కులమతాలు గీచుకున్న గీతలను జొచ్చి
పంజరాన కట్టువడను నేను
నఖిలలోకమెట్లు నిర్ణయించిన నాకు
తిరుగులేదు విశ్వనరుడను నేను
పూదోటల మద భంభంర నాదముల
నడబెడుగల నాహ్లాదించు కవులకీ
నిరుపేదల ఆక్రందనములు
వీనులబడునా!
పామునకు బాలు, చీమకు బంచదార
మేపుకొనుచున్న కర్మభూమి జనించు
ప్రాక్తనంబైన ధర్మదేవతకు గూడ
నులికిపడు జబ్బు గలదు వీడున్న చోట
రాజు మరణించె నొక తార రాలిపోయె
కవియు మరణించె నొక తార గగన మెక్కె
రాజు జీవించె రాతి విగ్రహములందు
సుకవి జీవించె ప్రజల నాలుకల యందు.