e-Paper

Advertisement

E-Paper

Apps

Book Your Copy

Visit Telangana Today

Friday, September 24, 2021
Home ఎడిట్‌ పేజీ మట్టి పొత్తిళ్ల నుంచి జనం గుండెల్లోంచి

మట్టి పొత్తిళ్ల నుంచి జనం గుండెల్లోంచి

కొన్ని రివాజులెన్నటికీ మారవు
కొన్ని నడకలెన్నటికీ
వంకర గీతలు నడవవు
ఓటమి అంచున గెలుపును
చూడగలిగిన కళ్లు
అలుపెరుగని పోరాటంలో
గాయాలకు బెదరవు
ప్రాణాలను తృణప్రాయమనుకునే బతుకు
చిరునవ్వులనెన్నడు త్యాగం చేయదు
వలస సంకెళ్లను తెంచగలిగిన పట్టుదల
ఇరుకు గోడల నడుమ ఉక్కిరిబిక్కిరవ్వదు
గొప్ప సంకల్పం పోగులు పోగులుగా
తెగిపడి విడిపోకముందే
తనకుతాను తాడై అల్లుకుపోగల ధైర్యాన్ని
ఈ మట్టికి ధారపోస్తుంది
నిలువ నీడ కరువై
జీవితాలు బరువైన ప్రజా కోటికి
ఎండను మింగి
వెన్నెలను కురిపించే అభయాన్ని
కానుకగా ఇస్తుంది
వేలు చూపితే చాలు
కొండనెగబాకగల ప్రజ్ఞను
చీకటి దిగంత రేఖలకు
వెలుతురువు కమ్మని ఆజ్ఞాపిస్తుంది
పులి కడుపున పులే పుడుతుంది
ఫిరంగి కడుపున అగ్గిపిడుగే పుడుతుంది
తలలు తెగిపడినా.. తరాలు పాతబడినా
ఎవడేమనుకున్నా.. మట్టి పొత్తిళ్ల నుంచి
జనం గుండెల్లోంచి
పుట్టుకొచ్చిన నాయకత్వం
చిరునవ్వుకు పదునుపెడుతూ
అడుగులో అడుగేసుకుంటూ
పెద్దపులిలా జనం మధ్యకొచ్చి నిలబడుతుంది
తన భుజాన్నడ్డుపెట్టి
కాడిని నేలకొరగకుండా నిలబెడుతుంది.

డాక్టర్‌ బి.బాలకృష్ణ,
99489 97983

- Advertisement -
- Advertisement -
Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana