బెంగుళూరు: భారత అంతరిక్ష పరిశోధనా సంస్థ కొత్త రేడార్ను డెవలప్ చేసింది. సింథటిక్ అపర్చర్ రేడార్(ఎస్ఏఆర్)కు.. ఎక్స్ట్రీమ్ హై రెజల్యూషన్ ఫోటోలు తీసే సామర్థం ఉంటుంది. ఎర్త్ అబ్జర్వేషన్ శాటిలైట్ మిషన్లో భాగంగా ఈ రేడార్ను అభివృద్ధి పరిచారు. నాసాతో కలిసి ఇస్రో ఈ రేడార్ను వినియోగించనున్నది. రెండు ఫ్రీక్వెన్సీలో ఈ రేడార్ను వాడుతారు. ఎల్ మరియ ఎస్ బ్యాండ్ ఫ్రీక్వెన్సీల్లో సార్ రేడార్ను వాడనున్నట్లు తెలుస్తోంది. భూగ్రహం ఎలా మారుతుందన్న అంశాలను కేవలం సెంటీమీటర తేడాల్లోనే ఈ రేడార్తో గుర్తించనున్నట్లు నాసా ద్వారా వెల్లడైంది. నిసార్ రేడార్ అభివృద్ధి కోసం 2014, సెప్టెంబర్ 30వ తేదీన నాసా, ఇస్రో మధ్య ఒప్పందం కుదిరింది. వచ్చే ఏడాది ఆరంభంలో శ్రీహరికోట నుంచి నిర్సార్ రేడార్ నింగిలోకి ఎగరనున్నది. మిషన్ ఎల్ బ్యాండ్ సార్ను నాసా అందిస్తున్నది. సైన్స్ డేటా, జీపీఎస్ రిసీవర్లు, పేలోడ్ డేటా సబ్సిస్టమ్ను ఎల్-బ్యాండ్ పొందుపరచనున్నది. ఎస్-బ్యాండ్ రేడార్ను ఇస్రో అందిస్తోంది. పర్యావరణంలో వచ్చే మార్పులను, మంచు పర్వతాల్లో కదలికలు, భూకంపాలు, సునామీలు లాంటి వాటి గురించి నిసార్ హై రెజల్యూషన్ ఇమేజ్లను అందజేస్తుందని ఇస్రో ఓ ప్రకటనలో తెలిపింది.