వీటిని పొట్టుతో తింటేనే పోషకాలు అందుతాయ్‌!

హైదరాబాద్‌: కూరగాయలు ఎక్కువగా తినాలని నిపుణులు సూచిస్తూనే ఉంటారు. ఇవి ఆరోగ్యానికి మంచివని చెబుతారు. వీటిలో ఎన్నో పోషకాలుంటాయి. అయితే, చాలా కూరగాయలను మనం పొట్టుతీసేసి కూర వండుతుంటాం. కానీ, కొన్నిరకాల కూరగాయలను పొట్టుతో తింటేనే ఎక్కువ పోషకాలు అందుతాయట. అవేంటో ఇప్పుడు చూద్దాం. 

1. క్యారెట్‌..

క్యారెట్‌పైన మురికిగా ఉంటుందని పైన చెక్కి తింటుంటాం. కానీ దీనివల్ల ఎన్నో పోషకాలు కోల్పోతామట. క్యారెట్‌లో బీటాకెరోటిన్‌, ఫైబర్‌, విటమిన్‌ కే, పొటాషియం, యాంటీ ఆక్సిడెంట్లు పుష్కలంగా ఉంటాయి. అయితే, ఫైబర్‌ మాత్రం క్యారెట్‌ పైపొరలోనే ఉంటాయట. అందుకే క్యారెట్‌ను శుభ్రంగా కడిగి తింటే శరీరానికి కావాల్సిన పీచు అందుతుంది. 

2.బీట్‌రూట్‌..

బీట్‌రూట్‌ ఇది పొట్టుతో తింటే చాలా మంచిది. దీన్ని పచ్చిగా కూడా తినవచ్చు.  సూప్, సలాడ్ రూపంలోనూ తీసుకోవచ్చు. బీట్ రూట్ తొక్క తింటే చాలా మంచిది. ఇది జీర్ణక్రియను బాగా మెరుగుపరుస్తుంది.

3.దోసకాయ..

దోసకాయపై తొక్క, దాని విత్తనాలు అధిక పోషకాలను కలిగి ఉంటాయి. చాలా మంది దోస గింజలు తీసుకోరు. కానీ  ఇది మంచిది.. ఇది షుగర్ రాకుండా కాపాడుతుంది. అయితే, బాగా కడిగి మాత్రమే తినాలి.  

లోకల్ టు గ్లోబల్.. వార్త ఏదైనా.. అన్నీ ఒకే యాప్లో నమస్తే తెలంగాణ ఆండ్రాయిడ్ యాప్ డౌన్లోడ్ చేసుకోండి.