తి చేయలేవని ప్రపంచ ఆరోగ్య సంస్థ నిశ్చయంగా పేర్కొన్నప్పటికీ, మా అధ్యయనం సిద్ధాంతానికి మద్దతు ఇచ్చే నిశ్చయాత్మక డేటాను అందించిన మొదటిది" అని అమెరికాలోని కాన్సాస్ స్టేట్ యూనివర్శిటీకి చెందిన అధ్యయన పరిశోధకుడు స్టీఫెన్ హిగ్స్ తెలిపారు.

మూడు జాతుల దోమలు - ఈడెస్ ఈజిప్టి, ఈడెస్ ఆల్బోపిక్టస్, కులెక్స్ క్విన్క్యూఫాస్కియాటస్ ప్రజలను ప్రభావితం చేసే రెండు ముఖ్యమైన ఆర్బోవైరస్ వెక్టర్లను సూచిస్తాయి. అలాగే, కొరోనావైరస్ యొక్క మూలం చైనాలో ఈ మూడు జాతుల దోమలు ఉన్నాయి. ఈ వైరస్ మూడు సాధారణ, విస్తృతంగా ఉన్న దోమల యొక్క ప్రతిరూపాలను చేయలేకపోతున్నాయని, అందువల్ల మానవులకు వ్యాప్తి చెందదని ఈ అధ్యయనం తేల్చింది. "తీవ్రమైన పరిస్థితుల్లో కూడా సార్స్ కోవ్-2 వైరస్ ఈ దోమలలో ప్రతిరూపం చేయలేదని తాము నిరూపించామని, ఒక దోమ వైరెమిక్ హోస్ట్‌కు ఆహారం ఇచ్చే అవకాశం లేకపోయినా ప్రజలకు వ్యాప్తి చెందదు" అని అధ్యయన రచయితలు రాశారు.

రిఫ్ట్ వ్యాలీ జ్వరం, జపనీస్ ఎన్ సెఫలైటిస్, ఆఫ్రికన్ స్వైన్ ఫీవర్, క్లాసికల్ స్వైన్ ఫీవర్ వంటివి.. జంతువుల నుంచి ప్రజలకు వ్యాప్తి చెందే ఇతర జంతు వ్యాధికారకాలతో పరిశోధనలు కొనసాగుతున్నాయి.


logo