మండే పదార్థాల గోదాములపై కొరడా

Wed,June 13, 2018 03:23 AM

సిటీబ్యూరో, నమస్తే తెలంగాణ: రాణిగంజ్‌లోని రంగుల (పెయింట్) గోదాములో ఇటీవల జరిగిన అగ్నిప్రమాదం తరహా ఘటనలు పునరావృతం కాకుండా ఉండేందుకు జీహెచ్‌ఎంసీ కట్టుదిట్టమైన చర్యలు తీసుకోవాలని నిర్ణయించింది. ఇందులో భాగంగా మండే గుణమున్న పదార్థాల గోదాములను జనావాసాలు, రద్దీ మార్కెట్ ప్రాంతా ల్లో లేకుండా బయటకు తరలించాలని నిశ్చయించింది. దీనికోసం త్వరలో సర్వే నిర్వహించి ఆ తరహా గోదాముల ట్రేడ్ లైసెన్సులు రద్దుచేయాలని నిర్ణయించారు.
రాణిగంజ్‌లో ఇటీవల రంగు డబ్బాల గోదాములో అగ్ని ప్రమాదం జరిగి మంటలధాటికి ఏకంగా భవనమే కుప్పకూలిన విషయం తెలిసిందే. పురాతన భవనం కావడంతో నిబంధనల ప్రకారం సెట్‌బ్యాక్‌లు లేకపోగా, అనుమతులు, ట్రేడ్ లైసెన్సు కూడా లేనట్లు విచారణలో తేలింది. నిబంధనల ప్రకారం ఉపయోగం ఆధారంగా నిర్ణీత సెట్‌బ్యాక్‌లు ఉన్న భవనాలకు మాత్రమే ట్రేడ్ లైసెన్సులు జారీచేస్తారు. కాగా, సికింద్రాబాద్, చార్మినార్, గోషామహెల్ తదితర పాత నగరంలో పురాతన భవనాలను చాలావరకు గోదాములు, దుకాణాలకు వినియోగిస్తున్నారు. చిన్నచిన్న గల్లీలో ఉండే ఈ గోదాముల్లో భారీగా మండే గుణమున్న పదార్థాలను నిల్వ ఉంచడంతో ప్రమాదాలు జరిగినప్పుడు విపత్తుల నిర్వహణ అత్యంత క్లిష్టంగా మారుతోంది. రాణిగంజ్‌లో జరిగిన ఘటన మరోసారి అధికారులకు గుణపాఠం నేర్పినట్లు చెప్పవచ్చు. అదృష్టవశాత్తూ ప్రాణనష్టం జరగకున్నా మంటలను అదుపులోకి తెచ్చేందుకు చాలా సమయం పట్టింది. పెయింట్ డబ్బాలు కావడంతో మంటల తీవ్రత అధికంగా ఉంది. ఈ నేపథ్యంలో ఘటనపై విచారణ నిర్వహించిన జీహెచ్‌ఎంసీ ఇటువంటి ఘటనలు పునరావృతం కాకుండా కట్టుదిట్టమైన చర్యలు తీసుకోవాలని సంకల్పించింది. ఇందులో భాగంగా ఇటీవల అగ్నిమాపక శాఖ అధికారులతో సమీక్ష నిర్వహించిన అధికారులు ప్రమాదకర వస్తువుల గోదాములను నగరంలో లేకుండా చేయాలని నిర్ణయించారు.

ఈ క్రమంలోనే గోదాములను అతి ప్రమాదకరం, తక్కువ ప్రమాదకరం, అసలు ప్రమాదానికి అవకాశం లేకపోవడం అనే మూడు శ్రేణులుగా విభజించేందుకు త్వరలో సర్వే చేపట్టాలని నిర్ణయించారు. పేలుడు పదార్థాలు, రసాయనాలు, రంగులు తదితర పేలుడుకు, మంటలు వ్యాపించేందుకు వీలున్న పదార్థాల గోదాములను అతి ప్రమాదకర శ్రేణిలో ఉంచి వాటి ట్రేడ్ లైసెన్సులను రద్దుచేయడంతోపాటు వాటిని నగరం వెలుపలికి తరలించాలని నిర్ణయించారు. అలాగే, ఎలక్ట్రానిక్స్ వస్తువులు తదితరవాటిని రెండవ శ్రేణిలో, ప్రమాదానికి పెద్దగా ఆస్కారంలేని కిరా ణా, ఫ్యాన్సీ, స్టేషనరీ తదితర గోదాములను మూడో శ్రేణి లో చేర్చాలని నిశ్చయించారు. రెండో శ్రేణివాటిపై కొన్ని ఆంక్షలు విధించి, మూడో శ్రేణిని యథావిథిగా కొనసాగించాలని నిశ్చయించారు. పేలుడు, మంటలు వ్యాపించేందుకు ఆస్కారమున్న గోదాములను నగరం వెలుపలికి తరలించనున్నట్లు జీహెచ్‌ఎంసీ ముఖ్య ప్రణాళికాధికారి దేవేందర్ రెడ్డి తెలిపారు. దీనికోసం త్వరలోనే సర్వే చేపట్టనున్నట్లు ఆయన వివరించారు.

363

More News

Thu,January 24, 2019 01:00 AM

-ప్రయోగాత్మకంగా ఖైరతాబాద్ జోన్ ..
-ఫిబ్రవరి తొలి వారంలో కమాండ్ కంట్రోల్ రూమ్ ప్రారంభం
-ప్రైవేటీకరణ వదంతులు నమ్మొద్దు
-చెత్త సేకరణ నిర్వహణ పూర్తిగా బల్దియాదే
-అభివృద్ధి, పారిశుధ్యంపై త్వరలో విజన్ డాక్యుమెంట్
-ఓటర్ల జాబితాలో పేర్లకు ఫిబ్రవరి 4వరకు గడువు
-జీహెచ్ కమిషనర్ దానకిశోర్ వెల్లడి
సిటీబ్యూరో, నమస్తే తెలంగాణ : ఇంటింటి చెత్త సేకరణ(ప్రైమరీ కలెక్షన్) పనులను ప్రైవేటు సంస్థకు అప్పగిస్తున్నట్లు వస్తున్న వార్తలు పూర్తిగా అవాస్తవమని జీహెచ్ కమిషనర్ ఎం.దానకిశోర్ ఖండించారు. ఇటువంటి వార్తలు కేవలం పుకార్లని, వాటిని నమ్మరాదని ఆయన విజ్ఞప్తి చేశారు. ఇంటింటి చెత్త సేకరణ ఎప్పటికీ జీహెచ్ పరిధిలోనే ఉంటుందని ఆయన భరోసా ఇచ్చారు. నగర సమగ్రాభివృద్ధితోపాటు పారిశుధ్య పనులను మరింత సమర్థవంతంగా ఎలా ముందుకు తీసుకెళ్లాలనే దానిపై ఓ విజన్ డాక్యుమెంట్ రూపొందిస్తున్నట్లు కమిషనర్ చెప్పారు. దీనిపై మేధావులతో చర్చిస్తున్నట్లు, త్వరలోనే దీన్ని విడుదల చేస్తామన్నారు. జీహెచ్ ప్రధాన కార్యాలయంలో బుధవారం కమిషనర్ విలేకరులతో మాట్లాడుతూ, ప్రైవేటీకరణ పేరుతో జరుగుతున్న అసత్య ప్రచారంపై కార్మికులు కంగారుపడొద్దని, వారికి ఎటువంటి అన్యాయం జరుగదని హామీ ఇచ్చారు. పారిశుధ్య నిర్వహణలో నగరానికి ఉన్న మంచిపేరును కొనసాగించేందుకు కృషి చేయాలని ఆయన పిలుపునిచ్చారు. ఇంటింటి చెత్త సేకరణ పనులు ఎప్పటికీ ప్రైవేటుకు ఇవ్వడం జరుగదని స్పష్టం చేశారు.

ఈనెల 31తో స్వచ్ఛ సర్వేక్షణ్-2019 పూర్తవుతున్నప్పటికీ ఆ తరువాత కూడా పారిశుధ్యంపై ప్రత్యేక చర్యలు కొనసాగుతాయన్నారు.‘షాన్ హైదరాబాద్ సాఫ్ హైదరాబాద్’ పేరుతో ముందుకు సాగనున్నట్లు, ఇందులో భాగంగా ఆధునిక సాంకేతిక పరిజ్ఞానాన్ని విరివిగా ఉపయోగించుకోనున్నట్లు చెప్పారు. స్వచ్ఛ కార్యక్రమాలను కేవలం స్వచ్ఛ సర్వేక్షణ్ వరకే పరిమితం చేయకుండా నిరంతరం కొనసాగించేలా విజన్ డాక్యుమెంట్ రూపొందిస్తున్నామన్నారు. ముఖ్యంగా స్వచ్ఛసేన ఏర్పాటు, నానో మొబిలిటీ వాహనాల ఏర్పాటు, వ్యర్థజలాల శుద్ధి ప్లాంట్ల ఏర్పాటు, స్వచ్ఛ వార్డు అధికారులు, స్వచ్ఛ విజన్ యాప్ రూపకల్పన, నో కాంప్రమైజ్ జోన్, టెక్నాలజీ సహాయం తదితర కార్యక్రమాలను ప్రణాళికాబద్ధంగా చేపట్టడంపై విజన్ డాక్యుమెంట్ ప్రకటించనున్నట్లు కమిషనర్ చెప్పారు.

ఓటర్ల జాబితాలో పేర్లు నమోదు చేసుకోండి
ఓటర్ల జాబితా సవరణ కార్యక్రమాన్ని సద్వినియోగం చేసుకోవాలని, ఓటర్ల జాబితాలో పేర్లు లేనివారు నమోదు చేసుకోవాలని కమిషనర్ సూచించారు. ఈనెల 24వ తేదీ వరకు సాయంత్రం 4 నుంచి 7గంటల వరకు జిల్లాలోని 84 వార్డు కార్యాలయాల్లో సిబ్బంది, దరఖాస్తు ఫారాలు అందుబాటులో ఉంచుతున్నట్లు చెప్పారు. రాష్ట్ర ముఖ్య ఎన్నికల అధికారి లేఖలు రాసినట్లు, బీఎల్ స్వయంగా వాటిని ఇంటింటికీ పంపిణీ చేస్తారన్నారు. అందులో ఓ కార్డు ఉంటుందని, తమ సూచనలు, సలహాలను వాటిల్లో రాసి పంపాలన్నారు. గతంలో భారీగా ఓట్లు గల్లంతైనట్లు ఆరోపణలు వచ్చిన నేపథ్యంలో జాబితా సవరణ కార్యక్రమాన్ని ఫిబ్రవరి 4వ తేదీ వరకు పొడిగించామన్నారు. అంతేకాకుండా, కాలేజీలు, మాల్స్ డ్రాప్ ఏర్పాటు చేసినట్లు, అక్కడ ఉండే దరఖాస్తు ఫారాలు పూరించి జాబితాలో పేర్లు నమోదు చేసుకోవాలన్నారు.

ఈ ఏడాది మూడు కోట్ల మొక్కలు..
హరితహారంలో భాగంగా ఈ ఏడాది నగరంలో మూడు కోట్ల మొక్కలు నాటాలని రాష్ట్ర ప్రభుత్వం లక్ష్యాన్ని నిర్ధారించినట్లు చెప్పారు. ఔటర్ రింగురోడ్డు వెంబడి ఖాళీ జాగాలతోపాటు ఎక్కడ ఖాళీ స్థలాలు ఉంటే అక్కడ మొక్కలు నాటేందుకు ప్రణాళికలు రూపొందిస్తున్నామన్నారు. ఆస్తిపన్ను సకాలంలో చెల్లించాలని ప్రజలకు విజ్ఞప్తి చేశారు. ఈ ఏడాది రూ.1500 కోట్లు వసూలు చేయాలని నిర్ణయించగా, ఇప్పటి వరకు రూ.897 కోట్లు మాత్రమే వసూలైనట్లు చెప్పారు. అయినా అభివృద్ధి పథకాలకు నిధుల కొరత లేదని, ఎస్ డబుల్ బెడ్ పథకాలు సజావుగా సాగుతున్నాయని కమిషనర్ దానకిశోర్ వివరించారు.

త్వరలో స్వచ్ఛ విజిల్ యాప్..
పారిశుధ్య పనుల పర్యవేక్షణ కోసం 150 వార్డుల స్వచ్ఛ అధికారులకు ట్యాబ్ ఇచ్చినట్లు కమిషనర్ చెప్పారు. రోజూ పారిశుధ్య పనులను ఫొటోలు తీసి వాటిని అప్ చేయాల్సి ఉంటుందన్నారు. వీటిద్వారా వచ్చే డేటా స్వచ్ఛతను పెంపొందించేందుకు చాలా వరకు దోహదపడుతుందన్నారు. దీంతోపాటు ప్రజల్లో స్వచ్ఛత పట్ల పెద్దఎత్తున అవగాహన కల్పించేందుకు ఎన్జీవోలు, మేథావి వర్గం సేవలను ఉపయోగించుకుంటామన్నారు. అలాగే, స్వచ్ఛ కార్యక్రమాల్లో అడ్మినిస్ట్రేటివ్ స్టాఫ్ కాలేజ్ ఆఫ్ ఇండియా(ఆస్కీ)తోపాటు ఇండోర్ నగరానికి చెందిన ఓ ఎన్జీవోను కూడా భాగస్వామిని చేయాలని భావిస్తున్నట్లు చెప్పారు. త్వరలో స్వచ్ఛ విజిల్ యాప్ అందుబాటులోకి తేనున్నట్లు చెప్పారు. దీంతో పారిశుధ్య సమస్యలకు సంబంధించి ప్రజలు ఫొటోలు, వీడియోల ద్వారా తమ ఫిర్యాదులను అందించవచ్చన్నారు. స్వచ్ఛతపై రాబోయే ఆరు నెలలు విస్తృతంగా అవగాహన కార్యక్రమాలు నిర్వహించి నగరాన్ని మరింత పరిశుభ్రంగా తీర్చిదిద్దేందుకు చర్యలు తీసుకుంటు
న్నామన్నారు.

నానో కారుతో పర్యవేక్షణ
నానో కారుకు కెమెరాలను ఏర్పాటు చేసి వాటి ద్వారా రోడ్లపై పారిశుధ్యాన్ని పర్యవేక్షించనున్నట్లు చెప్పారు. ఒక్కో కారుకు ముందుభాగంలో మూడు సీసీ టీవీ కెమెరాలను ఏర్పాటు చేసి వాటిని కంప్యూటర్ అనుసంధానం చేస్తామని, ఇందులో రోడ్డుపై జరిగే దృశ్యాలన్నీ రికార్డవుతాయని పేర్కొన్నారు. చాలా మంది వాహనాల్లో వెళ్తూ చెత్తను రోడ్ల వెంబడి పారేయడం, వ్యర్థ జలాలను రోడ్లపైకి వదలడం వంటివి చేస్తుంటారని, అటువంటి వారిని గుర్తించి వారికి జరిమానాలు విధించేలా ఈ పరిజ్ఞానం ఉపయోగపడుతుందన్నారు. అంతేకాకుండా, వీటిని జీహెచ్ ప్రధాన కార్యాలయంలోని కమాండ్ కంట్రోల్ రూమ్ అనుసంధానం చేస్తామని, ఈ సీసీ టీవీ కెమెరాల్లో రికార్డయ్యేదంతా కమాండ్ కంట్రోల్ రూమ్ వీక్షించవచ్చన్నారు. ప్రస్తుతానికి ఖైరతాబాద్ జోన్ కోసం ఒక నానో కారును ప్రయోగాత్మకంగా రంగంలోకి దింపుతున్నట్లు, భవిష్యత్ మొత్తం ఆరు జోన్లకు ఇటువంటి వాహనాలను సమకూర్చుతామన్నారు. కమాండ్ కంట్రోల్ రూమ్ వచ్చే ఫిబ్రవరి మొదటివారంలో ప్రారంభించనున్నట్లు కమిషనర్ తెలిపారు.

Thu,January 24, 2019 12:56 AM

సిటీబ్యూరో, నమస్తే తెలంగాణ: నగరంలో ఉచిత పార్కింగ్ విధానాన్ని ప్రవేశపెట్టినప్పటికీ చాలా ప్రాంతాల్లో ఇంకా అక్రమంగా ఫీజుల వసూళ్లు కొనసాగుతున్నాయి. దీనిపై ప్రజలనుంచి బల్దియాకు ఫిర్యాదులు వెల్లువెత్తుతున్నాయి. దీంతో అక్రమ వసూళ్లను అరికట్టేందుకు జీహెచ్ సమాయత్తమవుతోంది. అక్రమ వసూళ్లకు పాల్పడేవారిపై చర్యలు తీసుకునేందుకు సన్నాహాలు చేస్తున్నారు.మల్టీప్లెక్స్ షాపింగ్ మాల్స్, షాపింగ్ కాంప్లెక్స్ తదితరవాటిల్లో నిర్ణీత సమయం వరకు ఉచిత పార్కింగ్ అనంతరం ఎదైనా కొనుగోలు చేసినట్లు రసీదు చూపితే పూర్తి ఉచితంగా పార్కింగ్ సౌకర్యాన్ని కల్పించాలని గత ఏడాది ప్రభుత్వం ఉత్తర్వులు జారీచేసింది. అయితే, ఇది కొన్ని ప్రాంతాల్లో మాత్రమే అమలవుతోంది. మల్టీప్లెక్స్ బడా షాపింగ్ మాల్స్, కార్పొరేట్ ఆసుపత్రులు తదితరవాటిల్లో ప్రభుత్వ ఉత్తర్వులను అమలుచేయడంలేదు. రోజూ పార్కింగ్ ప్రాంతాల్లో వాహనదారులు, నిర్వాహకులకు మధ్య వాదోపవాదాలు చెలరేగడంతోపాటు ఘర్షణవాతావరణం నెలకుంటోంది. దీనిపై బల్దియాకు నిత్యం ఫిర్యాదులు వస్తున్నాయి. ఉదాహరణకు ప్రసాద్ ఐమ్యాక్స్, అపోలో ఆసుపత్రిలో గంటల చొప్పున పార్కింగ్ ఫీజులు వసూలు చేస్తున్నారు. ఇవికాకుండా పలు కాంప్ల్సెక్స్ సినిమా థియేటర్లు, ఆసుపత్రుల్లో పెద్ద ఎత్తున అక్రమ వసూళ్ల దందా ఎదేచ్ఛగా కొనసాగుతోంది. దీంతో అక్రమ వసూళ్లను అరికట్టేందుకు బల్దియా అధికారులు సమాయత్తమవుతున్నారు. అక్రమ వసూళ్లకు పాల్పడేవారికి భారీగా జరిమానాలు విధించాలని నిశ్చయించారు. ఈ మేరకు అధికారులు త్వరలో క్షేత్రస్థాయిలో తనిఖీలు చేపట్టనున్నట్లు ఓ ఉన్నతాధికారి తెలిపారు.

Thu,January 24, 2019 12:56 AM

హైదరాబాద్, నమస్తేతెలంగాణ : ప్రొఫెసర్ జయశంకర్ తెలంగాణ రాష్ట్ర వ్యవసాయ విశ్వవిద్యాలయంలో బుధవారం విశ్వవిద్యాలయ స్థాయి యూత్ ఫెస్టివల్ నిర్వహించారు. ఎన్.ఎస్.ఎస్ విభాగం ఆధ్వర్యంలో కళాశాల ఆడిటోరియంలో నిర్వహించిన ఈ కార్యక్రమానికి విద్యార్థి వ్యవహారాల డీన్ డాక్టర్ విష్ణువర్థన్ రెడ్డి ముఖ్య అతిథిగా హాజరయ్యారు. ‘యూత్ ఫర్ స్వచ్ఛత’ అనే అంశంపై విశ్వవిద్యాలయ పరిధిలోని వివిధ డిగ్రీ కళాశాలల నుంచి వచ్చిన విద్యార్థులకు రంగోలి, సాంస్కృతిక, సాహితి, సృజనాత్మక కళలు వంటి పలు అంశాలలో పోటీలు నిర్వహించారు. విశ్వవిద్యాలయస్థాయిలో ఉత్తమ ప్రతిభ కనబర్చిన విద్యార్థులను రాష్ట్రస్థాయిలో జరిగే యూత్ ఫెస్టివల్ ఎంపిక చేస్తారు. ఈ కార్యక్రమంలో 80 మంది విద్యార్థులు వివిధ పోటీలలో పాల్గొన్నారు.

Thu,January 24, 2019 12:55 AM

ఖైరతాబాద్: భారతదేశంలోని కాంగ్రెస్ నాయకత్వం నేతాజీ సుభాష్ చంద్రబోస్ ప్రధానిగా ఏకగ్రీవంగా ఎన్నుకుందని, దీంతో 33 అంబాసిడర్లను సైతం ఆయన నియ మించారని, ఇది చరిత్ర చెబుతుందని మాజీ ముఖ్యమంత్రి నాదెండ్ల భాస్కర్ రావు అన్నారు. నేతాజీ జయంతి సందర్భంగా బుధవారం సాయంత్రం సోమాజిగూడ ప్రెస్ ఏర్పాటు చేసిన వేడుకల్లో ఆయన చిత్రపటానికి భాస్కర్ పాటు విశ్రాం త జస్టిస్ చంద్రకుమార్, జైహింద్ పార్టీ అధ్యక్షులు దశరథరామిరెడ్డిలు పూల మాలలు వేసి నివాళులు అర్పించారు. నాదెండ్ల భాస్కర్ మాట్లాడుతూ నేతాజీని ప్రధానిగా ఎన్నుకున్న తర్వాత ఆయన వర్కింగ్ కమిటీ వేసుకునేందుకు అనుమతి కోరగా నాడు కాంగ్రెస్ పెద్దలు నిరాకరించారని, ఒక దేశభక్తుడికి ప్రజల సేవ చేసుకోని వ్వ కుండా ఆయనకు ఎంతో ద్రోహం చేశారన్నారు. స్వాతంత్య్రానికి పూర్వం ఆజాద్ హిం దూ ఫౌజ్ తయారు చేసిన నేతాజీ జర్మనీ, ఇటలీ తదితర దేశాల మద్దతు కూడగట్టడంలో సఫలీకృతులయ్యారన్నారు. దేశంలో జైహింద్ నినాదాన్ని మొట్ట మొదటిసారిగా ఆవిష్కృతం చేసిన ఘనత నేతాజీకే దక్కుతుందన్నారు. రెండు సార్లు హైదరాబాద్ కూడా వచ్చారని, ఏలూరు నుంచి తెనాలికి రైలులో ప్రయాణించారన్నారు.

సర్ధార్ వల్లభాయ్ పటేల్ విషయంలోనూ కాంగ్రెస్ పెద్దలు అన్యాయం చేశారని, నాటి నుంచి నేటి వరకు కాంగ్రెస్ ద్రోహ రాజకీయాలు కొనసాగుతూనే ఉన్నాయన్నారు. నేతాజీకి దక్కాల్సిన గౌరవాన్ని దక్కకుండా చేశారన్నారు. స్వాతంత్య్రం వచ్చిన తర్వాత భారతదేశ జనాభా 30 కోట్లు ఉందని, నేడు 130 కోట్లకు చేరిందని, నాడు నేడు వారందరికీ అన్నం పెడుతుంది మాత్రం రైతాంగమేనన్నారు. కాని అప్పుడూ, ఇప్పుడూ రైతాంగానికి అన్యాయం జరుగుతూనే ఉందన్నారు. హైదరాబాద్ నగరంలో రూ.300 కోట్లు, రూ.400 కోట్లు పెట్టుకొని ఇళ్లు కట్టుకుంటున్నాని, కాని రైతాంగం మాత్రం అదే స్థితిలో ఉన్నారన్నారు. చాయ్ అమ్ముకునే వ్యక్తి దేశానికి ప్రధాని అయితే ఆయనపై అభండాలు వేస్తున్నారని, కుంభకోణాలు చేస్తున్నారని ఆరోపిస్తున్న పలు పార్టీల నాయకులు గుర్తుంచుకోవాలని, సొంత ఆస్తులు, వ్యాపారాలు, ఇళ్లు లేని ప్రధాని మోదీ వేల కోట్ల డబ్బులను ఏం చేసుకుంటారని, నేతాజీ తర్వాత అంతటి చరిష్మా ఉన్న నేత ప్రధాని మోదీ అని కొనియాడారు. రాఫెల్ డీల్ అనేది కాంగ్రెస్ హయాంలో జరిగిందని, కేంద్రం ప్రైవేట్ కంపెనీలకు ఇవ్వడం కొంత వ్యతిరేకత ఏర్పడిందన్నారు.

Thu,January 24, 2019 12:53 AM

-లక్షల్లో ఆస్తి నష్టం?
-వెంటనే స్పందించిన ఎస్టేట్ సిబ్బంది
-భయంతో పరుగులు తీసిన ఉద్యోగులు
-14 అగ్నిమాపక వాహనాలతో మంటలను అదుపులోకి తెచ్చిన సిబ్బంది
-సందర్శించిన వివిధ శాఖల అధికారులు
-స్పృహ తప్పి పడిపోయిన డీఆర్ సిబ్బంది
బేగంబజార్, నమస్తే తెలంగాణ : బహుళ అంతస్తుల భవనం ఖాన్ లతీఫ్ ఎస్టేట్ భారీ అగ్ని ప్రమాదం చోటుచేసుకున్నది. ఈ సంఘటనలో ఎలాంటి ప్రాణ నష్టం జరుగకపోగా, రూ.లక్షల ఆస్తి నష్టం జరిగి ఉంటుందని పోలీసులు అంచనా వేస్తున్నారు. ఇదిలా ఉండగా, మంటలను ఆర్పే ప్రయత్నంలో డిజాస్టర్ రెస్పాన్స్ ఫోర్స్ సిబ్బంది ఒకరు అస్వస్థతకు గురయ్యారు. అగ్నిమాపక శాఖ అధికారులు మంటలను ఆర్పే అత్యాధునిక వాహనాలతోపాటు 14అగ్నిమాపక వాహనాలతో సిబ్బంది రెండున్నర గంటల పాటు శ్రమించి అదుపులోకి తీసుకు వచ్చారు. అగ్నిమాపక శాఖతోపాటు వివిధ ప్రభుత్వ శాఖల అధికారులు సంఘటనాస్థలానికి చేరుకుని పర్యవేక్షించారు. పోలీసులు, స్థానికుల కథనం ప్రకారం.. ఖాన్ లతీఫ్ ఎస్టేట్ ఐదవ అంతస్తులో కొనసాగుతున్న అడ్వాంటేజ్ ఐటీ సొల్యూషన్ సంస్థలో ఏసీలో సంభవించిన షార్ట్ సర్యూట్ కారణంగా మంటలు చెలరేగాయి.

దట్టమైన పొగతో మంటలు వ్యాపించి భవనంలోని ఇతర అంతస్తులకు వ్యాపించాయి. అప్రమత్తమైన ఎస్టేట్ మెయింటెనెన్స్ ఉద్యోగులు హుటాహుటిన భవనంలోని అన్ని ఫ్లోర్లలో కొనసాగుతున్న కార్యాలయాలు, వ్యాపార సంస్థల్లో పనిచేస్తున్న ఉద్యోగులను కిందికి తరలించి గ్రౌండ్ ఫ్లోర్ కొనసాగుతున్న దుకాణాలను మూయించి వేశారు. పోలీసులు, అగ్ని మాపక శాఖకు సమాచారం అందించడంతో అగ్నిమాపక శాఖ అధికారులు, సిబ్బంది సంఘటనాస్థలానికి చేరుకొని శ్రమించి మంటలను అదుపులోకి తీసుకువచ్చారు. రెండు స్కైైఫ్లె అత్యాధునిక అగ్నిమాపక వాహనాలతోపాటు 12అగ్ని మాపక వాహనాలతో జలమండలి ద్వారా వాటర్ ట్యాంకర్ రప్పించి అదుపులోకి తీసుకువచ్చారు. భవనంలోని 4, 5, 6వ అంతస్తులో మంటలు అంటుకుని అందులోని సామగ్రి కాలిబూడిదైంది. ఇదిలా ఉండగా జీహెచ్ డిజాస్టర్ రెస్పాన్స్ టీం సిబ్బంది మంటలను అదుపు చేసే క్రమంలో 5వ అంతస్తులోకి ప్రవేశించిన ఖాజామోహియుద్దీన్ స్పృహ కోల్పోయాడు. వెంటనే అతన్ని చికిత్స కోసం దవాఖానకు తరలించారు.

స్పందించిన అధికారులు.. తప్పిన పెనుప్రమాదం
ప్రమాదం విషయంలో అధికారులు సకాలంలో స్పందిం చి మంటలను అదుపులోకి తీసుకొచ్చేందుకు పాటుపడ్డా రు. ఎస్టేట్ ఉద్యోగులు భవనంలోని పలు అంతస్తుల్లో పని చేసే వారిని కిందకు తరలించడంతో ప్రాణ నష్టం జరుగకుండా చర్యలు తీసుకున్నారు. ఈ ఎస్టేట్ నిర్మాణం 1992లో ప్రారంభంకాగా, 1997లో పూర్తయింది. బహుళ అంతస్తుల భవనంలో పలు కార్పొరేట్ సంస్థల కార్యాలయాలు, వ్యాపార సంస్థలు కొనసాగుతున్నాయి. ఐదవ అంతస్తులో ఏసీ నుంచి పొగలు వస్తున్నాయన్న నేపథ్యంలో అక్కడికి చేరుకునే లోపే మంటలు తీవ్రస్థాయిలో వ్యాపించి ఇతర ఫ్లోర్లకు చేరుకున్నాయని ప్రత్యక్ష సాక్షి ఆంజనేయులు తెలిపారు.

బయటకు పరుగులు తీసిన ఉద్యోగులు
భారీ అగ్ని ప్రమాదం విషయం తెలిసిన వెంటనే పలు అంతస్తుల్లో పనిచేసే ఉద్యోగులు భయాందోళనతో బయటకు పరుగులు తీశారు. విషయం తెలుసుకున్న పలు ప్రాంతాల వారు అక్కడికి చేరుకున్నారు. అగ్నిమాపక దళాలు మంటలను ఆర్పుతుండడంతో ట్రాఫిక్ పోలీసులు ఇరు ప్రాంతాల నుంచి వచ్చే ట్రాఫిక్ దారి మళ్లించారు.
సంఘటనా స్థలాన్ని పరిశీలించిన అధికారులు
ప్రమాదం సమాచారాన్ని అందుకున్న అదనపు పోలీస్ కమిషనర్(లాఅండ్ డీఎస్ చౌహాన్, సెంట్రల్ జోన్ డీసీపీ పి.విశ్వప్రసాద్, జీహెచ్ జోనల్ కమిషనర్ ముషారఫ్ అగ్ని మాపకశాఖ డీజీ గోపికృష్ణ, అదనపు డీజీ లక్ష్మీప్రసాద్, రీజినల్ ఫైర్ ఆఫీసర్ పాపయ్య, హైదరాబాద్, రంగారెడ్డి జిల్లాల ఫైర్ ఆఫీసర్లు శ్రీనివాస్ శ్రీధర్ అబిడ్స్ ఏసీపీ భిక్షంరెడ్డి, సైఫాబాద్ ఏసీపీ వేణుగోపాల్ మాజీ ఎంపీ మందడి అంజన్ యాదవ్, గన్ కార్పొరేటర్ మమతా సంతోష్ జీహెచ్ డిసాస్టర్ రెస్పాన్స్ ఫోర్స్ డైరెక్టర్ విశ్వజిత్, సర్కిల్-14 డీసీ రీచాగుప్తా, టౌన్ ప్లానింగ్ ఏసీపీ కెఎన్ మెహ్రా సంఘటనాస్థలాన్ని సందర్శించి పరిస్థితిని సమీక్షించారు.

Thu,January 24, 2019 12:52 AM

సిటీబ్యూరో, నమస్తే తెలంగాణ : నగరాన్ని ట్రాఫిక్ ఫ్రీ సిటీగా చేసేందుకు ఆర్టీసీ తనవంతు ప్రయత్నాన్ని చేపట్టింది. జిల్లాల నుంచి వచ్చే బస్సులను ఇన్నర్ రింగ్ అవతలి నుంచే తిప్పి పంపేందుకు కసరత్తు మొదలుపెట్టింది. ఈ మేరకు ఇన్నర్ రింగ్ ఆనుకుని బస్ నిర్మించి అక్కడి నుంచే ఆపరేటింగ్ చేయాలని ఆర్టీసీ భావిస్తున్నది. దీనికోసం టీఎస్ నగరంలో స్థలాలను అన్వేషిస్తున్నది. అయితే అంతర్రాష్ట్ర సర్వీసులకు మాత్రం ఎంజీబీఎస్, జేబీఎస్ స్టేషన్ల వరకు అనుమతించి జిల్లా కేంద్రాలు, రాష్ట్రంలోని ప్రధాన ప్రాంతాల నుంచి రాకపోకలు సాగించే బస్సులను శివార్లకే పరిమితం చేసేందుకు ప్రణాళికలు రూపొందిస్తున్నారు. వరంగల్ రహదారి మార్గంలో ఉప్పల్ ఎక్స్ విజయవాడ, నల్గొండ మార్గంలో ఎల్బీనగర్ వద్ద, బెంగళూరు మార్గంలో ఆరాంఘర్ చౌరస్తా, ముంబై మార్గంలో మియాపూర్, కరీంనగర్ మార్గంలో జేబీఎస్ బస్టాండ్ వద్ద కొత్త టెర్మినల్స్ నిర్మించనున్నారు. అయితే ఈ టెర్మినల్స్ వద్దనే జిల్లాల నుంచి వచ్చే బస్సులు ప్రయాణికులను దింపివేస్తాయి. అక్కడి నుంచే జిల్లాలకు తీసుకెళ్తారు. అయితే బస్సు దిగిన తర్వాత తమ గమ్యస్థానాలకు చేరేవరకు సిటీ బస్సులు అందుబాటులో ఉంటాయి.

సూపర్ రాజధాని ఏసీ, గరుడ, గరుడ ప్లస్ బస్సుల్లో ప్రయాణించిన బస్సు టిక్కెట్ సిటీ బస్సులో కూడా చెల్లుతుంది. అయితే నిర్ణీత సమయంలోగా ప్రయాణించాల్సి ఉంటుంది. ప్రస్తుతం సూపర్ బస్సుల్లో ప్రయాణిస్తే అదే బస్సు టికెట్ సిటీ బస్సుల్లో గంట సమయం వరకు చెల్లే అవకాశం ఉన్నది. ఇదే విధానాన్ని అమలు చేస్తారా?సమయాన్ని ఏమైనా మార్పులు చేస్తారా? అనే అంశంపై స్పష్టత రావాల్సి ఉన్నది. ఇప్పటికే ట్రావెల్స్ బస్సుల ఆపరేటింగ్ ఔటర్ రింగ్ అవతలకు మార్చాలనే ప్రణాళిక రాష్ట్ర ప్రభుత్వం వద్ద ఉన్నది. అదే విధానంలో టీఎస్ ఆర్టీసీ, తదితర ఆర్టీసీ బస్సులను ఇన్నర్ రింగ్ అవతలి నుంచి ఆపరేట్ చేయాలని భావిస్తున్నారు. హైదరాబాద్ మెట్రోరైలు కూడా ఉండటంతో దీని ద్వారా నగరం నుంచి ఎక్కడికైనా వెళ్లడానికి అవకాశముంటుంది. నగర ట్రాఫిక్ భారం పడకుండా చూడాలని భావిస్తున్నారు. దీనికోసం స్థలాలను టీఎస్ అన్వేశిస్తున్నది. జేబీఎస్ స్థలం అందుబాటులో ఉన్నప్పటికీ ఉప్పల్ క్రాస్ సర్వేఆఫ్ ఇండియా ల్యాండ్ కోరినట్లు తెలిపారు. ఈ టెర్మినల్స్ అత్యంత సౌకర్యాలతో లేటెస్ట్ మోడల్ ఏర్పాటు చేయనున్నట్లు తెలిపారు. ప్రతిపాదనలు ప్రభుత్వానికి పంపిస్తే డీపీఆర్ సిద్ధం చేసి నిర్మాణాలు చేపట్టాలని అనుకుంటున్నట్లు టీఎస్ ఆర్టీసీ సీనియర్ అధికారి తెలిపారు.

Thu,January 24, 2019 12:51 AM

ఉస్మానియా యూనివర్సిటీ : విద్యాబుద్ధులు చెప్పి ప్రయోజకులుగా మార్చాల్సిన పవిత్రమైన వృత్తిలో ఉన్న అసిస్టెంట్ ప్రొఫెసర్... విద్యార్థినిని మోసం చేసిన ఘటన వెలుగులోకి వచ్చిం ది. తనను పెండ్లి చేసుకుంటానని చెబుతూ, సహజీవనం చేసి మోసం చేసాడంటూ అసిస్టెంట్ ప్రొఫెసర్ బాధిత విద్యార్థిని పోలీసులకు ఫిర్యాదు చేసింది. ఈ ఘటన ఇంగ్లీష్ అండ్ ఫారెన్ లాంగ్వేజెస్ యూనివర్సిటీ (ఇఫ్లూ)లో చోటు చేసుకుంది. ఓయూ ఇన్ రాజశేఖర్ కథనం ప్రకారం ... ఇఫ్లూలో బాధిత విద్యార్థిని ఎంఏ (ఇంగ్లీష్) రెండో సంవత్సరం చదువుతున్నది. ఆమెకు ఇఫ్లూలోనే అసిస్టెంట్ ప్రొఫెసర్ పనిచేస్తున్న రంజిత్ తంగప్పన్ (40) పరిచయమయ్యాడు. అతను సీతాఫల్ నివసిస్తున్నాడు. భార్యతో తనకు మనస్పర్థలు వచ్చాయని, త్వరలోనే విడాకులు తీసుకోబోతున్నానంటూ బాధితురాలికి దగ్గరయ్యాడు. తాను తీవ్ర మానసిక ఒత్తిడికి లోనవుతున్నానని, తనకు తోడు అవసరమని చెబుతూ బాధిత విద్యార్థినిని పెండ్లి చేసుకుంటానని చెబుతూ, హాస్టల్ ఉంటున్న విద్యార్థినిని అక్కడి నుంచి ఖాళీ చేయించి, తన ఇంటిలో కలిసి నివసించసాగారు. ఇలా సాగుతున్న క్రమంలో అకస్మాత్తుగా ఈ నెల 12న బాధితురాలిపై చేయిచేసుకుని, పెండ్లి చేసుకోవడం కుదరదని, హాస్టల్ వెళ్లిపోవాలని ఇంటి నుంచి వెళ్లగొట్టాడు. ఆమె నుంచి ఫోన్లు కూడా రాకుండా ఆమె నంబర్ బ్లాక్ ఉంచా డు. ఈ నెల 19 నుంచి యూనివర్సిటీలో వారం పాటు సెలవు పెట్టి వెళ్లిపోయాడు. ఎంత ప్రయత్నించినా ఫోన్ కలవకపోవడంతో బాధితురాలు పోలీసులకు బుధవారం ఫిర్యాదు చేసింది. బాధితురాలిని వైద్యపరీక్షల నిమిత్తం దవాఖానకు పంపిస్తున్నట్లు ఇన్ తెలిపా రు. ఈ మేరకు పోలీసులు కేసు దర్యాప్తు చేస్తున్నారు.

Wed,January 23, 2019 12:53 AM

-ఇకపై ఇలా చేయొద్దని చెప్పండి
-ప్రమాదాలు జరగకుండా సహకరించండి
-కంపెనీ యాజమాన్యాలకు సైబరాబాద్ పోలీసుల లేఖలు
ట్రాఫిక్ ఉల్లంఘనలపై ట్రాఫిక్ పోలీసులు కఠినంగా వ్యవహరిస్తున్నారు. ఇప్పటి వరకూ చలాన్ విధించి వదిలేయడంతో పదేపదే చేసిన తప్పునే మళ్లీ చేస్తూ పట్టుబడుతున్నారు. వీరి నిర్లక్ష్యంపై నేరుగా పనిచేస్తున్న సంస్థకే ట్రాఫిక్ పోలీసుల నుంచి లేఖలు అందనున్నాయి. ఎంత మొత్తంలో మద్యం సేవించారు.. ఏ విధంగా వాహనం నడుపుతున్నారు.. ట్రాఫిక్ నిబంధనలను ఎలా ఉల్లంఘిస్తున్నారనే విషయాలను లేఖలో వివరిస్తూ.. క్రమశిక్షణ లేని ఉద్యోగిపై చర్యలు తీసుకోవాలని అవసరమైతే ఉద్యోగం నుంచి తొలగించాలని లేఖ ద్వారా కోరుతున్నారు. ఇప్పటివరకూ చేసిన తప్పులను చలాన్ కప్పిపుచ్చుకున్న ఉద్యోగుల బండారం ఈ లేఖాస్ర్తాల ద్వారా బట్టబయలు కావడమే కాకుండా జీవితాలు రోడ్డున పడే ప్రమాదం ఉందని ట్రాఫిక్ పోలీసులు హెచ్చరిస్తున్నారు. ట్రాఫిక్ నిబంధనలు పాటిస్తూ వాహనాలు నడుపాలని ‘సైబరాబాద్ ట్రాఫిక్ పోలీసులు’ కోరుతున్నారు.
సిటీబ్యూరో, నమస్తే తెలంగాణ: ట్రాఫిక్ ఉల్లంఘనలలో అత్యంత ప్రమాదకరమైనదిగా డ్రంకన్ డ్రైవింగ్ సైబరాబాద్ ట్రాఫిక్ పోలీసులు పరిగణిస్తున్నారు. ఈ నేపథ్యంలోనే డ్రంకన్ డ్రైవ్ పట్టుబడే వారి వివరాలను వారు పనిచేస్తున్న సంస్థలు, డిపార్ట్ ఇతర విభాగాల ఉన్నతాధికారులకు తెలియజేస్తున్నారు. దీని కోసం ఓ ప్రత్యేక లేఖ రాసి డ్రంకన్ డ్రైవ్ పట్టుబడిన వ్యక్తికి ఎలాంటి శిక్ష పడింది, అతను నిబంధనలకు విరుద్ధంగా ఎంత ఎక్కువగా మద్యం సేవించాడు. ఎంత ప్రమాదకరమైన స్థితిలో రోడ్డుపై వాహనాన్ని నడిపిస్తున్నాడనే విషయాలను ట్రాఫిక్ పోలీసులు రాస్తున్న లేఖలో పేర్కొంటున్నారు. ఈ లేఖలను అందుకున్న యాజమాన్యాలు, అధికారులు తమ ఉద్యోగుల్లో మార్పు తెచ్చేందుకు చర్యలు తీసుకోవాలని కోరుతున్నారు. ఈ ఉల్లంఘనలు తరచూ జరిగితే అతన్ని ఉద్యోగం నుంచి తొలగించే విధంగా చర్యలు తీసుకోవాలని విజ్ఞప్తి చేస్తున్నారు. బాధ్యతగా ఉండాల్సిన ఉద్యోగి నిబంధనలను పాటించకపోతే పనిచేసే చోట క్రమశిక్షణతో ఎలా ఉండగలడని కంపెనీలు, ఇతర విభాగాల ఉన్నతాధికారులు ఆలోచించుకోవాలని లేఖ ద్వారా సైబరాబాద్ ట్రాఫిక్ పోలీసులు సూచిస్తున్నారు. ఈ లేఖలను స్వయంగా సైబరాబాద్ ట్రాఫిక్ డీసీపీ ఎస్ పర్యవేక్షణలో రాస్తుండడంతో ఆ లేఖలు తప్పనిసరిగా సంబంధిత శాఖలు, కంపెనీలకు చేరుతున్నాయి. ఇటీవల మాదాపూర్ ట్రాఫిక్ పోలీసు స్టేషన్ పరిధిలోని పర్వతానగర్ జరిగిన డ్రంకన్ ఓ సాఫ్ట్ కంపెనీకి చెందిన ఉద్యోగి పట్టుబడ్డాడు. అతనికి కౌన్సెలింగ్ ఇచ్చి కోర్టులో హాజరుపర్చగా 4 రోజుల జైలు శిక్ష పడింది. సైబరాబాద్ ట్రాఫిక్ పోలీసులు రాసిన లేఖ గత వారం రోజులుగా సోషల్ మీడియాలో వైరల్ మారింది. అతని ఉల్లంఘన గురించి పనిచేసే సంస్థకు తెలియాలని సైబరాబాద్ ట్రాఫిక్ పోలీసులు రాసిన లేఖ సారాంశం ఇలా ఉంది...

ట్రాఫిక్ ఉల్లంఘన చట్ట వ్యతిరేక చర్యే...

చాలా మంది ట్రాఫిక్ ఉల్లంఘనలు చేసి జైలుకు వెళ్లొచ్చినా.. అది చిన్న విషయంగానే పరిగణిస్తున్నారు. కాని నేరం రుజువై జైలు శిక్ష పడిందని ఎవరూ గుర్తించడం లేదు. చట్ట వ్యతిరేక పనులు చేసినప్పుడు శిక్ష అనుభవించాల్సిందే. కాబట్టి ట్రాఫిక్ ఉల్లంఘనలు కూడా చట్టవ్యతిరేకమే. వాటికి పాల్పడినప్పుడు శిక్షలు అనుభవించాల్సిందే అంటున్నారు సైబరాబాద్ ట్రాఫిక్ పోలీసులు. చాలా మంది ఉల్లంఘనకు పాల్పడి జైలు శిక్ష అనుభవించినా ఆ వివరాలను గోప్యంగా పెడుతూ తమ నేరాలను దాస్తున్నారని ట్రాఫిక్ పోలీసులు గుర్తించారు. ఈ నేపథ్యంలో ట్రాఫిక్ ఉల్లంఘనలు చేస్తూ చట్టవ్యతిరేక పనులకు పాల్పడుతున్న వారి వివరాలు ప్రతి ఒక్కరికీ తెలియాలనే లక్ష్యంగా అధికారులు లేఖలను అస్త్రాలుగా సంధిస్తున్నారు. దీంతో ట్రాఫిక్ ఉల్లంఘనులపై ఆయా సంస్థల అధికారులు కొంత సీరియస్ స్పందించాలని ట్రాఫిక్ పోలీసులు ఆశిస్తున్నారు. మరో వైపు మనమే విదేశాల్లో ట్రాఫిక్ రూల్స్ ఎంత కఠినంగా ఉంటాయో మాట్లాడుకుంటాం. అమెరికాలో ఇండికేటర్ సరిగా లేకపోయినా, సీటు బెల్టు లేకపోయినా భారీ చలాన్ విధిస్తారని చెప్పుకుంటాం. అక్కడి పోలీసులు ట్రాఫిక్ ఉల్లంఘనలపై చాలా కఠినంగా ఉంటారని పోగడుతాం. కాని అలా మాట్లాడే వారు మన దగ్గర ట్రాఫిక్ ఉల్లంఘనను చాలా చిన్నదిగా చూస్తారు. చలాన్ కట్టేస్తే సరిపోతుందని భావిస్తారు. కాని చట్టపరంగా ట్రాఫిక్ ఉల్లంఘన కూడా చట్టవ్యతిరేక చర్యేనని ట్రాఫిక్ పోలీసులు స్పష్టం చేస్తున్నారు.

మాకు థ్యాంక్స్ చెప్పుతున్నారు

మా లేఖలకు చాలా మంది కార్పోరేట్ సంస్థలు, స్కూల్ యాజమాన్యాలు, పలు శాఖల ఉన్నతాధికారులు ధన్యవాదాలు చెప్పుతున్నారు. కచ్చితంగా ట్రాఫిక్ రూల్స్ పాటించేలా చర్యలు తీసుకుంటామని హామీ ఇస్తున్నారు. విదేశాల్లో ఉండే శిక్షల గురించి శభాష్ అంటాం. కాని మన దగ్గర ట్రాఫిక్ రూల్స్ పాటించడానికి చాలా మంది చట్టవ్యతిరేకంగా వాహనాలను నడుపుతారు. డ్రంకన్ డ్రైవ్ పట్టుబడే వారి వివరాలు వారికి పడ్డ జైలు శిక్ష వివరాలను వారి సంస్థలకు పంపిస్తాం. అందరూ ట్రాఫిక్ రూల్స్ పాటిస్తే రోడ్డు ప్రమాదాల్లో మరణాలు ఉండవని ఆలోచించాలి. ట్రాఫిక్ రూల్స్ పాటించడం ప్రతి ఒక్కరి బాధ్యత. ట్రాఫిక్ ఉల్లంఘనలకు పాల్పడితే జైలు శిక్ష తప్పదని ఇటీవల న్యాయస్థానాలు వెల్లడిస్తున్న తీర్పులే నిదర్శనం.

టూ. హెచ్ మేనేజర్ గారికి..


-విషయం :- మీ ఉద్యోగి ట్రాఫిక్ ఉల్లంఘనలపై సమాచారం.
మీకు తెలియచేయనున్నది ఏమనగా మీ సంస్థలో పనిచేసే పరమేశ్ ఐడీ నంబరు.---తో కలిగి మద్యం సేవించి నవంబరు 23వ తేదీన మాదాపూర్ ట్రాఫిక్ పోలీసులు పర్వతానగర్ నిర్వహించిన డ్రంకన్ పట్టుబడ్డాడు. అతన్ని నవంబర్ 28వ తేదీన సైబరాబాద్ ట్రాఫిక్ ట్రైనింగ్ ఇనిస్టిట్యూట్ పంపి కౌన్సెలింగ్ ఇప్పించాం. అదే రోజు కోర్టులో హాజరుపర్చగా అతనికి 28వ తేదీ నుంచి డిసెంబరు 1 వరకు జైలు శిక్షను విధించింది.
మీ అవగాహన కోసం వాహనాలను నడిపే వాహనదారుడిలో చట్టబద్ధంగా మద్యం పరిమితి 100 మిల్లీలీటర్ల రక్తంలో 30గ్రాముల అల్కాహాల్ మాత్రమే ఉండాలి. అదేవిధంగా మద్యం మత్తులో జరిపే డ్రైవింగ్ వల్లనే చాలా రోడ్డు ప్రమాదాలు చోటు చేసుకుంటున్నాయి. మద్యం సేవించిన వాహనదారుడినే కాదు ఎదుటి వాహనదారులను ప్రమాదంలో పడేస్తుంది. ఉన్నత విద్యాభ్యాసం అభ్యసించి బాధ్యత గల పౌరులుగా మనం ట్రాఫిక్ రూల్స్ పాటించాల్సి ఉంది. ఈ విధంగా అందరూ బాధ్యతగా ట్రాఫిక్ రూల్స్ పాటిస్తే రోడ్లపై వాహనాల డ్రైవింగ్ క్రమశిక్షణ పెరిగి రోడ్లపై వాహనదారులకు భద్రత పెరుగుతుంది.
ఈ నేపథ్యంలోనే మీ ఉద్యోగులందరూ ట్రాఫిక్ నిబంధనలు పాటించేలా, ట్రాఫిక్ పోలీసులకు సహకరించి సురక్షిత ప్రయాణానికి తోడ్పడాలి.

Wed,January 23, 2019 12:48 AM

-రాణిస్తే ఉజ్వల భవిష్యత్తు
-ఆసక్తికితోడు నైపుణ్యాలే మూలం
-ఫైన్ ఆర్ట్స్ పట్ల తల్లిదండ్రుల దృక్పథం మారాలి
-‘కళ’ పేరుతో ‘షార్ట్ ఫిల్మ్’ రూపొందించిన మహీ
సిటీబ్యూరో, నమస్తే తెలంగాణ : ఆర్ట్(కళ) అనేది గాడ్ గిఫ్ట్. ఫైన్ మీద ఉన్న ఆసక్తికి కాస్తంత నైపుణ్యతను జోడిస్తే.. అద్భుతాలు సృష్టించవచ్చన్నది అక్షరాల వాస్తవం. ఫైన్ ఆర్టిస్ట్ చేసే ఒక్కో కళాఖండం ఓ అద్భుతం.. ఎంఎఫ్ హుస్సేన్ లాంటి వారు గీసే ఒక్కో కళాఖండం.. రూ.కోట్లలో పలుకుతుందనేది అందరికీ తెలిసిందే. చిత్రలేఖనం అంటే చాలామందికి బొమ్మలు గీయడం అని మాత్రమే తెలుసు. దాని విలువ, ప్రతిభ, ప్రాముఖ్యత చాలామందికి తెలియదు. చిత్రలేఖనానికి సంబంధించి ప్రత్యేకంగా కోర్సు ఉంది.. దానికంటూ ప్రత్యేకంగా ఓ యూనివర్సిటీ ఉందనే విషయం అరుదుగా తెలుసు. ఓ వైపు ఫైన్ ఆర్ట్స్ చదువుకుంటూనే యాడ్ ఏజెన్సీ, ప్రెస్ ఫొటోగ్రఫీ, మీడియా సంస్థలు, ఎగ్జిబిషన్ షో వంటి వాటి ద్వారా సంపాదిస్తారు. ప్రభుత్వ ఉద్యోగంకోసం ఎదురు చూడకుండా ఆర్ట్స్ ద్వారా జీవనం సాగించవచ్చు.

కనుమరుగైపోతున్న క్రమంలో..
ఫైన్ కనుమరుగైపోతున్న పరిస్థితుల నేపథ్యంలో ఫైన్ ఆర్ట్స్ బతికించేందుకు ఓ వ్యక్తి చేస్త్తున్న కృషి అభినందనీయం. మసాబ్ ట్యాంక్ జవహర్ నెహ్రూ ఫైన్ ఆర్ట్స్ యూనివర్సిటీలో అసిస్టెంట్ రిజిస్ట్రార్ విధులు నిర్వహిస్త్తున్న మహీ కోమటిరెడ్డి.. ఫైన్ ఆర్ట్స్ బతికించేందుకు ‘కళ’ పేరుతో షార్ట్ ఫిల్మ్ రూపొందించారు. ఫైన్ అంటే సమాజంలో ఉన్న చిన్నచూపును దూరం చేయాలని.. దానిలోనూ ఓ ఉజ్వల భవిష్యత్తు ఉందనే వాస్తవాన్ని సమాజానికి పరిచయం చేసేందుకు నిరంతరం ప్రయత్నిస్తూనే ఉన్నారు. మహీ.. కేవలం వచ్చామా.. తన పని చేశామా అన్న ధోరణిలో కాకుండా అద్భుతం దాగి ఉన్న కళలను వెలుగులోకి తేవాలని ఆరాటపడుతున్నారు. ఫైన్ ఆర్ట్స్ అనేది ఒక విద్యే. దానికి మంచి భవిష్యత్తు ఉంటుంది. విద్య అంటే కేవలం పుస్తకాలకే పరిమితం కాదు.. ఆయా కళలపై ఉన్న ఆసక్తిని ప్రోత్సహిస్తూ.. అందులో నైపుణ్యాన్ని తీర్చిదిద్దేందుకు జేఎన్ ఉపయోగపడాలనే ఉద్దేశంతో ఈ షార్ట్ ఫిల్మ్ రూపొందించినట్టు ఆయన చెబుతున్నారు.

దూరదర్శన్ ప్రోగ్రామ్స్..
మహీ కోమటిరెడ్డి.. సందేశాత్మక షార్ట్ ఫిల్మ్స్ పాటు దూరదర్శన్ పలు ప్రోగ్రామ్స్ చేశారు. అంధ దంపతుల మీద దూరదర్శన్ ‘గాజు కళ్లు’ పేరుతో తీసిన ఎపిసోడ్ నంది అవార్డు సైతం వచ్చింది. ఈ ఎపిసోడ్ అంధ దంపతులు కష్టపడి కొడుకును పెంచిపెద్ద చేస్తే.. అతను తల్లిదండ్రుల జీవితచరమాంకంలో ఎలా చూసుకున్నారన్న అంశాన్ని స్పష్టంగా చూపించారు. దీంతో పాటు ‘జీవన రాగాలు’ అనే సీరియల్ 26 ఎపిసోడ్స్ చేశారు. సినిమాలోకం, హిందీలో అనాథ పిల్లల మీద ‘మా’(అమ్మ) సీరియల్ సైతం చేశారు. గతంలోనూ కొన్ని చిత్రాలకు పనిచేసిన అనుభవం ఉండడంతో సొంతంగా ఫైన్ ప్రాధాన్యతను తెలిపే షార్ట్ రూపొందించారు.

Wed,January 23, 2019 12:46 AM

నగరంలో ఎక్కడా వ్యర్థాలు లేకుండా చూడడమే లక్ష్యంగా జీహెచ్ సరికొత్త వ్యవస్థను ఏర్పాటుచేస్తుంది. ‘స్వచ్ఛ సేన’ పేరుతో పారిశుధ్య జవాన్ నేతృత్వంలో ఐదుగురు సభ్యులుగల బృందాలను వార్డుకొకటి చొప్పున రంగంలోకి దింపాలని నిశ్చయించింది. ఈ బృందాలపై సర్కిల్ ఒకరు చొప్పున పర్యవేక్షకుడిని నియమించాలని, అలాగే, ఈ బృందాలన్నీ పారిశుధ్య విభాగం అదనపు కమిషనర్ ఆధీనంలో పనిచేసేలా చేయాలని నిర్ణయించారు. సాధ్యమైనంత తొందరలోనే ఈ బృందాలను ఏర్పాటుచేయాలని నిర్ణయించిన అధికారులు ఫిబ్రవరి చివరివరకూ నిబంధనలను ఉల్లంఘించేవారికి ఉచిత చలాన్ విధించి మార్చి నుంచి పకడ్బందీగా జరిమానాలు వసూలు చేయాలని సంకల్పించారు. మాటిమాటికీ నిబంధనల ఉల్లంఘన పునరావృతంచేస్తే జరిమానాలు పెంచుతూ చివరికి వారి దుకాణాలను, డెబ్రిస్ అయితే వాహనాన్ని సీజ్ నిర్ణయించారు.

మున్సిపల్ నిబంధనల ప్రకారం రోడ్లపై మూత్ర విసర్జన, చెత్త, డెబ్రిస్ వేయడం, నాలాల్లో వ్యర్థాలు వేయడం నేరం. ఇటువంటి నేరాలకు పాల్పడేవారికి జరిమనాలు విధించే వెసులుబాటు బల్దియా చట్టంలో ఉంది. అయితే నిబంధనల అమలు సక్రమంగా సాగడంలేదు. అనాథిగా వస్తున్న అలవాట్లను మార్చుకునేందుకు ప్రజలు ఆసక్తిచూపకపోవడం, ఒకేసారి జరిమానాలు విధించి ప్రజలను ఇబ్బందులకు గురిచేయడం సరికాదనే ఉద్దేశంతో జీహెచ్ నిబంధనల అమలుకు వెనకాడడం ఇందుకు ప్రధాన కారణాలుగా చెప్పవచ్చు. ఫలితంగా స్వచ్ఛత కోసం కోట్లాది రూపాయలు వెచ్చిస్తున్నా ఆశించినస్థాయిలో మార్పు రావడంలేదు. అయితే రానున్నరోజుల్లో ప్రభుత్వం నగరంపై ప్రత్యేక దృష్టిసారించి పరిశుభ్రమైన, పచ్చదనంతో కూడిన నగరంగా తీర్చిదిద్దాలని నిర్ణయించారు. దీనికోసం నిబంధనలను కఠినంగా అమలు చేసేందుకు ‘స్వచ్ఛ సేన’ను ఉపయోగించుకోనున్నారు.

డ్రెస్ అత్యాధునిక హంగులు...
గత ఏడాది ఏర్పాటుచేసిన డీఆర్ రెస్పాన్స్ ఫోర్స్) బృందాల తరహాలోనే వీరికి కూడా డ్రెస్ నిర్థారించారు. డీఆర్ బృందాలకు నీలంరంగు యూనిఫాం ఉండగా, అదేతరహాలో వీరికి ఆకుపచ్చ యూనిఫాం ఉంటుంది. నల్ల రంగు టోపీ, బూట్లు, బెల్టు ఉంటాయి. ఒక్కో బృందానికి ఒకటి చొప్పున బొలేరో, లేక స్కార్పియో వాహనాన్ని సమకూర్చాలని నిశ్చయించారు. ఈ వాహనాలకు కెమెరాలు ఉంటాయి. ఆ కెమెరా కమాండ్ కంట్రోల్ రూమ్ అనుసంధానమై ఉంటుంది. వీరికి జరిమానా విధిందే అధికారం ఉంటుంది. నేరాన్ని పునరావృతం చేసేవారికి జరిమానా పెరుగుతూ ఉంటుంది. చివరికి వారి దుకాణం, లేక వ్యర్థాలు వేసే వాహనం సీజ్

ఫిర్యాదులపై నిమిషాల్లో స్పందన
ఎవరైనా సెల్ ద్వారా ఫిర్యాదుచేస్తే వెంటనే అది సంబంధిత స్వచ్ఛసేన బృందానికి చేరే విధంగా చర్యలు తీసుకుంటున్నారు. వెంటనే వారు నిమిషాల వ్యవధిలో అక్కడికి చేరుకొని నేరం చేసేవారిని పట్టుకొని జరిమానా విధిస్తారు. ఈ బృందాలకు ఫిర్యాదుచేసేందుకు ఓ టోల్ నంబర్ కూడా ఏర్పాటుచేయనున్నారు. స్వచ్ఛ సేన బృందాలు షిఫ్టులవారీగా మూడు షిఫ్టుల్లో పనిచేస్తాయి. ఈనెలాఖరుకల్లా బృందాలు సిద్ధమవుతాయి. ముందుగా ఒక్కో సర్కిల్ రెండు-మూడు చొప్పున బృందాలను ప్రయోగాత్మకంగా ఏర్పాటుచేస్తారు. ఫిబ్రవరి చివరికల్లా అన్ని వార్డులకూ బృందాలు ఏర్పాటుచేసి మార్చి ఒకటినుంచి పకడ్బందీగా జరిమానాలు వసూలుచేస్తారు. స్వచ్ఛతలో టోక్వో, సింగపూర్ తదితర అంతర్జాతీయ నగరాల సరసన మన నగరానికి కూడా చోటు కల్పించేందుకు ఇటువంటి చర్యలు దోహదం చేస్తాయని అధికారులు భావిస్తున్నారు.

VIRAL NEWS

LATEST NEWS

Cinema News

Health Articles