రాగి దోశ

ఇమ్యూనిటీ ఫుడ్‌

కావలసిన పదార్థాలు

రాగి పిండి: ఒక కప్పు

ఉల్లిపాయలు: రెండు

కొత్తిమీర: కొద్దిగా

కరివేపాకు: రెండు రెమ్మలు

పచ్చిమిర్చి: నాలుగు

ఉప్పు: తగినంత

తయారుచేసే విధానం

ముందుగా ఓ పాత్ర తీసుకుని, రాగిపిండి వేసి నీళ్లు పోసుకుంటూ దోశపిండిలా కలుపుకోవాలి. ఇప్పుడు ఆ పిండిలో ఉల్లిపాయ ముక్కలు, కొత్తిమీర, కరివేపాకు తురుము, తరిగిన పచ్చిమిర్చి ముక్కలు, ఉప్పు వేసి ఉండలు కట్టకుండా బాగా కలపాలి. స్టవ్‌ పై దోశ పాన్‌ పెట్టి, మీడియం మంటపై ఉంచి, రాగి పిండిని తీసుకుని దోశలా వేయాలి. నెయ్యితో రెండు వైపులా 3 నుంచి 4 నిమిషాల పాటు కాల్చాలి. అంతే, ఎన్నో పోషక విలువలు కలిగిన రాగి దోశలు సిద్ధమైనట్టే.