ఊపిరితిత్తులు శుభ్రం అవ్వాలంటే వీటిని రోజూ తీసుకోవాలి..!


Sun,May 6, 2018 03:51 PM

నేటి త‌రుణంలో ఎక్క‌డ చూసినా వాయు కాలుష్యం రోజు రోజుకీ పెరిగిపోతున్న‌ది. వాహ‌నాల నుంచి వెలువడే పొగ‌, ప‌రిశ్ర‌మ‌లు, అడ‌వుల‌ను ధ్వంసం చేయడం త‌దిత‌ర అనేక కార‌ణాల వ‌ల్ల వాయు కాలుష్య తీవ్రత ఎక్కువ‌వుతున్న‌ది. దీంతో ప్ర‌జ‌లు అనేక అనారోగ్యాల బారిన ప‌డుతున్నారు. ముఖ్యంగా ఊపిరితిత్తుల సంబంధిత వ్యాధుల‌తో స‌త‌మ‌తం అవుతున్నారు. ఊపిరితిత్తుల్లో కాలుష్య కార‌కాలు చేరి అవి వ్యాధుల‌ను క‌ల‌గ‌జేస్తున్నాయి. క‌నుక ఎవ‌రైనా ఊపిరితిత్తుల‌ను శుభ్రంగా ఉంచుకోవాల్సిన అవ‌స‌రం ఏర్ప‌డింది. అయితే కింద సూచించిన ఆహారాల‌ను రోజూ తీసుకుంటే దాంతో ఊపిరితిత్తుల‌ను ఎఫెక్టివ్‌గా క్లీన్ చేసుకోవ‌చ్చు. అనారోగ్యాల బారిన ప‌డ‌కుండా ఉండ‌వ‌చ్చు. మ‌రి ఊపిరితిత్తులు క్లీన్ అవ్వాలంటే మ‌నం రోజూ తీసుకోవాల్సిన ఆ ఆహారాలు ఏమిటో ఇప్పుడు తెలుసుకుందామా..!

1. ద్రాక్ష పండ్లు

వారంలో క‌నీసం నాలుగు సార్లు ద్రాక్ష పండ్ల‌ను తీసుకోవాలి. వాటిల్లో ఉండే యాంటీ ఆక్సిడెంట్లు ఊపిరితిత్తుల‌ను శుభ్రం చేస్తాయి. శ్వాస కోశ స‌మ‌స్య‌లు రాకుండా ఉంటాయి. క్యాన్స‌ర్ బారిన ప‌డ‌కుండా ఉండ‌వ‌చ్చు.

2. ఉల్లిపాయ‌లు

వీటిలో యాంటీ ఆక్సిడెంట్లు స‌మృద్ధిగా ఉంటాయి. ఇవి ఊపిరితిత్తుల్లో పేరుకుపోయిన వ్య‌ర్థాల‌ను తొల‌గిస్తాయి. ఊపిరితిత్తుల‌ను క్లీన్ చేస్తాయి.

3. క్యారెట్ జ్యూస్

రోజూ ఉద‌యాన్నే ప‌ర‌గ‌డుపునే 300 ఎంఎల్ మోతాదులో క్యారెట్ జ్యూస్ తాగితే ఊపిరితిత్తులు క్లీన్ అవుతాయి. వాటిల్లో ఉండే చెడు ప‌దార్థాలు తొల‌గిపోతాయి.

4. అల్లం

అల్లంలో ఉండే యాంటీ ఆక్సిడెంట్లు ఊపిరితిత్తుల్లో పేరుకుపోయిన విష ప‌దార్థాల‌ను బ‌య‌ట‌కు పంపుతాయి. నిత్యం ఉద‌యాన్నే ప‌ర‌గ‌డుపునే ఒక‌టి నుంచి రెండు టీస్పూన్ల అల్లం ర‌సం సేవిస్తే మంచి ఫ‌లితం ఉంటుంది.

5. పుదీనా టీ

రోజూ ఉద‌యాన్నే బ్రేక్‌ఫాస్ట్ అనంత‌రం పుదీనా టీ తాగాలి. ఇది శరీరాన్ని ఉత్తేజం చేస్తుంది. ఊపిరితిత్తుల‌ను శుభ్రం చేసే గుణాలు పుదీనా టీలో ఉంటాయి.

6. పైనాపిల్ జ్యూస్

రోజూ 300 ఎంఎల్ మోతాదులో పైనాపిల్ జ్యూస్‌ను తాగినా చాలు. ఊపిరితిత్తుల‌ను ఆరోగ్యంగా ఉంచుకోవ‌చ్చు. అనారోగ్యాలు రాకుండా ఉంటాయి.

7. నిమ్మ‌ర‌సం

రోజూ ఉద‌యాన్నే ప‌ర‌గ‌డుపునే ఒక గ్లాస్ గోరు వెచ్చ‌ని నీటిలో కొద్దిగా నిమ్మ‌ర‌సం క‌లుపుకుని తాగితే మంచి ఫ‌లితం ఉంటుంది. ఊపిరితిత్తులు శుభ్ర‌మ‌వుతాయి.

9969

More News

VIRAL NEWS