మేడ్చల్ మల్కాజ్గిరి : సామాజిక మాధ్యమాల్లో యువతులను బెదిరిస్తున్న విద్యార్థిని పోలీసులు అరెస్టు చేశారు. వీడియోలు సామాజిక మాధ్యమాల్లో పెడతానంటూ వరంగల్కు చెందిన విద్యార్థి సుదీప్కుమార్ పలువురి యువతులను బెదిరించి డబ్బులు దండుకున్నాడు. ఈ క్రమంలో భాగంగానే ఓ యువతిని బెదిరించి భారీగా డబ్బులు డిమాండ్ చేశాడు. ఇప్పటికే యువతి నుంచి రూ.1.30 లక్షలు తీసుకున్నాడు. ఇంకా డబ్బులు కావాలని వేధించడంతో బాధితురాలు పోలీసులను ఆశ్రయించి ఫిర్యాదు చేసింది. యువతి ఫిర్యాదుతో పేట్బషీరాబాద్ పోలీసులు సుదీప్ను అరెస్టు చేశారు. ఇతడి బాధితులు ఇంకా ఎవరైనా ఉన్నారా అనే కోణంలో పోలీసులు దర్యాప్తు చేపట్టారు.