పార్టీ మార్పులు, భిన్న పరిస్థితులు

Wed,March 20, 2019 11:02 PM

రాజకీయవాదులు ఒక పార్టీ నుంచి మరొక పార్టీలో మారటం సర్వసాధారణంగా స్వప్రయోజనాల కోసం జరుగుతుంటుంది. ఆయా పార్టీలకు ఉండే మౌలిక సిద్ధాంతాలను బట్టి మారటం ఒకటైతే, సిద్ధాంతాల లో ఎక్కువ తేడాలు లేకున్నా పరిపాలన తీరును చూసి మారటం ఇంకొకటి అయితే, ఇటువంటివి ఏమీ లేకున్నా కృత్రిమ కారణాలను చూపు తూ స్వప్రయోజనాల కోసం మారటం మరొకటి. మరొకస్థాయిలో చూసినప్పుడు, ఎన్నికలకు ముందు, సరిగా ఎన్నికల సమయంలో, ఎన్నికలు ముగిసినాక అంటూ మూడు విధాలైన సమయాలలో ఆ మార్పులు చోటుచేసుకుంటున్నాయి. వీటినన్నింటిని జాగ్రత్తగా పరిశీలించిన మీదట గాని ఏది ఆరోగ్యకరం, ఏది కాదు? దేనివల్ల రాజకీయానికి, ప్రజాస్వామ్యానికి మేలు జరుగవచ్చు, దేనివల్ల కాదు? అనే ప్రశ్నలపై ఒక అభిప్రాయానికి రాలేము. ఇప్పుడు ముందుగా ఆంధ్రప్రదేశ్‌లోని పార్టీ మార్పిడులను చూద్దాము. అక్కడ గత అయిదేళ్లుగా టీడీపీ అధికారంలో, వైఎస్‌ఆర్ కాంగ్రెస్ ప్రతిపక్షంలో ఉన్నాయి. ప్రతిపక్షంలో బీజేపీ, కమ్యూనిస్టులు, జనసేన వంటి మరికొన్ని పార్టీలు కూడా ఉన్నాయి. వీటిలో జనసేన 2014 ఎన్నికల తర్వాత రంగంలోకి వచ్చిన కొత్త పార్టీ. మొత్తానికి వీటికి అన్నింటికి తమ తమ సిద్ధాంతాలు, మ్యానిఫెస్టోలు ఉన్నాయి. ఏ పార్టీలో ఏ సామాజికవర్గానిది ఆధిపత్యమో అందరికీ తెలుసు. ఏ పార్టీ నాయకుని సామ ర్థ్యం, మంచిచెడులు ఏమిటో ఎవరికీ కొత్తగా చెప్పవలసింది లేదు. గతం లో పరిపాలించింది టీడీపీ అయినందున వారి పరిపాలన గురించి కూడా తెలిసిందే. ఇప్పుడు ఎన్నికల వేళ అయినందున ఎవరు ఏ హామీ లు ఇస్తున్నారో చూస్తున్నదే.

రాజకీయవాదులు ఒక పార్టీ నుంచి మరొకపార్టీకి మారటం తెలంగాణ, ఆంధ్రప్రదేశ్ రాష్ర్టాలు రెండింటిలోనూ ఇటీవల మామూలుకన్న ఎక్కువగా జరుగుతున్నది. అట్లా మారుతున్న వారు అందుకు చెప్తున్న కారణాలు రెండుచోట్ల వేర్వేరుగా ఉంటున్నాయి. అందులో ఏవి సమంజసమైనవో, ఏవి కృత్రిమమైనవో గ్రహించటం నిష్పాక్షికులైన పరిశీలకులకు కష్టమైన విషయం కాదు. ఈ భిన్నమైన కారణాలు ఆ రెండు రాష్ర్టాలలోని మౌలిక రాజకీయ పరిస్థితులకు అద్దం పడుతున్నాయనాలి.


ఎవరు ఎదుటి వారిని ఏమని విమర్శిస్తున్నారన్నది సాధారణ రాజకీయం అయినందున దానిని ఈ జాబితాలోకి తీసుకురావలసిన అవసరం లేదు. ఇటువంటి నేపథ్యంలో ఆంధ్రప్రదేశ్‌లో ఎన్నికలు, పార్టీ మార్పిడులు జరుగుతున్నాయి. అవి ఎట్లానో గమనించండి. మారుతున్న వారిలో కొందరు కనీసం ఒక సాకుగానైనా ఏదో ఒక కారణం చెప్తుండగా, కొంద రు అసలు ఏమీ చెప్పటం లేదు. ఏదో ఒక కారణం చెప్పే దానిలో అది సాకు మాత్రమేనని స్పష్టంగా అర్థమవుతుంటుంది. అందుకు ఒక మోస్త రు విలువ అయినా కన్పించదు. వినేవారికి నవ్వు వస్తుంది లేదా వెగటు పుడుతుంది. అంతేతప్ప ఆ కారణం నిజం అయి ఉంటుందా అని ఒక క్షణం అయినా ఆలోచించాలనిపించదు. ఉదాహరణ ఒకరు ముఖ్యమం త్రి చంద్రబాబుకు ప్రత్యేక హోదా విషయంలో నిజాయితీ లేదంటారు. ఉత్తరాంధ్ర పట్లనో, రాయలసీమ పట్లనో ఏదో ఒక నియోజకవర్గం పట్ల, ప్రాజెక్టు పట్ల, సామాజికవర్గం పట్ల శ్రద్ధ లేదంటారు. చంద్రబాబుకు ఇవి ఉన్నాయని, అయినప్పటికీ వారు అసత్య ఆరోపణలు చేస్తున్నారని అన టం లేదు. ఇవన్నీ నిజమే అయి ఉండవచ్చు. కానీ పార్టీ ఇప్పుడు మారుతున్న వారికి ఇదంతా గత అయిదేళ్ల కాలంలో గుర్తురాలేదు. పార్టీలు మారే వారిలో కొందరు ఇటువంటి సాకులు వెతకటం ఎప్పుడై నా, ఎక్కడైనా ఉన్నదే. కానీ దానిస్థాయి ప్రస్తుతం ఆంధ్రప్రదేశ్‌లో కన్పించినంతగా లోగడ కనీసం ఉమ్మడి రాష్ట్రంలో లేదు. దీనిఅర్థం చంద్రబాబు ఒక బాధితులు అవుతున్నారని కాదు. ప్రస్తుత ఆంధ్రప్రదేశ్‌లో రాజకీయ సమాజం వివిధ కారణాల వల్ల ఇంతగా పతనమైందనే మౌలి క మార్పును గుర్తించాలి. ఈ స్థితికి చంద్రబాబు ఎంత బాధితులో అంత దోషి కూడా. ఈ పతనానికి వీరంతా కారకులు. వీరంతా బాధితులు.

తెలంగాణ విషయానికి వస్తే, ఇక్కడ ఇతర పార్టీల నుంచి అధికారపక్షంలోకి మారుతున్న వారు అభివృద్ధి, సంక్షేమం, సమర్థవంతమైన పరిపాలన, నాయకత్వ బలం అనే కారణాలను చూపెడుతున్నారు. ఇందులో ఒక విచిత్రం ఉంది. పార్టీలోకి మారే వారిలో ఎందరికి ఇవే నిజమైన కారణాలు అవుతున్నాయో తెలియదు గాని, అవి తోసిపుచ్చలేనివి మాత్రం కాదని గమనించాలి. గత అసెంబ్లీ తీర్పు ఇందుకు ధృవీకరణం. అది చాలదన్నట్లు కాంగ్రెస్‌తో సహా ప్రతిపక్షాలు అన్నీ గణనీయంగా బలహీనపడుతున్నాయి. తిరిగి కోలుకోగల సూచనలు కనుచూపు మేరలో లేవు.


టీడీపీ నుంచి ఇతర పార్టీలలోకి మారుతున్న వారు చెప్తున్న సాకులనే ఇతర పార్టీల నుంచి టీడీపీలో చేరుతున్న వారు కూడా చెప్తున్నారు. మొత్తం ఆంధ్రప్రదేశ్ రాజకీయమే ఆ పద్ధతిలో పతనమవుతుంది. పోనీ ఇదే మాటను కొంత మర్యాదపూర్వకంగా చెప్పాలంటే, ఆ విధంగా పరిణమిస్తున్నది. ఇంతకన్న గమనించదగ్గది అసలు ఏ కారణమూ చెప్పనివారు. కారణం చెప్పకుండా ఇవాళ ఒక పార్టీ, రేపు ఉదయం మరొక పార్టీ, రేపు సాయంత్రం ఇంకొకటి అనే పద్ధతిలో మారుతూ కొన్ని సందర్భాలలోనైతే రెండు రోజులలోనే తిరిగి వెనకటి పార్టీలోకి రావటం వంటి ఉదంతాలు ఈ పతన క్రమానికి పరాకాష్ట అనాలి. గమనించదగినదేమంటే ఈ తరహా పతనం ఆంధ్రప్రదేశ్ రాజకీయాలలో బాగా కన్పిస్తున్నది. ఇది ఆయాపార్టీలు, నాయకులపై ఎంత ప్రతిఫలిస్తుందో అక్కడి సమాజంపై కూడా అంతే ప్రతిఫలిస్తుంది. అక్కడి సమాజం దీనిని ఆమోదిస్తుందనటం లేదు. కానీ తిరస్కరించి, శిక్షించి, సరిదిద్దే స్థాయికి వారి చైతన్యం ఎదుగుతున్నదా? రాజకీయం ఈ విధంగా పతనం కావటంలో నిజానికి ప్రజల ప్రత్యక్ష ప్రమేయం ఏమీ ఉండదు. ఇందుకు అంతిమం గా నిజమైన బాధితులు వారు, వారి సమాజమే. కానీ ఒకోసారి ప్రజల నిస్సహాయ పాత్ర ఇందులో ఉంటుంది. మన ప్రజాస్వామిక-సామాజిక వ్యవస్థలో గల పోషకులు-పోషితుల (ప్యాట్రన్-క్లయంట్) సంబంధాల కారణంగా సమాజంలోని గణనీయమైన వర్గం తమ ప్రయోజనాల కోసం ఈ తరహా పార్టీ మార్పులను, పతనాన్ని ఆమోదించటం అందుకు కారణం.

అందువల్లనే ఈ పరిణామ క్రమం ఆయా పార్టీల సిద్ధాంతాలను, పరిపాలనను, నాయకుల తీరును లెక్కించకుండా ఏ తరహా పార్టీ మార్పులకైనా చప్పట్లు చరుస్తుంది. జరుగుతున్న దానిలో మనకు నేరుగా కన్పిస్తున్నది పార్టీ మార్పులన్నీ కేవలం టికెట్ల చుట్టూ తిరగటం. ఇది లోగడ కూడా ఉన్నదే అయినా మరీ ఇంతగా లోగడ కన్పించలేదు. మానవ సంబంధాలన్నీ ఆర్థిక సంబంధాలేనని ఒక తత్వవేత్త అన్నట్లు, ప్రస్తుత ఆంధ్రప్రదేశ్ రాజకీయాలలో రాజకీయ సంబంధాలన్నీ టికెట్ సంబంధాలు అన్నట్లుగా మారిపోయాయి. టికెట్‌లో ముడిపడి ఉన్నవి అధికారం, ధనం అయినందున ఆంధ్రప్రదేశ్‌లో సర్వస్వం సూటిగా, నగ్నం గా అధికార సాధ్యం సంబంధాలు, ధన సంపాదనా సంబంధాల చుట్టూ తిరుగుతున్నాయన్న మాట. అట్లా తిరగటం ఈ సరికి విపరీతంగా పెరిగిందన్న మాట. సాధారణంగానైనా ఇటువంటి స్థితి ధన సంస్కృతి, అధికార సంస్కృతి, ప్రాబల్య కుల సంస్కృతి మితిమీరిన సమాజాలలో ఏర్పడుతుంటుంది. అందుకుతోడు సిద్ధాంతాలు అనేవి బలహీనపడినప్పుడు ఇది ఇంకా ఎక్కువవుతుంది. అప్పుడు అధికారం, ధనమే సర్వస్వమై సాధారణ రాజకీయ విలువలు కూడా లేకుండాపోతాయి. ఆంధ్రప్రదేశ్ రాష్ట్ర సమాజం, రాజకీయాలు ఈ దశలోకి గతంలో ఎన్నడూ లేనంతగా ప్రవేశించాయన్నది స్పష్టం. టీడీపీ, వైఎస్‌ఆర్‌సీపీ మధ్య ఏర్పడిన తీవ్రమైన స్పర్ధ దీనిని మరింత పెంచుతున్నది. ఈ స్థితి నుంచి తిరుగుముఖం పట్టటం తేలిక కాదు. సమీప భవిష్యత్తులో సాధ్యం కాదు.
Ashok
తెలంగాణ విషయానికి వస్తే, ఇక్కడ ఇతర పార్టీల నుంచి అధికారపక్షంలోకి మారుతున్న వారు అభివృద్ధి, సంక్షేమం, సమర్థవంతమైన పరిపాలన, నాయకత్వ బలం అనే కారణాలను చూపెడుతున్నారు. ఇందులో ఒక విచిత్రం ఉంది. పార్టీలోకి మారే వారిలో ఎందరికి ఇవే నిజమైన కారణాలు అవుతున్నాయో తెలియదు గాని, అవి తోసిపుచ్చలేనివి మాత్రం కాదని గమనించాలి. గత అసెంబ్లీ తీర్పు ఇందుకు ధృవీకరణం. అది చాలదన్నట్లు కాంగ్రెస్‌తో సహా ప్రతిపక్షాలు అన్నీ గణనీయంగా బలహీనపడుతున్నాయి. తిరిగి కోలుకోగల సూచనలు కనుచూపు మేరలో లేవు. అటువంటప్పుడు, ఇతర పార్టీల నుంచి మారుతున్న సభ్యుల నియోజకవర్గాలకు ఒక భరోసా అంటూ ఏర్పడేది ఏవిధంగా? ప్రభు త్వం పక్షపాతం చూపటం లేదు నిజమే. అయినప్పటికీ ఆయా సభ్యుల కు, నాయకులకు, ప్రజలకు స్థిరమైన భరోసా అవసరం. కనుక వారు చెప్పే కారణాలను సాకులని, అధికార ఆకర్షణ అని రొటీన్ పద్ధతిలో వర్గీకరించలేము. తెలంగాణ సమాజానికి, రాజకీయానికి ఆంధ్ర తరహా సంస్కృతి ఇంకా రాలేదు కూడా.

325
Tags

More News

VIRAL NEWS

target delhi
country oven

Featured Articles

Health Articles