అద్దె ఇల్లు అయినా, సొంతిల్లు అయినా ఇంటి రెనొవేషన్ను అందరూ ఇష్టపడుతారు. అయితే, కొందరు టీవీలు, ప్రకటనల్లో చూసిందే తడవుగా, మరో ఆలోచన లేకుండానే డిజైనర్ వస్తువులను కొనేస్తుంటారు. వాటితో ఇంటిని సరికొత్తగా రెనొవేషన్ చేయించాలనుకుంటారు. కానీ, సదరు వస్తువులు ఆ ఇంటికి ఏ మాత్రం సరిపడవని, తమకు ఏ విధంగానూ ఉపయోగపడవని తెలుసుకొని మూలన పడేస్తుంటారు. అందుకోసమే, కొత్త ఇంట్లోకి చేరిన వెంటనే మేకోవర్లకు దిగవద్దని నిపుణులు సూచిస్తున్నారు. కొన్ని రోజులపాటు ఆ ఇంట్లో గడిపిన తర్వాత, ఎక్కడెక్కడ ఎలాంటి డిజైన్ చేయించాలి? ఎలాంటి వస్తువులు అవసరం అవుతాయి? అనే విషయాల గురించి క్షుణ్ణంగా తెలుసుకున్న తర్వాతే ఇంట్లో రెనొవేషన్ చేయించాలని చెబుతున్నారు. అప్పుడే డబ్బులు, సమయం వృథా కావని వారంటున్నారు.