పాయింట్ల పట్టికలో కింది వరుసలో ఉన్న రెండు జట్ల మధ్య జరిగిన లో స్కోరింగ్ మ్యాచ్లో కోల్కతాపై రాజస్థాన్దే పైచేయి అయింది. గత మ్యాచ్లో పడిక్కల్, కోహ్లీ ధాటికి ఒక్క వికెట్ తీయలేకపోయిన రాయల్స్ బౌలర్లు ఈ సారి విజృంభించి కోల్కతాను కట్టడి చేయగా.. చెన్నైతో మ్యాచ్లో ఆశలే లేని స్థితి నుంచి ఆకట్టుకునే ఆటతీరు కనబర్చిన మోర్గాన్ సేన.. ఈ సారి ఏ మాత్రం పోరాడకుండానే చేతులెత్తేసింది! రెండు పరాజయాల అనంతరం రాజస్థాన్ తిరిగి గెలుపు బాట పట్టగా.. కోల్కతా ఈ సీజన్లో వరుసగా నాలుగో ఓటమి మూటగట్టుకుంది!
ముంబై: స్వల్ప స్కోర్ల మ్యాచ్లో కట్టుదిట్టమైన బౌలింగ్ చేసిన రాజస్థాన్ రాయల్స్ ఇండియన్ ప్రీమియర్ లీగ్ (ఐపీఎల్) 14వ సీజన్లో రెండో విజయాన్ని నమోదు చేసుకుంది. శనివారం కోల్కతా నైట్రైడర్స్తో జరిగిన మ్యాచ్లో రాజస్థాన్ 6 వికెట్ల తేడాతో గెలుపొందింది. మొదట బ్యాటింగ్ చేసిన కోల్కతా 20 ఓవర్లలో 9 వికెట్లకు 133 పరుగులు చేసింది. రాహుల్ త్రిపాఠి (26 బంతుల్లో 36; ఒక ఫోర్, 2 సిక్సర్లు) టాప్ స్కోరర్. రాజస్థాన్ బౌలర్లలో ‘మ్యాన్ ఆఫ్ ది మ్యాచ్’ క్రిస్ మోరిస్ 4 వికెట్లు పడగొట్టాడు. అనంతరం లక్ష్యఛేదనలో రాయల్స్ 18.5 ఓవర్లలో 4 వికెట్లు కోల్పోయి 134 పరుగులు చేసింది. సంజూ శాంసన్ (42 నాటౌట్; 2 ఫోర్లు, 1 సిక్సర్) కెప్టెన్ ఇన్నింగ్స్తో ఆకట్టుకున్నాడు.
గత మ్యాచ్లో ఏమాత్రం ప్రభావం చూపలేకపోయిన రాజస్థాన్ బౌలర్లు.. ఈ సారి సమిష్టిగా సత్తాచాటారు. టాస్ ఓడి మొదట బ్యాటింగ్కు దిగిన నైట్రైడర్స్కు శుభారంభం దక్కలేదు. రాయల్స్ బౌలర్ల దెబ్బకు పవర్ప్లేలో 25 పరుగులు మాత్రమే చేసిన కోల్కతా గిల్ (11) వికెట్ కోల్పోయింది. నితీశ్ రాణా (22), నరైన్ (6) ఎక్కువసేపు నిలువలేకపోగా.. లేని పరుగుకు యత్నించి మోర్గాన్ (0) రనౌటయ్యాడు. త్రిపాఠి కాస్త పోరాడగా.. ఆఖర్లో దినేశ్ కార్తీక్ (25), ఆండ్రే రస్సెల్ (9), ప్యాట్ కమిన్స్ (10) స్కోరు వేగం పెంచే క్రమంలో వికెట్లు సమర్పించుకున్నారు.
ఓ మాదిరి లక్ష్యఛేదనలో తలా కొన్ని పరుగులు చేయడంతో రాజస్థాన్ సునాయాసంగా ముందుకు సాగింది. బట్లర్ (5) త్వరగానే ఔటైనా.. ఈ సీజన్లో తొలి మ్యాచ్ ఆడిన్న యశస్వీ జైస్వాల్ (22; 5 ఫోర్లు) ఉన్నంతసేపు బౌండ్రీలతో విజృంభించాడు. ఫలితంగా పవర్ప్లే ముగిసేసరికి రాయల్స్ 50/2తో నిలిచింది. కెప్టెన్ సంజూ శాంసన్కు శివం దూబే (22) కాసేపు అండగా నిలువగా.. సిక్సర్ల వీరుడు తెవాటియా (5) నిరాశ పరిచాడు. అయితే సాధించాల్సిన పరుగులు ఎక్కువగా లేకపోవడంతో డేవిడ్ మిల్లర్ (24 నాటౌట్) అం డతో శాంసన్ పని పూర్తిచేశాడు.
కోల్కతా: రాణా (సి) శాంసన్ (బి) సకారియా 22, గిల్ (రనౌట్/ బట్లర్) 11, త్రిపాఠి (సి) పరాగ్ (బి) ముస్తఫిజుర్ 36, నరైన్ (సి) యశస్వి (బి) ఉనాద్కట్ 6, మోర్గాన్ (రనౌట్/ మోరిస్) 0, కార్తీక్ (సి) సకారియా (బి) మోరిస్ 25, రస్సెల్ (సి) మిల్లర్ (బి) మోరిస్ 9, కమిన్స్ (సి) పరాగ్ (బి) మోరిస్ 10, శివం (బి) మోరిస్ 5, కృష్ణ (నాటౌట్) 0, ఎక్స్ట్రాలు: 9, మొత్తం: 133/9. వికెట్ల పతనం: 1-24, 2-45, 3-54, 4-61, 5-94, 6-117, 7-118, 8-133, 9-133, బౌలింగ్: ఉనాద్కట్ 4-0-25-1, సకారియా 4-0-31-1, ముస్తఫిజుర్ 4-0-22-1, మోరిస్ 4-0-23-4, తెవాటియా 3-0-24-0, దూబే 1-0-5-0.
రాజస్థాన్: బట్లర్ (ఎల్బీ) వరుణ్ 5, యశస్వి (సి) (సబ్) నాగర్కోటి (బి) మావి 22, శాంసన్ (నాటౌట్) 42, దూబే (సి) కృష్ణ (బి) వరుణ్ 22, తెవాటియా (సి) (సబ్) నాగర్కోటి (బి) కృష్ణ 5, మిల్లర్ (నాటౌట్) 24, ఎక్స్ట్రాలు: 14, మొత్తం: 18.5 ఓవర్లలో 134/4. వికెట్ల పతనం: 1-21, 2-40, 3-85, 4-100, బౌలింగ్: శివం మావి 4-0-19-1, కమిన్స్ 3.5-0-36-0, వరుణ్ 4-0-32-2, నరైన్ 4-0-20-0, కృష్ణ 3-0-20-1.
జట్టు ఆ గె ఓ నె,ర పా
బెంగళూరు 4 4 0 1.00 8
చెన్నై 4 3 1 1.14 6
ఢిల్లీ 4 3 1 0.42 6
ముంబై 5 2 3 -0.03 4
పంజాబ్ 5 2 3 -0.42 4
రాజస్థాన్ 5 2 3 -0.68 4
హైదరాబాద్ 4 1 3 -0.22 2
కోల్కతా 5 1 4 -0.67 2
ఆ-ఆడినవి, గె-గెలుపు, ఓ-ఓటమి, నె.ర-నెట్ రన్రేట్, పా-పాయింట్లు