గువాహటి: ఈశాన్య రాష్ట్రం అసోంతోపాటు అండమాన్ దీవుల్లో భూకంపాలు సంభవించాయి. సోమవారం అర్థరాత్రి 11.51 గంటలకు అండమాన్ దీవుల్లో భూమి కంపించగా.. ఈ తెల్లవారుజామున 1.32 గంటలకు అసోంలోని మొరిగావ్లో భూకంపం సంభవించింది. నేషనల్ సెంటర్ ఫర్ సీస్మోలజీ ఈ ఉదయం ఈ విషయాన్ని వెల్లడించింది. అందరూ నిద్రిస్తున్నవేళ అకస్మాత్తుగా భూ ప్రకంపనలు సంభవించడంతో ప్రజలు ఇళ్లలో నుంచి పరుగులు తీశారు.
అండమాన్ దీవుల్లో సంభవించిన భూకంపం తీవ్రత రిక్టర్ స్కేల్పై 4.2గా నమోదయ్యిందని నేషనల్ సెంటర్ ఫర్ సీస్మోలజీ వెల్లడించింది. మొరిగావ్లో భూకంప తీవ్రత రిక్టర్ స్కేల్పై 2.9గా నమోదైనట్లు తెలిపింది. అయితే ఇప్పటివరకు రెండు ప్రాంతాల్లో ప్రాణ నష్టంగానీ, ఆస్తి నష్టంగానీ జరిగినట్లు ఎలాంటి సమాచారం లేదని అధికారులు చెప్పారు.