e-Paper

Advertisement

E-Paper

Apps

Book Your Copy

Visit Telangana Today

Sunday, May 16, 2021
Home ఎడిట్‌ పేజీ ఆమని గీతం

ఆమని గీతం

ఆమని గీతం

శిశిర ధ్వని మలయానిల అలలపై తేలియాడి
అలసి సొలసిన తరుణాన
నిశ్శబ్దాన్ని భగ్నం చేస్తూ
వసంత సమీరాలు మోసుకొచ్చే
కలకంఠి సుమధుర సుస్వర రాగ ఝరులు

కనువిందు చేసే లేమావి పిందెల నృత్య విలాసాలు
సొగసైన వేప పూతల విచిత్ర సౌరభాలు
అరుణ వర్ణ సొబగులతో అలరారే
ప్రణయ పరిమళాల పలాశ సుమాలు

తమస్సును పారద్రోలే మధుమాస
సుషిమ సుధాంశు లహరి
మనసును మధురోహల్లో విహరింపజేసే
మల్లికా సుగంధాలు

అలముకొన్న ఆమని శోభతో
ప్రకృతి పరవశించిన వేళ
‘ప్లవ’నామ నూతన వత్సర ఆగమనం
క్రొంగొత్త అనంతాకాంక్షల సందోహం
షడ్రుచుల సమ్మేళనం ఉగాది పచ్చడి
సుఖదుఃఖాల సమాహారమే జీవిత పరమార్థం

సకల సంక్షోభాల గ్రహణాలు వీడిపోవాలని
అఖిల మానవ భవిష్య విపంచి
మనోజ్ఞ గమకాలు పలకాలని
కోకిల మంజుల గీతంతో
శింజినుల రసరమ్య రాగ రవళినై
శృతి కలుపుతున్నాను!

రామా రత్నమాల 98857 00062

Advertisement
ఆమని గీతం
-Advertisement-

తాజావార్తలు

Advertisement

ట్రెండింగ్‌

Advertisement