ప్రస్తుతం ఉన్న పరిస్థితుల్లో థియేటర్లు తెరవడం అంత శ్రేయస్కరం కాదు. అసలు సినిమాలు విడుదల చేయడమే మంచిది కాదు. ఇదే ఆలోచించిన దర్శక నిర్మాతలు.. విడుదలకు సిద్ధంగా ఉన్న సినిమాలను వాయిదా వేశారు. అందుకే వకీల్ సాబ్ తర్వాత తెలుగులో పెద్ద సినిమాలు విడుదల కాలేదు. చిన్న సినిమాలను ప్రేక్షకులు పట్టించుకోలేదు. ఇలాంటి సమయంలో తెలంగాణ థియేటర్స్ అసోసియేషన్ కీలక నిర్ణయం తీసుకుంది. కరోనా ప్రబలుతున్న ఈ సమయంలో థియేటర్లు ఓపెన్ చేసి ఉంచడం దండగ అని భావించి.. స్వచ్ఛందంగా థియేటర్లు మూసేశారు. వకీల్ సాబ్ ఆడుతున్న థియేటర్లకు మాత్రం రెండు రోజులు మినహాయింపు ఇచ్చారు. మిగిలిన థియేటర్లు అన్ని బంద్ చేశారు.
బయట వైరస్ దారుణంగా పెరుగుతున్న ఈ సమయంలో థియేటర్స్ తెరిచినా కూడా ప్రేక్షకులు రారని తెలంగాణ థియేటర్ల యాజమాన్యం నిర్ణయించుకుంది. అందుకే కాస్త కఠినంగా ఉన్నా ఈ నిర్ణయం తీసుకుంది. ఇదిలా ఉంటే ఇప్పుడు ఈ నిర్ణయం ఏపీ థియేటర్లపై కూడా ప్రభావం చూపించనుంది. కచ్చితంగా అక్కడి థియేటర్లు కూడా మూతపడే పరిస్థితికి వచ్చింది. తెలంగాణతో పోలిస్తే ఆంధ్రప్రదేశ్లోనే కరోనా కేసులు ఎక్కువగా వస్తున్నాయి. పైగా ప్రేక్షకులు థియేటర్లకు కూడా రావడం లేదు. ఉన్న ఒక్క వకీల్ సాబ్ సినిమా కలెక్షన్స్ కూడా దారుణంగా పడిపోయాయి. ఇలాంటి పరిస్థితుల్లో థియేటర్లు తెరిస్తే కరెంటు బిల్లు కూడా రాదు అని అని అసోసియేషన్కు తెలియని విషయం కాదు. అందుకే ఏపీలో కూడా కొన్ని రోజుల పాటు థియేటర్లను మూసివేయాలని నిర్ణయం తీసుకుంటున్నట్లు తెలుస్తోంది. కొత్త సినిమాలు కూడా ఏమీ లేకపోవడంతో ఏపీ థియేటర్స్ అసోసియేషన్ తమ నిర్ణయాన్ని తెలియజేయబోతున్నట్లుగా ప్రచారం జరుగుతుంది. ఒకవేళ ఇదే జరిగితే తెలంగాణ థియేటర్స్ బంద్ కారణంగా ఆంధ్రప్రదేశ్లో కూడా అదే నిర్ణయం తీసుకున్నట్టు అవుతుంది. అయినా ప్రస్తుతం ఉన్న పరిస్థితుల్లో థియేటర్లు తెరవడం కంటే మూసి ఉంచడమే నయమని విశ్లేషకుల అభిప్రాయం.
లోకల్ టు గ్లోబల్ వార్తల కోసం.. నమస్తే తెలంగాణ ఫేస్బుక్, ట్విటర్ పేజీలను ఫాలో అవ్వండి
కూతుర్ని గుండెలపై ఎక్కించుకున్న అల్లు అర్జున్.. వైరల్ పిక్
పుకార్లపై నవ్వుకున్న హరీష్ శంకర్..ఇంతకీ అదేంటంటే..?
శ్రీ రామ నవమికి విడుదలైన సినిమా పోస్టర్స్ ఇవే..
ఒకేసారి థియేటర్లో, ఆన్లైన్లో రిలీజ్ కానున్న రాధే
ఇస్మార్ట్ భామతో నితిన్ రొమాంటిక్ రైడ్ పోస్టర్
కంగనా ‘ అష్టమి ప్రసాదం’ పై నెటిజన్ల ట్రోల్స్..!
జబర్దస్త్ లో కరోనా కలకలం..ఇంకా ఎంత మందికి వచ్చింది..?
వకీల్ సాబ్ పై మాజీ న్యాయమూర్తి ప్రశంసల జల్లు
అనిల్రావిపూడి కల నెలవేరబోతుందా..?