చెన్నై : ఉద్యోగం ఆశచూపి ఒంటరి మహిళపై టీస్టాల్ లో పనిచేసే వ్యక్తి లైంగిక దాడికి పాల్పడిన ఘటన చెన్నైలో వెలుగుచూసింది. పోలీసులు తెలిపిన వివరాల ప్రకారం చెన్నైలోని కిల్పాక్ ప్రాంతంలో ఓ మహిళ (35) తన కుమారుడితో కలిసి ఉంటోంది. ఈమె ఇంటికి పొరుగున ఉన్న టీస్టాల్ లో పనిచేసే శక్తివేల్ మహిళతో పరిచయం పెంచుకుని తనకు తెలిసిన వ్యక్తిని సంప్రదిస్తే ఉద్యోగం ఇస్తాడని మభ్యపెట్టాడు.
ఈ క్రమంలో శుక్రవారం మహిళను ఇంటి నుంచి బలవంతంగా కారులో ఎక్కించుకుని నిర్జన ప్రదేశానికి తీసుకువెళ్లి లైంగిక దాడికి పాల్పడ్డాడు. మహిళ ఇంటికి రాకపోవడంతో కుమారుడు తన అంకుల్ తో కలిసి పోలీస్ స్టేషన్ లో ఫిర్యాదు చేశాడు. పోలీసులు సీసీటీవీ ఫుటేజ్ ను పరిశీలించగా మహిళ శక్తివేల్ తో మాట్లాడటం కనిపించింది. శక్తివేల్ ను అరెస్ట్ చేసిన పోలీసులు కేసు నమోదు చేసి దర్యాప్తు ముమ్మరం చేశారు.