రాష్ర్టాల ప్రయోజనాలే ప్రాతిపదిక

Mon,April 15, 2019 11:16 PM

సార్వత్రిక ఎన్నికల్లో దేశవ్యాప్తంగా మొదటి దశతో పాటు తెలంగాణలో పోలింగ్ ప్రక్రియ పూర్తయ్యింది. చాలా రోజుల తర్వాత రాష్ట్ర ముఖ్యమంత్రిగా కేసీఆర్ తనదై న శైలిలో సమీక్షలు చేస్తున్నారు, అసెంబ్లీకి ఎన్నికలు పూర్తయి రెండవ దశ ముఖ్యమంత్రిగా ప్రమాణ స్వీకారం చేశాక పార్లమెంట్ ఎన్నికల మూలంగా ఆయన పాలన మీద పెద్దగా దృష్టి పెట్టనప్పటికీ ఈసారి పరిపాలనా వ్యవస్థలో సమూల మార్పులుంటాయన్న సంకేతాలు ఇచ్చారు. ఈలోగా స్థానిక సంస్థల ఎన్నికలు కూడా పూర్తిచేసి జూన్ నుంచి తెలంగాణలో సమూల మార్పులు జరుగబోతున్నాయన్న చర్చ సర్వత్రా మొదలైంది. ఇదిలా ఉంటే దేశవ్యాప్తంగా కూడా కేసీఆర్ నాయకత్వంలో ఏర్పాటు కాబోయే ఫెడరల్ ఫ్రంట్ మీద కూడా చర్చ మొదలైంది. స్వాతంత్య్రం వచ్చిన తర్వాత జరిగిన ఏ ఎన్నికల్లో లేనంత అనిశ్చితి ఇప్పుడు దేశంలో నెలకొని ఉన్నది. దీనికి మోదీ ప్రతిష్ఠ దిగజారిపోయి బీజేపీ కుదేలయిపోతుండటం ఒక కారణం అయి తే, రాహుల్ గాంధీ పూర్తి పరిణతి సాధించిన నమ్మకం కలుగక పోవడం, కాంగ్రెస్ పార్టీ ఆశించిన స్థాయిలో ఎదగకపోవడం రెండోది. ఇటువంటి సందర్భాలు గతంలో కూడా వచ్చినా అంతో ఇంతో మూడో ప్రత్యామ్నా యం పేరుతో కమ్యూనిస్టులు, సోషలిస్టుల కూటమి ఏకమయ్యేది. చిన్నా చితకా పార్టీలు దానిచుట్టూ చేరిపోయేవి. ఇప్పుడు ఆ పరిస్థితి లేదు. అస లు కమ్యూనిస్టులే ఉనికిలో లేకుండాపోయారు. సోషలిస్టుల సంగతి సరేసరి. ఇప్పుడు భారతదేశంలో సిద్ధాంత రాజకీయాలే చెల్లుబాటులో లేకుండాపోయిన వాతావరణం నెలకొంది. మూడో ఫ్రంట్ పేరుతో చం ద్రబాబుతో సహా కొందరు ముందస్తు హడావిడి చేసినా దానికి సిద్ధాంత ప్రాతిపదిక, కనీస ఉమ్మడి ఆచరణ లేకపోవడంతో అది పూర్తిస్థాయి రూపాన్ని సంతరించుకుకోలేదు.

నూతన ఆర్థిక విధానాలను కాంగ్రెస్ పార్టీ ప్రవేశపెట్టినప్పుడు బీజేపీతో పాటు సోషలిస్టులు గట్టిగా వ్యతిరేకించారు. కమ్యూనిస్టులైతే తిరగబడ్డంత పనిచేశారు. కానీ తర్వాతి కాలంలో కమ్యూనిస్టులతో సహా అందరూ ప్రైవేటీకరణను సమర్థించారు, ప్రోత్సహించారు. ప్రభుత్వరంగం నుంచి పెట్టుబడులు ఉపసంహరించడం, ప్రపంచబ్యాంక్, ఐఎంఎఫ్ వంటి సంస్థలకు తలొగ్గి ప్రైవేట్, బహుళజాతి కంపెనీలకు రెడ్ కార్పెట్ పరుచడం వంటివి పీవీ, వాజపేయి, మన్మోహన్‌సింగ్‌ల నాయకత్వంలో పోటాపోటీగా చేశారు. అదే కాలంలో రాష్ర్టాలు కూడా కేంద్ర ప్రభుత్వంతో పోటీపడి ప్రైవేటీకరణకు పూనుకున్నాయి.


ఈ దశలో రాష్ర్టాల అవసరాలు, అధికారాలు ఇరుసుగా చేసుకొని కేసీఆర్ చేసిన ఫెడరల్ ఆలోచనకు ప్రాధాన్యం ఉన్నట్టు పరిశీలకులు భావిస్తున్నారు. అదే ఇప్పుడు దేశానికి అవసరమైన రాజకీయ సిద్ధాంతమని అంటున్నారు.
ఆకాంక్షలు-అడ్డంకులు!: రాజకీయాలు ఇప్పుడు సిద్ధాంత ప్రాతిపదిక నుంచి అవసరాల ప్రాతిపదికతో నడుస్తున్నాయి. దేశ రాజకీయాల్లో మొదటినుంచి రెండు శిబిరాలు ఉంటూ వస్తున్నాయి. ఈ రెండూ విఫలమైన సందర్భాల్లో మూడో శిబిరం వెలుస్తూ వస్తున్నది. మొదట జనతాపార్టీ (1977), ఆ తర్వాత జనతాదళ్ (1988) అలాగే ఏర్పడ్డాయి. ఈ రెండూ కాంగ్రెస్‌కు ప్రత్యామ్నాయంగా సోషలిస్టు సిద్ధాంత పునాదులమీద ఏర్పడ్డాయి. కానీ దేశంలో ఆర్థిక సంస్కరణలు ప్రవేశించిన (199 1) తర్వాత రాజకీయ పార్టీలు కొద్దికాలం పాటు సామ్యవాదం, సమానత్వం, సామాజిక న్యాయం లాంటివాటి గురించి మాట్లాడినా క్రమంగా అందరూ ప్రపంచీకరణ మాయలో పడిపోయి కొత్త అభివృద్ధి మంత్రాన్ని జపించడం మొదలుపెట్టారు. నూతన ఆర్థిక విధానాలను కాంగ్రెస్ పార్టీ ప్రవేశపెట్టినప్పుడు బీజేపీతో పాటు సోషలిస్టులు గట్టిగా వ్యతిరేకించారు. కమ్యూనిస్టులైతే తిరగబడినంత పనిచేశారు. కానీ తర్వాతి కాలంలో కమ్యూనిస్టులతో సహా అందరూ ప్రైవేటీకరణను సమర్థించారు, ప్రోత్సహించారు. ప్రభుత్వరంగం నుంచి పెట్టుబడులు ఉపసంహరించడం, ప్రపంచబ్యాంక్, ఐఎంఎఫ్ వంటి సంస్థలకు తలొగ్గి ప్రైవేట్, బహుళజాతి కంపెనీలకు రెడ్ కార్పెట్ పరుచడం వంటివి పీవీ, వాజపేయి, మన్మోహ న్‌సింగ్‌ల నాయకత్వంలో పోటాపోటీగా చేశారు. అదే కాలంలో రాష్ర్టాలు కూడా కేంద్ర ప్రభుత్వంతో పోటీపడి ప్రైవేటీకరణకు పూనుకున్నాయి. గుజరాత్‌లో మోదీ నాయకత్వంలోని బీజేపీ ప్రభుత్వానికి, బెంగాల్‌లో జ్యోతిబసు, బుద్ధదేవ్ నాయకత్వంలోని కమ్యూనిస్టులకు ఏమాత్రం తేడా లేనివిధంగా ఈ పరుగు సాగింది.

ఈ సార్వత్రిక ఎన్నికల్లో కూడా చిన్నపార్టీలే పెద్ద శక్తిగా అవతరించే సూచనలు కనిపిస్తున్నాయి. యూపీలో సమాజ్‌వాదీ, బహుజన్ సమాజ్ పార్టీలు కలిసి పోటీ చేస్తున్నాయి. అఖిలేశ్, మమతాబెనర్జీ, నవీన్ పట్నాయక్, స్టాలిన్‌లతో ఇప్పటికే కేసీఆర్ మాట్లాడి ఉన్నారు. బీహార్‌లో నితీశ్ కుమార్, మహారాష్ట్రలో శరత్ పవార్, ఆంధ్రప్రదేశ్‌లో జగన్ కూడా నిర్ణాయక శక్తులుగా ఎదిగే అవకాశాలు కనిపిస్తున్నాయి. దేవెగౌడకు కాం గ్రెస్‌తో కలిసి ఉండక తప్పదు. ఇక మిగిలింది మాయావతిని ఒప్పించడం, ఈ పనికి వెంటనే ఫెడరల్ ఫ్రంట్ పూనుకోవాలి.


ఇప్పుడు తృతీయ ఫ్రంట్ అంటు న్న చంద్రబాబు ఆ పరుగుపందెంలో ఛాంపియన్‌గా నిలిచినవారే!. ఈ ఫలితంగా పార్లమెంటరీ రాజకీయాల నుంచి రైట్, లెఫ్ట్ సెంట్రిస్ట్ వంటి సైద్ధాంతిక ధోరణులు పూర్తిగా కనుమరుగైపోయాయి. ఈ క్రమంలో అభివృద్ధి పేరుతో మార్కెట్ విస్తరణే ప్రధాన సిద్ధాంతగా ఆవిర్భవించింది. వస్తు వినిమయ ప్రపంచంలో అదే ప్రజల అభివృద్ధే ఆకాంక్షగా కూడా మారిపోయింది. అభివృద్ధి అంటే ఇప్పుడు జీడీపీతో మాత్రమే కొలిచే స్థితిలో మనం ఉన్నాం, ప్రభుత్వ పెట్టుబడుల ఉపసంహరణ, ప్రైవేట్ పెట్టుబడుల ఆకర్షణ మాత్రమే అభివృద్ధి సూచీలుగా మారిపోయిన ఈ స్థితిలో ప్రతిరాష్ట్రం ఇప్పుడు ఆర్థిక స్వేచ్ఛను కోరుకుంటున్నది. తాము సమకూర్చుకుంటున్న ఆదాయం మీద, పన్నుల మీద, వనరుల మీద తమకే అధికారం ఉండాలని భావిస్తున్నది. అలాగే రాష్ర్టాలకు తమ అవసరాలనుబట్టి ప్రాధాన్యాలు నిర్ణయించుకొని విధానాలు రూపొందించుకునే స్వాతంత్య్రం ఉండాలని, దానికి అనుగుణంగానే కేంద్ర ప్రభుత్వ నిధుల కేటాయింపులు ఉండాలని రాష్ర్టాలు కోరుతున్నాయి. ఇక రెండోది సామాజిక అవసరాలకు అనుగుణంగా విధానాలు నిర్ణయించుకునే స్వాతంత్య్రం ఇప్పుడున్న విధానంలో వీలుకాకపోవడం. సామాజిక అభివృద్ధికి సంబంధించిన కొన్ని కీలక నిర్ణయాలు తీసుకునే స్వేచ్ఛ ఇప్పుడు రాష్ర్టాలకు లేదు. నిజానికి ఇందులోనుంచే కేసీఆర్ ఫెడరల్ ఆలోచన వచ్చింది. ముస్లిం రేజర్వేషన్ల సందర్భంగా ఆయన ఈ విషయాన్ని ప్రధానంగా లేవనెత్తారు. ఇలాంటి అనేక అంశాల మీద అధికారాలను రాజ్యాంగంలోని 7వ షెడ్యూల్‌ను అడ్డం పెట్టుకొని కేంద్రం ఉంచుకుంది. ముఖ్యంగా కేంద్ర అధికారాల జాబితాలో ఉన్న 97 అంశాలతో పాటు ఉమ్మడి జాబితాలో కూడా మరో 52 అంశాలను చేర్చుకొని కేంద్రం రాష్ర్టాల మీద పెత్తనం చేస్తున్నది. ముఖ్యంగా సామాజిక జీవన ప్రమాణాలను ప్రభావితం చేసే అంశాలు కూడా అందులో ఉండటం పెద్ద ప్రతిబంధకంగా మారిపోయింది.

ముఖ్యంగా ఆర్థిక, సామాజిక ప్రణాళికలు, సామాజిక భద్రత, పరిశ్రమలు, వాణిజ్యం, కార్మికుల సంక్షే మం, విద్య, విద్యుత్తు, ఆరోగ్యం, కుటుంబ సంక్షేమం, భూ సేకరణ చివరకు తూనికలు కొలతలు వంటివి కూడా ఈ జాబితాలో చేర్చారు. స్థానిక అవసరాల రీత్యా ఏ చట్టం చేయాలన్నా అది కేంద్ర ప్రభుత్వ చట్టానికి అనుగుణంగానే ఉండాలి తప్ప సొంత ఆలోచన ఉండకూడదు. ఇప్పుడు కేసీఆర్ ఇవి ప్రస్తావిస్తున్నారు. పార్లమెంట్ ఎన్నికల ప్రచారంలో టీఆర్‌ఎస్ పూర్తిగా ఫెడరల్ అజెం డా మీదనే ఫోకస్ చేసింది. పూర్తిగా జాతీయ అంశాలు, రాష్ర్టాల హక్కు లు, వాటాల గురించే కేసీఆర్ మాట్లాడారు. ఎక్కువమంది సభ్యులు ఎం దుకు గెలువాలో వివరించారు. భారతదేశం అమెరికాలో మాదిరిగా పూర్తిస్థాయి సమాఖ్య రాజ్యం కాదు, పాక్షిక సమాఖ్యగా చెపుతున్న, ఇం దులో పాక్షిక అధికారాలకంటే పక్షపాత ధోరణులు ఎక్కువ. మరీ ముఖ్యంగా 1967 తర్వాత కాంగ్రెస్ పార్టీ చాలా రాష్ర్టాల్లో ఓడిపోవడం మొదలైన తర్వాత ప్రాంతీయ పార్టీలను మచ్చిక చేసుకోవాల్సి వచ్చింది. తమిళనాట ద్రవిడ పార్టీలతో మొదలైన ఈ తతంగం ఇంకా కొనసాగుతోంది. ఒక్క కాంగ్రెస్ మాత్రమే కాదు, బీజేపీ కూడా అదే పని చేసింది. ఒక్క 2014 ఎన్నికల్లో తప్ప బీజేపీకి ఏనాడు కూడా స్వయంగా ప్రభు త్వం ఏర్పాటు చేసే మెజార్టీ రాలేదు. చిన్నచితకా పార్టీలను కలుపుకొని ఈ రెండు పార్టీలు సంకీర్ణం పేరుతో అధికారాన్ని చెలాయిస్తూ వస్తున్నా యి. ఈ క్రమంలో తమకు మద్దతునిస్తున్న పార్టీలకు అనుకూలమైన విధానాలు అవలంభిస్తూ బేరసారాల పాలన చేస్తున్నాయి. అలాగే సహకరించని పార్టీలను వేధించడం, ఆ పార్టీల రాష్ట్ర ప్రభుత్వాలను కూల్చడం కూడా ఈ బేరసారాల్లో భాగమే. చరిత్రలోకి వెళ్లి పరిశీలిస్తే ఇందిరా గాం ధీ హత్య తర్వాత 1984లో రాజీవ్ గాంధీ ప్రభుత్వం, 2014 మోదీ ప్రభుత్వం మినహా అన్నీ సంకీర్ణాలే.

సంకీర్ణం అంటే మెజారిటీ లేకపోయినా ఇతరుల సహకారంతో గద్దెనెక్కడం. నిజానికి ఈ సార్వత్రిక ఎన్నికల్లో కూడా చిన్నపార్టీలే పెద్ద శక్తిగా అవతరించే సూచనలు కనిపిస్తున్నాయి. యూపీలో సమాజ్‌వాదీ, బహుజన్ సమాజ్ పార్టీలు కలిసి పోటీ చేస్తున్నాయి. అఖిలేశ్, మమతాబెనర్జీ, నవీన్ పట్నాయక్, స్టాలిన్‌లతో ఇప్పటికే కేసీఆర్ మాట్లాడి ఉన్నారు. బీహార్‌లో నితీశ్ కుమార్, మహారాష్ట్రలో శరత్ పవార్, ఆంధ్రప్రదేశ్‌లో జగన్ కూడా నిర్ణాయక శక్తులుగా ఎదిగే అవకాశాలు కనిపిస్తున్నాయి. దేవెగౌడకు కాం గ్రెస్‌తో కలిసి ఉండక తప్పదు. ఇక మిగిలింది మాయావతిని ఒప్పించడం, ఈ పనికి వెంటనే ఫెడరల్ ఫ్రంట్ పూనుకోవాలి. అవసరమైతే ఇంకా ఎన్నికలు వివిధ దశల్లో ఉన్న రాష్ర్టాలకు వెళ్లి వారికి ప్రకటించాలి. అంతకంటే ముందు ఫెడరల్ ఫ్రంట్ ఒక నిర్దిష్టమైన కార్యాచరణ ప్రణాళిక రూపొందించుకోవాలి. ఆర్థిక, రాజకీయ, సామాజికరంగాల్లో ఫెడరల్ ఫ్రంట్ విధాన పత్రాలు సిద్ధం చేయాలి. కేసీఆర్ ఇప్పటికే దీనికి సంబంధించిన ముసాయిదా సిద్ధం చేసినట్టు కనిపిస్తున్నది. ముఖ్యంగా రాష్ర్టాల మధ్య సఖ్యత కోసం నదీ జలాల విధానాన్ని ప్రకటించాలి. అందులో కేసీఆర్‌ను మించిన నైపుణ్యత ఇంకొకరికి లేదు. మౌలిక వనరుల అభివృద్ధి, సహజ వనరుల పంపిణీ, కేంద్ర రాష్ర్టాల మధ్య అధికారాల విభజన వీటన్నిటిపై ముసాయిదాలు ప్రకటించాలి. గతంలో ఇదే ఆలోచన డీఎంకే అధినేత కరుణానిధి చాలా ఏండ్ల కిందట ప్రయత్నించారు. ఆయన రాజమన్నార్ కమిటీ వేసి 1969లోనే కేంద్ర, రాష్ట్ర సంబంధాలపై నివేదిక రూపొందించారు. సర్కారి యా కమిషన్ (1988) కూడా ఈ విషయంలో విలువైన సూచనలు చేసింది.
dr-rahul-rajaram
వీటి ఆధారంగా, అలాగే క్షేత్రస్థాయిలో కేసీఆర్‌కు ఉన్న అనుభవం, ఆలోచనల ఆధారంగా ఒక సమగ్రమైన, ఆమోదయోగ్యమైన ప్రాతిపదికను సిద్ధం చేయాలి. రాష్ర్టాల ప్రయోజనాల ప్రాతిపదికన రేపటి ప్రభుత్వం ఏర్పడుతుందన్న విశ్వాసం అందరిలో కలుగాలి. దీనికి కేసీఆర్ మాత్రమే నాయకత్వం వహించి అందరినీ కూడగట్టగలరన్నది జాతీయ మీడియా భావన. ఇది జరిగితే ఇప్పుడు తెలంగాణలో ఉన్న 16 సీట్లు 216, అంతకుమించి కావడం పెద్ద కష్టమేం కాదు. ఇవాళ్టి రాజకీయాలు తర్కశాస్త్రమో, తత్త్వశాస్త్రమో కాదు, అది ఉట్టి సంఖ్యాశాస్త్రం మాత్రమే. ఏమైనా సాధ్యమే!
(వ్యాసకర్త: పరిశోధకుడు, రాజకీయ విశ్లేషకులు)

239
Tags

More News

VIRAL NEWS

target delhi
country oven

Featured Articles

Health Articles