కోవిడ్ వ్యాక్సిన్ తీసుకోమని ప్రభుత్వమూ పదేపదే ప్రజలకు విజ్ఞప్తి చేస్తోంది. మే 1 నుంచి దేశవ్యాప్తంగా 18ఏళ్లు దాటిన వారందరూ తప్పక వ్యాక్సిన్ తీసుకోవాలనిఇప్పటికే కేంద్రం ప్రకటించింది. అలాగే రాష్ట్ర ప్రభుత్వాలు కూడా ఉచిత వ్యాక్సిన్ ని అందజేస్తామని తెలిపాయి. అయినాసరే జనాల్లో ఇంకా కోవిడ్ టీకాపై అపోహాలు తగ్గలేదు. రకరకాల సందేహాలు వ్యక్తం చేస్తున్నారు. అందులో ప్రెగ్నెన్సీకి సంబంధించి పలు అనుమానాలు వ్యక్తమవుతున్నాయని గైనకాలజిస్ట్ లు చెబుతున్నారు.
గర్భంతో ఉన్నవారు , పిల్లలను కనాలనుకునేవారు కోవిడ్ టీకా వేయించుకోవచ్చా ? అన్న ప్రశ్నలకు ఎలాంటి ఢోకా లేదంటున్నారు గైనకాలజిస్ట్ లు. 4-6నెలల గర్భంతో ఉన్నవారు వేయించుకోవచ్చని చెబుతున్నారు. కొందరు ప్రెగ్నెన్సీ అని తెలియక వ్యాక్సిన్ వేయించుకున్నా ఇబ్బంది లేదంటున్నారు. మీరు ఒకసారి వ్యాక్సిన్ వేయించుకునే ముందు తప్పనిసరిగా గైనిక్ ని సంప్రదించి వారు ఇచ్చిన సూచనలు, సలహాని తీసుకోవడం మంచిందంటున్నారు. టీకా తీసుకోవడం వల్ల పుట్టబోయే బిడ్డకు ఎలాంటి ప్రమాదం ఉండదని అయితే డాక్టర్ల సలహాలు, సూచనలను మాత్రం తప్పకుండా పాటించాల్సి ఉంటుందని చెబుతున్నారు.