e-Paper

Advertisement

E-Paper

Apps

Book Your Copy

Visit Telangana Today

Monday, June 14, 2021
Home జిల్లాలు హోరాహోరీగా

హోరాహోరీగా

హోరాహోరీగా

మూడో రోజూ కొనసాగిన క్రికెట్‌ మ్యాచ్‌లు
సీఎం కేసీఆర్‌ వ్యక్తిగత సహాయకుడు పరమేశ్వర్‌రెడ్డి హాజరు
సిద్దిపేట జోన్‌, మార్చి 16 : గ్రామీణ ప్రాంతాల్లోని క్రీడాకారుల ప్రతిభను వెలికి తీసేందుకు సిద్దిపేట జయశంకర్‌ స్టేడియంలో నిర్వహిస్తున్న టీహెచ్‌ఆర్‌ రూరల్‌ క్రికెట్‌ ట్రోపీ మ్యాచ్‌లు ఉత్కంఠభరితంగా జరిగాయి. సీఎం కేసీఆర్‌ వ్యక్తిగత సహాయకుడు వేముల పరమేశ్వర్‌రెడ్డితోపాటు సుడా చైర్మన్‌ రవీందర్‌రెడ్డి, చిన్నకోడూ రు ఎంపీపీ కూర మాణిక్యరెడ్డి, నంగునూరు మాజీ ఎం పీపీ జాప శ్రీకాంత్‌రెడ్డి, ఏఎంసీ చైర్మన్లు సోంరెడ్డి, శ్రీనివాస్‌, పీఏసీఎస్‌ చైర్మన్లు నరేందర్‌రెడ్డి, కోల రమేశ్‌గౌడ్‌, నాయకుడు పోచబోయిన శ్రీహరియాదవ్‌, సర్పంచ్‌లు కొండల్‌రెడ్డి, బాలయ్య, ఉమేశ్‌, లింగం, ఉమేశ్‌చంద్రతోపాటు టీఆర్‌ఎస్వీ నాయకులు శేఖర్‌గౌడ్‌, ప్రశాంత్‌, పెర్క బాబు, పోశెట్టి శ్రీకాంత్‌, నార్లపురం రామ్మోహన్‌, రామరాజు వీక్షించి జట్లకు ఉత్సాహం నింపారు. తన స్వగ్రామమైన బద్దిపడగ జట్టు మ్యాచ్‌ ఆడుతుండడంతో సీఎం కేసీఆర్‌ వ్యక్తిగత సహాయకులు పరమేశ్వర్‌రెడ్డి వారి జట్టును ప్రోత్సహిస్తూ మ్యాచ్‌ను వీక్షించారు.

  • ఉత్కంఠభరితంగా క్రికెట్‌ పోటీలు
    మూడో రోజు ఐదు మ్యాచ్‌లు నిర్వహించారు. మొదటి మ్యాచ్‌ లో చిన్నకోడూరు బాబు జట్టు, మిట్టపల్లి ఎంఎస్‌డీ జట్లు తలపడ్డా యి. చిన్నకోడూరు జట్టు 9 ఓవర్లలో 39 పరుగులు చేయగా, మిట్టపల్లి జట్టు 5 ఓవర్లలో 40 పరుగులు చేసి విజయం సాధించింది. రెండో మ్యాచ్‌లో చర్లఅంకిరెడ్డిపల్లి, సీతారాంపల్లి జట్లు పోటీ పడగా చర్లఅంకిరెడ్డిపల్లి 10 ఓవర్లలో 91 పరుగులు చేసింది. బరిలో దిగిన సీతారాంపల్లి జట్టు 10 ఓవర్లలో 65 మాత్రమే చేసి ఓడిపోయింది. మూడో మ్యాచ్‌లో భాగంగా బద్దిపడగ, రామునిపట్ల జట్లు తలపడ్డాయి. బద్దిపడగ జట్టు 10 ఓవర్లలో 84 పరుగులు చేయగా.. రామునిపట్ల జట్టు 10 ఓవర్లలో 6 వికెట్లు కోల్పోయి 73 పరుగులు చేసి ఓటమి పాలైంది. నాలుగో మ్యాచ్‌లో నారాయణరావుపేట అరుంధతి, మెట్‌పల్లి జట్లు పోటీ పడ్డాయి. టాస్‌ గెలిచిన నారాయణరావుపేట అరుంధతి జట్టు 10 ఓవర్లలో 75 పరుగులు చేసింది. 76 పరుగుల విజయలక్ష్యంతో బ్యాటింగ్‌ ప్రారంభించిన మెట్‌పల్లి 58 పరుగులు చేసి ఓటమి పాలైంది. ఐదో మ్యాచ్‌లో ఖానాపూర్‌, మాచాపూర్‌ సిద్దిపేట జట్లు పోటీ పడగా టాస్‌ గెలిచిన ఖానాపూర్‌ జట్టు 10 ఓవర్లలో 91 పరుగులు చేసింది. విజయలక్ష్యంతో బరిలో దిగిన మాచాపూర్‌ జట్టు 9.4 ఓవర్లలో లక్ష్యాన్ని చేరి, విజయం సాధించింది. ఆయా మ్యాచ్‌ల్లో ఉత్తమ ప్రతిభ కనబర్చిన ఆటగాళ్ల కు మ్యాన్‌ ఆఫ్‌ది మ్యాచ్‌, రన్నర్స్‌కు ప్రత్యేక అవార్డులను ఆయా మండలాల ప్రజాప్రతినిధులు అందజేశారు. కార్యక్రమంలో ఆర్గనైజర్లు మచ్చ వేణుగోపాల్‌రెడ్డి, మల్లికార్జున్‌, రాము, సతీష్‌, అక్బర్‌ నవాబ్‌, మాజీద్‌, సాజీద్‌పాషా తదితరులు పాల్గొన్నారు.
Advertisement
-Advertisement-

తాజావార్తలు

Advertisement
హోరాహోరీగా

ట్రెండింగ్‌

Advertisement