e-Paper

Advertisement

E-Paper

Apps

Book Your Copy

Visit Telangana Today

Tuesday, September 21, 2021
Home జిల్లాలు స్నేహమేరా జీవితం

స్నేహమేరా జీవితం

స్నేహం.. భాష లేని ఓ బంధం, ఆత్మీయతకు ప్రతిరూపం
నేడు స్నేహితుల దినోత్సవం

బాలానగర్‌, జూలై31: ఏటా ఆగస్టు మొదటి ఆదివారం అంతర్జాతీయ స్నేహితుల దినోత్సవం నిర్వహించుకోవాలని యూఎస్‌వో ప్రకటించింది. హాల్‌మార్క్‌ కార్డ్‌ వ్యవస్థాపకుడు జోయన్‌హాల్‌ 1919లో మొదటి సారి ఫ్రెండ్‌షిప్‌ డే గురించి ప్రస్తావించాడు. అప్పటి నుంచి ఫ్రెండ్స్‌ అందరూ గ్రీటింగ్‌ కార్డులు, శుభాకాంక్షలు చెప్పుకోవడం ప్రారంభించారు. ఆ తర్వాతే నేషనల్‌ అసోసియేషన్‌ ఆఫ్‌ గ్రీటింగ్‌ కార్డుల సంస్థ స్నేహితుల దినోత్సవాన్ని నిర్వహించడం మొదలు పెట్టిందని చెబుతారు. మరికొంత మంది స్నేహం అనే గొప్ప అనుభూతిని సంబురంగా మార్చుకోవాలన్న ఆలోచనలోంచి పుట్టిందే స్నేహితుల రోజని, 1935లో యునైటెడ్‌ స్టేట్స్‌ కాంగ్రెస్‌ ఆగస్టు మొదటి ఆదివారాన్ని జాతీయ స్నేహితుల రోజుగా ప్రకటించింది. ఈ అనవాయితీని ప్రపంచం అంతా కొనసాగిస్తోందని మరికొందరు చెబుతారు. ఎలా మొదలైనా, ఎవరు ప్రారంభించినాన్నదని పక్కన పడితే స్నేహితుల దినోత్సవం మాత్రం అందరికీ పండుగను తెస్తుందన్నది నిజం.

స్నేహం కూడా అంతా ఆన్‌లైన్లో..
ప్రస్తుత స్నేహాలు యాంత్రికతమవుతున్నాయి. కమ్యూనికేషన్‌ పెరిగినా కలుసుకోవడం అరదు అవుతోంది. స్మార్ట్‌ ఫోన్లు, వాట్సాప్‌, ఫేస్‌బుక్‌, ఇన్‌స్టాగ్రామ్‌లలో చాటింగ్‌, వీటన్నింటి ద్వారా వెళ్తున్న స్నేహ ప్రవాహం, స్నేహితులలో కలిసిన వాట్సాప్‌ గ్రూపులలో చాటింగ్‌లతోనే ప్రతి రోజు ఒకరికోకరు పలకరించుకుంటున్నారు. దీంతో నిత్యం స్నేహితులు ఒకరికొకరు కలుసుకోవడం ద్వారా కలిగే అపురూప అనుభూతిని దూరం చేసుకుంటున్నారు. అనుభూతి, బావోద్వేగాలపరంగా చూసుకున్నా.. స్నేహాలు వర్ధిలాలంటే మిత్రులను కలవాలని మానసిక శాస్ట్రవేత్తలు స్పష్టం చేస్తున్నారు.

- Advertisement -

స్నేహానికి ప్రతీక శ్రీకృష్ణుడు, కుచేలుడు
పురాణ ఇతి హాసాలలో స్నేహబంధం గురించి ఎంతో గొప్పగా మన పూర్వీకులు చెప్పారు. మన మందరం ఎంతో గొప్పగా కొలిచే శ్రీ కృష్ణ భగవానుడికి కుచేలుడనే ప్రాణ స్నేహితుడు ఉండేవాడని పురాణల్లో పేర్కొన్నారు. శ్రీకృష్ణుడు కుచేలుడు కలిసి సాందీవుడనే గురువు వద్ద చదువుకున్నారు. అ సమయంలో చిగురించిన స్నేహం కలకాలం నిలించింది. ఎన్నో కష్టాలు ఉన్న కుచేలుడు తన స్నేహితుడైన కృష్ణుడి వద్దకు వచ్చి తన పేదరికం చెప్పుకోవడం ఇష్టం లేక మౌనం ఉండిపోతాడు. శ్రీ కృష్ణుడు ఆది గమనించి తనస్నేహితుని కష్టాలు తీరుస్తాడు. అందుకే ప్రతి ఒక్కరికీ శ్రీ కృష్ణుడిలాంటి స్నేహితుడు ఉండాలని చెబుతుంటారు.

Advertisement
-Advertisement-

తాజావార్తలు

Advertisement

ట్రెండింగ్‌

Advertisement
Namasthe Telangana