బుధవారం 23 సెప్టెంబర్ 2020
Health - Jul 22, 2020 , 23:26:54

అల్జీమర్స్‌కి..పసుపు, కరివేపాకు

అల్జీమర్స్‌కి..పసుపు, కరివేపాకు

వృద్ధుల్లో వచ్చే మతిమరుపు (అల్జీమర్స్‌) సమస్యకు ఇప్పటివరకు సరైన మందులే లేవు. కానీ తాజా పరిశోధనలు మాత్రం కొత్త ఆశలు కలిగిస్తున్నాయి. కరివేపాకు, పసుపు లాంటి వంటింటి పదార్థాలు ఈ సమస్యకు మంచి ఔషధాలుగా పనిచేస్తాయంటున్నారు పరిశోధకులు. అమిలాయిడ్‌ బీటా అనే ప్రొటీన్‌ మెదడులో అడ్డుపడటం వల్ల అల్జీమర్స్‌ సమస్య ఏర్పడుతుంది. ఈ ప్రొటీన్‌ అడ్డును తొలగించే శక్తి కరివేపాకులో, పసుపులో ఉన్నట్టు క్యాలిఫోర్నియా యూనివర్సిటీ పరిశోధనల్లో వెల్లడైంది. వ్యాధి

నిరోధక కణాలైన మాక్రోఫేజ్‌లను శక్తిమంతం చేసే గుణాలు కరివేపాకులో ఉన్నాయి. ఇవి మతిమరుపును కలిగించే అమిలాయిడ్‌ బీటా ప్రొటీన్లను తొలగిస్తాయని ఈ అధ్యయనంలో తేలింది. అల్జీమర్స్‌ రోగుల నుంచి రక్తాన్ని తీసుకుని, కరివేపాకుతో చేసిన ప్రయోగంలో అమిలాయిడ్‌ బీటా ప్రొటీన్‌ తగ్గిపోవడం గమనించామన్నారు పరిశోధకుల్లో ఒకరైన డాక్టర్‌ మిలన్‌ ఫియాలా. పసుపు, కరివేపాకుల వల్ల ఎటువంటి దుష్ఫ్రభావాలు లేకపోవడం అల్జీమర్స్‌ సమస్య ఉన్నవాళ్లకు వరమే అయింది. 



logo