కాచిగూడ : నిషేధిత గంజాయిను అమ్ముతున్న వ్యక్తిని కాచిగూడ పోలీసులు అరెస్ట్ చేసి రిమాండ్కు తరలించారు. ఎస్సై వి.లక్ష్మయ్య తెలిపిన వివరాల ప్రకారం ఆలియాబాద్లోని గాజిబండ ప్రాంతానికి చెందిన సయ్యద్ ఆసిఫ్ (45) గత కొన్ని రోజులుగా గుట్టుచప్పుడు కాకుండా గంజాయి అమ్ముతున్నాడు. నగరంలోని పలు ప్రాంతాల్లో గంజాయి ప్యాకెట్లను అమ్ముకుంటూ సొమ్ము చేసుకుంటున్నాడు.
విశ్వసనీయ సమాచారం మేరకు కాచిగూడ పోలీసులు గురువారం రాత్రి నింబోలి అడ్డా సంఘం హోటల్ ప్రాంతంలో గంజాయి విక్రయిస్తుండగా సయ్యద్ ఆసిఫ్ను అదుపులోకి తీసుకుని, ఆతని నుంచి 3 గ్రాముల గంజాయి ప్యాకెట్లను స్వాధీనం చేసుకొని శుక్రవారం అరెస్ట్చేసి రిమాండ్కు తరలించినట్లు కాచిగూడ పోలీసులు తెలిపారు.