కొర్రల పాయసం

కావలసిన పదార్థాలు: కొర్రలు: ఒక కప్పు, శనగపప్పు: పావు కప్పు, పాలు: అర లీటరు, పచ్చి కర్జూరం: ఒక కప్పు, జీడిపప్పు, ఎండుద్రాక్ష: పావుకప్పు, యాలకుల పొడి: అర టీ స్పూను, తేనె: ఒక టీ స్పూను, నెయ్యి: 1 టీ స్పూను.

తయారీ విధానం: ముందుగా గింజలు తీసేసిన పచ్చి కర్జూరాలను కొన్ని నీళ్లు చిలకరించి మెత్తగా చేసుకుని పక్కనుంచాలి. కొర్రల్ని దోరగా వేగించి, శనగపప్పుతో పాటు మూడు కప్పులు నీళ్ళు పోసి మూడు విజిల్స్‌ వచ్చేవరకూ కుక్కర్లో ఉడికించాలి. చల్లారిన తర్వాత పాలు, కర్జూరం పేస్టు కలిపి చిన్నమంటపై బుడగలు వచ్చేవరకూ ఉంచాలి. తర్వాత పాత్రలోకి తీసుకుని నేతిలో వేగించిన జీడిపప్పు, కిస్‌మిస్‌లతో అలంకరించి, యాలకుల పొడి చల్లితే కొర్రల పాయసం రెడీ.