కాబూల్: అమెరికా రక్షణ మంత్రి ల్లాయిడ్ ఆస్టిన్ ఆదివారం అకస్మికంగా ఆఫ్ఘనిస్థాన్ను సందర్శించారు. గతేడాది తాలిబన్లతో చేసుకున్న ఒప్పందం మేరకు అమెరికా సైనిక బలగాలు కొన్ని వారాల్లో ఆఫ్ఘన్ను వీడనున్న నేపథ్యంలో ఆస్టిన్ అకస్మిక పర్యటన ప్రాధాన్యం సంతరించుకున్నది. మాజీ అధ్యక్షుడు డొనాల్డ్ ట్రంప్ అంగీకరించిన డెడ్లైన్ ప్రకారం వచ్చే మే ఒకటో తేదీ నాటికి ఆఫ్ఘనిస్థాన్ నుంచి తమ బలగాలు వైదొలుగుతాయని గతవారం అమెరికా అధ్యక్షుడు జో బైడెన్ ప్రకటించిన సంగతి తెలిసిందే.
గడువు దాటిన తర్వాత పాశ్చాత్య దేశాల సైన్యం తమ దేశంలో ఉంటే, తలెత్తే తీవ్ర పరిణామాలకు అమెరికాదే బాధ్యత అని ఉగ్రవాదులు ఇప్పటికే ప్రకటించారు. సాధ్యమైనంత ఎక్కువ కాలం బలగాలను తమ దేశంలోనే కొనసాగించాలని ఆఫ్ఘనిస్థాన్ సర్కార్ భావిస్తున్నది. ఆఫ్ఘనిస్థాన్ అధ్యక్షుడు అశ్రఫ్ ఘనీతో చర్చల తర్వాత.. సైన్యం వైదొలగడానికి గడువుపై స్పందించడానికి ఆస్టిన్ నిరాకరించారు. ఈ అంశం తమ అధ్యక్షుడు బైడెన్ పరిధిలోని అంశం అని దాటవేశారు. దీనిపై నిర్ణయాధికారం బైడెన్దేనని పేర్కొన్నారు.
ఇవి కూడా చదవండి:
ఓ మహిళా ఉద్యోగి.. 36 రోజుల్లో 4 బదిలీలు
బ్రిటన్లో జనాభా గణన.. పాల్గొనని వారికి లక్ష జరిమానా
ఆస్ట్రాజెనెకా వ్యాక్సిన్లో పంది మాంసం లేదు : కంపెనీ వివరణ
మలేషియాలోని కిమ్ రాయబార కార్యాలయం ఖాళీ