సృజనాత్మకత పెంచుకోవాలి: జస్టిస్ రాధాకృష్ణన్

Mon,September 10, 2018 12:49 AM

కవాడిగూడ: యువత సృజనాత్మకతను పెంచుకోవాలని ఉమ్మడి రాష్ట్ర హైకోర్టు ప్రధాన న్యాయమూర్తి టీబీఎన్ రాధాకృష్ణన్ సూచించారు. ఆదివారం లోయర్ ట్యాంక్ బండ్‌లోని రామకృష్ణ మఠంలో వివేకానంద మానవ వికాసం కేంద్రం వార్షికోత్సవాలను ఘనంగా నిర్వహించారు. కార్యక్రమానికి ఏపీ, తెలంగాణ ఉమ్మడి హై కోర్టు చీఫ్ జస్టిస్ టీబీఎన్ రాధాకృష్ణన్, రామకృష్ణ మఠం అధ్యక్షులు స్వామి జ్ఞానదానంద తదితరులు హాజరయ్యారు. ఈ సందర్భంగా జస్టిస్ రాధాకృష్ణన్ జ్యోతి వెలిగించి ఉత్సవాలను ప్రారంభించారు. అనంతరం ఆయన మాట్లాడుతూ విలువలతో కూడిన జీవితమే విజయవంతమైన జీవితమన్నారు. యువత అపోహలు పడకుండా శ్రద్ధ, జ్ఞానం పెంచుకొని తమ ప్రతిభను పెంపొందించుకోవాల్సిన అవసరముందన్నారు. ఈ కార్యక్రమంలో స్వామి బీతిహరానంద, స్వామి తీర్ధానంద, తల్లిదండ్రులు, వివిధ కళాశాలల విద్యార్థులు పెద్ద సంఖ్యంలో పాల్గొన్నారు.

242

More News

Tue,January 22, 2019 01:25 AM

- పిల్లర్లకు పచ్చందాలు..రహదారి నిర్మాణం
- రూ. 23 కోట్లతో పనులు
- త్వరలో టెండర్ల ఆహ్వానం

సిటీబ్యూరో, నమస్తే తెలంగాణ : నిర్వహణలో భాగంగా ఎక్స్ వే మార్గం మొత్తంలో పాత స్థానంలో కొత్తగా బీటీ రోడ్డు, పెయింటింగ్ పనులు చేపట్టనున్నారు. ఈ మేరకు ప్రతిపాదనలు సిద్ధం చేసి ప్రభుత్వానికి అందజేశారు. త్వరలోనే ఈ పనులకు టెండర్లను ఆహ్వానించేందుకు అధికారులు సన్నాహాలు చేస్తున్నారు.
ఈ పనులతో పాటుగా ఎక్స్ వే పిల్లర్లకు కనువిందు చేసేలా పచ్చని అందాలను పరిచయం చేయాలని అధికారులు నిర్ణయించారు. ముఖ్య కూడళ్లు (జంక్షన్లు), యూ టర్న్ చేసే చోట్ల పిల్లర్లకు వర్టికల్ గార్డెన్లు తీర్చిదిద్దాలని నిర్ణయించి ఈ మేరకు అర్బన్ ఫారెస్ట్రీ విభాగం అధికారులు ప్రతిపాదనలు రూపొందిస్తున్నారు.

మరో ర్యాంపు..
పీపీ నర్సింహారావు ఎక్స్ వే మార్గంలో మరో ర్యాంపు ఏర్పాటుకు కసరత్తు చేస్తున్నారు.
లక్ష్మీనగర్, బుద్వేల్, అరాంఘర్ జంక్షన్ ట్రాఫిక్ రద్దీ లేకుండా ఉండేందుకు హైదర్ సమీపంలో ర్యాంపు ( ఎగువ ర్యాంపు/దిగువ ర్యాంపు) నిర్మాణం చేపట్టనున్నారు. శంషాబాద్ ఎయిర్ నుంచి టౌలీచౌకి, మెహిదీపట్నంకు చేరుకునే వాహనాలు మాసబ్ వరకు వచ్చి మళ్లీ యూ టర్న్ ద్వారా మెహిదీపట్నం జంక్షన్ రావాల్సి వస్తుండడం, ప్రధానంగా ఆత్తాపూర్ నుంచి మెహిదీపట్నం మార్గంలో ట్రాఫిక్ అత్యధికంగా ఉంటుందని గుర్తించి ఈ నిర్ణయం తీసుకున్నారు..
రూ. 36 కోట్ల అంచనా వ్యయంతో..
రూ. 36 కోట్ల అంచనా వ్యయంతో రూపొందించిన ఈ ప్రతిపాదనపై పరిపాలన అనుమతుల కోసం హెచ్ ప్రభుత్వానికి అందజేశారు. త్వరలోనే ఈ ప్రాజెక్టును కార్యరూపంలోకి తీసుకురానున్నారు.

Tue,January 22, 2019 01:19 AM

-పర్యావరణహిత ప్రయాణంలో మూడో స్థానం
- ప్రజా రవాణా వ్యవస్థను వినియోగించుకుంటున్న అత్యధికులు
-ఓలా’ దేశవ్యాప్త సర్వేలో వెల్లడి
సిటీబ్యూరో, నమస్తే తెలంగాణ : ఈ సర్వేలో ప్రధానంగా 50 ప్రమాణాల ఆధారంగా ప్రస్తుతం అందుబాటులో ఉన్న రవాణా సదుపాయాలు, సామర్థ్యత, క్షేమంగా గమ్యాన్ని చేరుకోవడం వంటి వాటిని అంచనా వేశారు. పర్యావరణ హిత ప్రజా రవాణాలో భాగంగా నిర్వహించిన సర్వేలో పలు ప్రమాణాలను ప్రాతిపదికగా తీసుకున్నారు. జనసాంద్రత, పబ్లిక్ రవాణా భాగస్వామ్యం, సౌకర్యాల కల్పన, గాలిలో నాణ్యత, పర్యావరణహిత వాహనాలు, రవాణా ఖర్చు, పార్కింగ్ ఫీజు, వాహన యజమానులు, తలసరి ట్రిప్ ధర, సగటు ప్రయాణ దూరం, ప్రజారవాణాను ఉపయోగించేందుకు కారణాలు వంటి విభాగాల్లో ఈ సర్వే సాగింది. ఈ సర్వేలో 33 శాతం మంది హైదరాబాద్ వాసులు క్యాబ్ షేర్ చేసుకుంటుండగా, 64 శాతం మంది నిత్య ప్రయాణం కోసం ప్రజా రవాణా సౌకర్యాలను వినియోగిస్తున్నారు. దీంతో పాటు హైదరాబాద్ నగరంలో ఆర్టీసీ బస్సు సేవలు అమోఘంగా ఉండడంతో 87 శాతం మంది నగరవాసులు ప్రజారవాణా సదుపాయాలను 15 నిమిషాల్లో కాలినడక ద్వారా చేరుకోగలుగుతున్నారు. 95 శాతం మంది కంటే ఎక్కువ పర్యావరణ హిత ప్రయాణానికే మొగ్గు చూపడం విశేషం. సర్వేలో పాల్గొన్న వారిలో 80 శాతం మంది నగరవాసులు పర్యావరణ హిత రవాణా పరిస్థితులు మెరుగయ్యాయని అభిప్రాయం వ్యక్తం చేశారు. 60 శాతం మంది వారి రోజువారీ ప్రయాణానికి ప్రజారవాణాను వినియోగిస్తున్నట్లు తెలుస్తున్నది. కాలినడకన ప్రజా రవాణా సదుపాయాలను అందుకునే నగరాల్లో హైదరాబాద్ మూడో స్థానంలో నిలిచింది. మొదటి స్థానంలో బెంగళూరు, రెండోలో చెన్నై, నాలుగోలో కొల్ ఉన్నాయి.

మొదటిస్థానంలో బెంగళూరు..
పర్యావరణహిత ప్రయాణాలు చేయడంలో బెంగళూరు మొదటిస్థానంలో నిలిచింది. ఇక్కడి ప్రజలు ఎక్కువగా సిటీ బస్సులు, మెట్రో రైల్, క్యాబ్స్, ఆటో రిక్షాల ద్వారా తమ గమ్యాలను చేరుకుంటున్నారు. నగరం మొత్తంలో 2400 రూట్లలో ఆరువేల బస్సుల్లో 4.3 మిలియన్ల ప్రయాణికులు రోజూ రాకపోకలు సాగిస్తున్నారు. రెండు మార్గాల్లోని 50 రైళ్లలో 0.3 మిలియన్ల జనాభా ప్రయాణాలు సాగిస్తున్నారు. ద్విచక్రవాహనాల్లో 41.86 లక్షల మంది, కార్లల్లో 11.8 లక్షల మంది ప్రయాణం చేస్తున్నారు. ఇక్కడ ఏటా ట్రాఫిక్ రద్దీ నియంత్రణకు రూ.38వేల కోట్లు ఖర్చు చేస్తున్నారు. బెంగళూరులో 2012 మార్చిలో 4.1 మిలియన్ల వాహనాలుంటే, 2015 మార్చిలో 5.5 మిలియన్లు, 2016 ఫిబ్రవరిలో ఆరు మిలియన్ల వాహనాలు రోడ్లపై ప్రయాణం సాగిస్తున్నాయి.

మొబిలిటీ ప్లానింగ్..
ప్రజారవాణా సదుపాయాలను ఎందుకు వినియోగిస్తున్నారని ప్రశ్నించగా, సౌకర్యంగా ఉంటుందని, ఒక శాతం మంది, సమయం మిగులుతుందని 15 శాతం, అందుబాటు ధర 21 శాతం, ఇతర కారణాలతో 24 శాతం, వేరే సదుపాయాలు లేక 39 శాతం మంది ప్రయాణిస్తున్నట్లు తేలింది. ప్రజా రవాణా సదుపాయాలను ఎందుకు వినియోగిస్తున్నారని అడగ్గా.. అందుబాటులో ధరలు ఉండాలని 34 శాతం, అన్ని ప్రాంతాలకు బస్సు ఉండాలని 26 శాతం, సౌకర్యవంతంగా ఉండాలని 20 శాతం, దూరం తగ్గుతుందని 9 శాతం, రక్షణ ఉంటుందని ఏడు శాతం, మార్గమధ్యలో గమ్యం ఉంటుందనే ఉద్దేశంతో రెండు శాతం మంది బదులిచ్చారు. ప్రజారవాణా సదుపాయాల్లో ప్రయాణించినందుకు స్మార్ట్ కార్డుల ద్వారా 55 శాతం మంది, డిజిటల్ లావాదేవీల ద్వారా 41 శాతం మంది చెల్లింపులు చేస్తున్నారు.

కార్లను అద్దెకు తీసుకుంటారా అన్న ప్రశ్నకు 28 శాతం మంది అవునని, 21 శాతం అప్పుడప్పుడని, 51 శాతం మంది అసలే తీసుకోమని తెలిపారు. 2030 నాటికి ఎలక్ట్రిక్ వాహనాల వినియోగం పెరుగుతుందా అంటే.. 53 శాతం అవునని, 22 శాతం అయ్యిండొచ్చని, 25 మంది కాదన్నారు. 72 శాతం మంది ప్రజారవాణా సదుపాయాలు గమ్యం చివరి వరకు ఉంటాయని, 28 శాతం మంది ఉండవని చెప్పారు. సైకిల్ ప్రయాణం కోసం 76 శాతం మంది ప్రత్యేక మార్గం కావాలని, 24 శాతం మంది అవసరం లేదన్నారు. ఎలక్ట్రిక్ వాహనాల వినియోగాన్ని పెంచేందుకు ప్రభుత్వం ఏం చేయాలని ప్రశ్నించగా,.. ప్రజారవాణాలో ఎక్కువగా ఎలక్ట్రిక్ వాహనాలు వినియోగించాలని 41 శాతం మంది, విద్యుత్ స్టేషన్లను నిర్మించాలని 26 శాతం, ఎలక్ట్రిక్ వాహనాల వినియోగంపై రీసెర్చ్ కావాలని 21 శాతం, సబ్సిడీ కల్పించాలని 12 శాతం మంది చెప్పారు. నడిచేందుకు ప్రత్యేక ఫుట్ కావాలని 80 శాతం మంది, అవసరం లేదని 20 శాతం మంది చెప్పారు.

43వేల మందితో సర్వే..
దేశవ్యాప్తంగా నిర్వహించిన ఈ సర్వేలో 43వేల మంది పాల్గొనగా, 19.35 లక్షల నిమిషాలకు పైగా తమ అభిప్రాయాలను పాలుపంచుకున్నారు. 21.50 లక్షల సమాచార అంశాలను 50 ప్రామాణికాల ఆధారంగా సేకరించారు. ఇందులో పురుషులు 68 శాతం కాగా, మహిళలు 31 శాతం, థర్డ్ జెండర్స్ 1 శాతం ఉన్నారు. 20 ఏండ్ల వయస్సు ఉన్న వారు 15 శాతం మంది కాగా, 20 నుంచి 40 ఏండ్ల వయస్సు వారు 63 శాతం, 40 నుంచి 60 ఏండ్ల వారు 16 శాతం, 60 ఏండ్లకు పైబడినవారు 6 శాతం ఉన్నారు. సర్వేలో పాల్గొన్న వారిలో కారులేని వారు 60 శాతం కాగా, 29 శాతం మందికి కారు ఉండగా, రెండు కార్లు ఉన్నది 8 శాతం, మూడు కార్ల కంటే ఎక్కువ ఉన్నవారు మూడు శాతం ఉన్నారు. ఉద్యోగం చేసే వారు 56 శాతం, నిరుద్యోగులు 10, గృహిణులు 11, విద్యార్థులు 23 శాతం ఉన్నారు. 15వేల కంటే తక్కువ సంపాదించే వారు 16 శాతం, 15వేల నుంచి 30వేలు సంపాదించేవారు 38 శాతం, 30నుంచి 50 వేలు సంపాదించేవారు 32 శాతం, 50 నుంచి లక్ష సంపాదించే వారు 12 శాతం, లక్ష కంటే ఎక్కువ సంపాదించేవారు రెండు శాతం మంది పాల్గొన్నారు. సర్వేలో పదిలోపు చదువుకున్న వారు మూడు శాతం, 12లోపు చదివిన వారు 18, డిగ్రీ చదివిన వారు 51 శాతం, పీజీ చేసిన వారు 22, పీహెచ్ ఆపై చదువులు చదివిన వారు ఆరు శాతం మంది ఉన్నారు.


Tue,January 22, 2019 01:01 AM

సిటీబ్యూరో, నమస్తే తెలంగాణ: జీహెచ్ ప్రధానమంత్రి ఎక్స్ అవార్డులు సాధించిపెట్టిన వివిధ వినూత్న విధానాలపై అధ్యయనం నిర్వహించేందుకు దేశంలోని వివిధ ప్రాంతాలకు చెందిన 20 మంది యువ ఐఏఎస్ ట్రైనీలు అధికారులు సోమవారం జీహెచ్ సందర్శించారు. ఈ సందర్భంగా అధికారులు వారికి ఆయా కార్యక్రమాలను పవర్ పాయింట్ ప్రజంటేషన్ ద్వారా వివరించారు.
ఆదాయం పెంపుపై- పన్నుల భారం మోపకుండా ఆదాయం పెంచుకున్న వైనాన్ని రెవెన్యూ విభాగం అదనపు కమిషనర్ అద్వైత్ వివరించారు. అండర్ అసెస్ అన్ అసెస్డ్ ఆస్తులను పన్ను వసూళ్ల పరిధిలోకి తేవడం, విద్యుత్ కనెక్షన్లు, వాణిజ్యశాఖ, ట్రేడ్ లైసెన్సులు తదితర వివరాల ఆధారంగా వాణిజ్య భవనాలను గుర్తించడం తదితర చర్యల ద్వారా అన్ని భవనాలను పన్ను పరిధిలోకి చేర్చి పన్నులు వసూలు చేసిన విధానాన్ని ఈ సందర్భంగా ఆయన తెలిపారు. అంతేకాకుండా ఎర్లీబర్డ్ స్కీమ్, ట్రేడ్ లైసెన్సులు, ప్రకటనల పన్ను, ఇంటి అనుమతుల పన్ను తదితర అంశాలను కూడా వారికి వివరించారు.

మున్సిపల్ బాండ్ల ద్వారా నిధుల సేకరణపై- వ్యూహాత్మక రోడ్ల అభివృద్ధి పథకం(ఎస్ ప్రభుత్వాలపై ఆధార పడకుండా తమ పరపతిని ఉపయోగించుకోవడం ద్వారా మున్సిపల్ బాండ్లను జారీచేసి సొంతంగా నిధులు సమకూర్చుకున్న విధానాన్ని అదనపు కమిషనర్ జయరాజ్ కెనడీ వివరించారు. అలాగే, వీధిలైట్లు, రోడ్లు, పార్కుల నిర్వహణ, నాలాల పూడికతీత తదితర పనులకోసం నిధులు వెచ్చిస్తున్నతీరును ఆయన సవివరంగా తెలియజేశారు. డబుల్ బెడ్ ఇళ్ల పథకంపై- దేశంలోనే ఆదర్శంగా మారిన పథకాన్ని చీఫ్ ఇంజినీర్ సురేశ్ కుమార్ తెలిపారు. వివిధ ప్రాంతాల్లో చేపట్టిన ఇళ్ల నిర్మాణాలు, ముఖ్యంగా మురివాడల్లో నివసించే ప్రజలను ఖాళీచేయించేందుకు తీసుకున్న చర్యలను ఆయన తెలిపారు. అలాగే, ఎక్కడివారికి అక్కడే ఇండ్లను నిర్మించే కార్యక్రమంలో భాగంగా తక్కువ స్థలంలో ఎక్కువమందికి ఇండ్లను నిర్మించేందుకుగాను ఎత్తయిన అపార్ట్ నిర్మిస్తున్నతీరును వివరించారు. ఘన వ్యర్థాల నిర్వహణ- అనంతరం ఘన వ్యర్థాల నిర్వహణలో భాగంగా వ్యర్థాల సేకరణ నుంచి డంపింగ్ నిర్వహిస్తున్నతీరు అన్ని అంశాలను వివరించారు. అలాగే, ఇప్పటికే పేరుకుపోయిన వ్యర్థాల క్యాపింగ్ పనులను కూడా వారికి తెలిపారు. దీంతోపాటు ఫుట్ ఆక్రమణల తొలగింపు, ఆక్రమణల కూల్చివేత, విపత్తుల నిర్వహణ బృందాల పనితీరు తదితర అంశాలను కూడా పవర్ పాయింట్ ప్రజంటేషన్ ద్వారా అధికారులు వివరించారు. జీహెచ్ అదనపు కమిషనర్లు, జోనల్ కమిషనర్లు కూడా ఈ కార్యక్రమంలో పాల్గొన్నారు.

Tue,January 22, 2019 01:01 AM

సిటీబ్యూరో, నమస్తే తెలంగాణ : హైదరాబాద్ రోజ్ సొసైటీ ఆధ్వర్యంలో 19న ప్రారంభమైన 37వ ఆలిండియా వార్షిక గులాబీల ప్రదర్శన సోమవారం ముగిసింది. ఈప్రదర్శనను ఖైరతాబాద్ విశ్వేశ్వరయ్య భవన్ మూడు రోజుల పాటు నిర్వహించిన విషయం తెలిసిందే. ఈ కార్యక్రమాన్ని దివంగత నవాబ్ షా అలంఖాన్ స్మృతి నేపథ్యంలో ఏర్పాటు చేశారు. ఆది, సోమవారాల్లో గులాబీల ప్రేమికులు ప్రదర్శనను వీక్షించేందుకు పెద్ద ఎత్తున విచ్చేశారు. అఖిల భారత గులాబీ పూల ప్రదర్శన వచ్చేసిన దేశీయ, విదేశీ ప్రతినిధులంతా నగరంలోని పలు పార్కులను, గార్డెన్లను పలు ప్రాంతాల్లో కలియతిరిగి చూశారు. ఇందిరా పార్కులోని గులాబీ వనాన్ని, సంజీవయ్య పార్కు, నగర శివారులోని గ్రీన్ వ్యాలీ పార్కు తదితర పార్కులను వారు సందర్శించారు. ఇందులో 500 మంది జాతీయ, అంతర్జాతీయ ప్రతినిధులు పాల్గొన్నారు. ప్రదర్శనలో ఫ్లవర్ కాంపిటేషన్ కూడా నిర్వహించారు. 300 పై చిలుకు గులాబీలను ప్రదర్శనలో పెట్టారు. ఈ కార్యక్రమంలో వరల్డ్ రోజ్ ఫెడరేషన్, ప్రెసిడెంట్, వరల్డ్ రోజ్ కన్వెన్షన్ కమిటీ చైర్ పర్సన్ ‘హెల్గా బ్రిచెట్’, వరల్డ్ ఫెడరేషన్ ఆఫ్ రోజ్ సొసైటీ, ప్రెసిడెంట్ ‘హెన్రీయన్’, హైదరాబాద్ రోజ్ సొసైటీ ప్రెసిడెంట్ నవాబ్ అహ్మద్ అలంఖాన్, సెక్రటరీ విజయ్ కాంత్, కోశాధికారి డాక్టర్ ఏవీ రావు, డాక్టర్ ఏ.ప్రసాద్ (కాన్పూర్), మెహితీ (కలకత్తా), డాక్టర్ ఏపీ సింగ్ (ఢిల్లీ) తదితరులు పాల్గొన్నారు.

అవార్డుల బహూకరణ
ప్రిన్సెస్ గులాబీగా థానే వైసవ రిస్టార్ట్ నుంచి వచ్చిన ‘గ్రీన్ ఐస్’; ప్రిన్స్ థానే జిల్లా వంగరి నుంచి ఆశిష్ డీ మోర్ (రోజ్ బ్రీడర్, కన్సల్టెంట్) తెచ్చిన ‘సమ్మర్ స్నో ఫ్లవర్’లు అవార్డులను కైవసం చేసుకున్నాయి. ఇంకా గులాబీలలో క్వీన్, కింగ్ నాగ్ నుంచి ఎం.ఆర్.తిజారే తెచ్చిన ‘లవ్ రోజ్’, ‘లేడీ బర్డ్’ గులాబీలు అవార్డును గెల్చుకున్నాయి. ఆయా గులాబీలను పోటీకి తెచ్చిన రోజీయన్లకు బహుమతులు, ప్రశంసా పత్రాలు, సర్టిఫికెట్లను ‘హైదరాబాద్ రోజ్ సొసైటీ’ వారు అందజేశారు.

Tue,January 22, 2019 01:00 AM

సిటీబ్యూరో, నమస్తే తెలంగాణ : ప్రభుత్వ స్థలాల్లో వెలిసిన ఆక్రమ నిర్మాణాలను కూల్చివేయాలని జిల్లా ఇన్ కలెక్టర్ జి. రవి రెవెన్యూ అధికారులను ఆదేశించారు. సోమవారం కలెక్టరేట్ నిర్వహించిన ప్రజావాణిలో ముషీరాబాద్ మండల పరిధిలోని గంగపుత్రకాలనీలో కమ్యూనిటీ హాల్ పక్కన గల ప్రభుత్వ స్థలంలో అక్రమ నిర్మాణాలు చేపడుతున్నారని, ఆక్రమణలను కూల్చివేసి, ప్రభుత్వ స్థలాన్ని కాపాడాలని కోరుతూ గంగాభవానీ యూత్ అసొసియేషన్ సభ్యులు కలెక్టర్ వినతిపత్రం అందజేయగా, ఇన్ కలెక్టర్ ఆదేశాలు జారీచేశారు. సికింద్రాబాద్ ఆర్డీవో ఈ స్థలాన్ని పరిశీలించి, ఆక్రమణలను తొలగించాలన్నారు. ప్రజావాణిలో స్వీకరించిన 74 పిటిషన్లు పెండింగ్ ఉన్నాయని, వాటిని తక్షణమే పరిష్కరించి ఆన్ ఆప్ చేయాలన్నారు. ఈ సందర్భంగా ఉద్యోగాలు, రుణాలు, ఇండ్లు, పింఛను తదితర అంశాలపై ఇన్ డీఆర్ వెంకటేశ్వర్లు, ఆర్ శ్రీనివాస్ రాజాగౌడ్ కలిసి పిటిషన్లను స్వీకరించారు. వాటిలో కొన్నింటి వివరాలిలా..
-తన భర్త గుండె నొప్పితో మరణించాడని, ఎలాంటి ఆధారం లేని తనకు వితంతు పింఛను మంజూరుచేయాలని కోరుతూ ఆసిఫ్ మండలం జియాగూడకు చెందిన పూజ పిటిషన్ సమర్పించింది. ఆసిఫ్ తహసీల్దార్ ఈ పిటిషన్ పరిశీలించి పరిష్కరించాలని సూచించారు.
- ప్రీ స్కూల్ టీచర్లుగా పనిచేస్తున్న తమకు 6 మాసాలుగా జీతాలు ఇవ్వడం లేదని, ఇంట్లో ఆర్థిక పరిస్థితులు బాగాలేక, రానుపోను దారి ఖర్చులకు సైతం ఇబ్బందులు పడుతున్నామని, కనుక పెండింగ్ జీతాలను ఇప్పించాలని కోరుతూ యూసుఫ్ శిశువిహార్ ఉద్యోగులు పిటిషన్ సమర్పించారు. జిల్లా సంక్షేమాధికారికి ఈ పిటిషన్ అందజేసి, జీతాలను చెల్లించాలని సూచించారు.
- 600 కుటుంబాలు ఉన్న తమ బస్తీలో ప్రభుత్వ స్థలం అందుబాటులో ఉందని, ఈ స్థలంలో కమ్యూనిటీ హాల్ నిర్మించాలని కోరుతూ అడ్డగుట్ట శాస్త్రీనగర్ చెందిన రుద్రవీణ మహిళా అసోసియేషన్ సభ్యులు వినతిపత్రం అందజేశారు. ఈ కార్యక్రమంలో సికింద్రాబాద్ ఆర్డీవో తగు చర్యలు తీసుకోవాలని ఇన్ కలెక్టర్ సూచించారు. సీపీవో రామభద్రం, జిల్లా సంక్షేమాధికారి ఝాన్సీలక్ష్మి, బీసీ సంక్షేమాధికారి విమలాదేవి, మైనార్టీ సంక్షేమాధికారి మహ్మద్ ఖాసీం, డీఎస్ రాథోడ్, డిప్యూటీ కలెక్టర్ రాధికారమణి, ఎంప్లాయీమెంట్ అధికారిని మైత్రిప్రియ తదితరులు పాల్గొన్నారు.

Tue,January 22, 2019 12:58 AM

సిటీబ్యూరో, నమస్తే తెలంగాణ : ఆడపిల్ల అమూల్యమైన వజ్రం.. సకల శక్తియుక్తులు గల ఆడపిల్లలు ఒక్క చదువే కాదు అన్నింటిలో తమ సత్తాను చాటుకుంటున్నారు. తామేందులో తీసిపోమని, అన్ని రంగాల్లో ముందంజలో ఉంటున్నారు. క్రీడ లు, ఆటలు, చదువు, కళా సాంస్కృతిక రంగాలన్నింటిలో తమదైన ప్రతిభను కనబరుస్తున్నారు. ఆత్మైస్థెర్యంతో ముందుడుగేస్తున్నారు. జాతీయ బాలికల దినోత్సవాన్ని పురస్కరించుకుని, మహిళా, శిశు సంక్షేమశాఖ ఆధ్వర్యంలో బేటి బచావో - బేటి పడావో వారోత్సవాన్ని నిర్వహిస్తున్నది. జనవరి 21వ తేదీ నుంచి 26 వరకు పలు రకాల కార్యక్రమాలను నిర్వహించనున్నట్లు జిల్లా సంక్షేమాధికారి ఝాన్సీలక్ష్మి, జిల్లా బాలల సంక్షేమాధికారి ఇంతియాజ్ రహీం తెలిపారు. సోమవారం వివరాలను మీడియాకు వెల్లడించారు. ‘ఎంపవరింగ్ గర్ల్స్ ఫర్ ఏ బెట్టర్ టుమారో’ నినాదంతో ఈ వారోత్సవాలను నిర్వహించనున్నామన్నారు. 25 వేల ఇండ్లకు స్టిక్కర్లను అంటించి పెద్ద ఎత్తున ప్రచారం నిర్వహించనున్నామని తెలిపారు. ఈ నెల 24న జిల్లా స్థాయిలో కార్యక్రమాన్ని నాంపల్లి ఇందిరా ప్రియదర్శిని ఆడిటోరియంలో నిర్వహించనున్నామని, ఈ కార్యక్రమానికి హోం మంత్రి మహమూద్ అలీ, ఐఏఎస్ విజయేంద్ర బోయి, యువ కో- ఆర్డినేటర్ డా. హిమబిందు, సహా పలువురు నిపుణులు హాజరై ఆడపిల్లలకు పలు అంశాలపై అవగాహన కల్పిస్తారని తెలిపారు.

Tue,January 22, 2019 12:58 AM

సిటీబ్యూరో, నమస్తే తెలంగాణ : స్వచ్ఛ సర్వేక్షణ్-2019 సర్వేలో భాగంగా స్వచ్ఛభారత్ మిషన్ చెందిన బృందం గత రెండురోజులుగా నగరంలో ఉన్నట్లు, ఓడీఎఫ్ ప్లస్ వారు అడిగే ప్రశ్నలకు సరియైన సమాధానాలు చెప్పి స్వచ్ఛ సర్వేక్షణ్ నగరానికి మెరుగైన ర్యాంకు సాధించేందుకు తోడ్పడాలని జీహెచ్ కమిషనర్ ఎం. దానకిశోర్ నగరవాసులకు విజ్ఞప్తిచేశారు. ఈ మేరకు అధికారులు సోమవారం ఓ ప్రకటన విడుదల చేశారు. అసెంబ్లీ ఎన్నికలను విజయవంతంగా నిర్వహించినందుకుగాను హైదరాబాద్ జిల్లా ఎన్నికల అధికారి(డీఈఓ)కి రాష్ట్రస్థాయి పురస్కారం లభించిందని, అధికారులు, సిబ్బంది సంయుక్త కృషి ఫలితంగానే ఇది సాధ్యమైందన్నారు. ఓటర్ల జాబితా సవరణలో భాగంగా ఓటర్ల నమోదుకోసం ప్రత్యేక ప్రచార కార్యక్రమాలు ముమ్మరంగా నిర్వహిస్తున్నట్లు తెలిపారు.

ముఖ్యంగా ఉద్యోగాలు చేసేవారి సౌకర్యార్థం ఈనెల 22, 23, 24 తేదీల్లో సాయంత్రం నాలుగు నుంచి ఏడు గంటల మధ్య పోలింగ్ కేంద్రాల్లో సిబ్బందిని అందుబాటులో పెడుతున్నట్లు తెలిపారు. ఈ సందర్భంగా కొత్తగా పేర్లు నమోదుచేసుకోవడమే కాకుండా జాబితాలో పేరు ఉన్నదీ, లేనిదీ సరిచూసుకోవచ్చని, తప్పొప్పులు సవరించుకోవ్చని ఆయన పేర్కొన్నారు. గత ఎన్నికల సం దర్భంగా ఓటర్ల జాబితాలో పేర్లు గల్లంతుపై ఇంటింటీ సర్వే నిర్వహించి ఎవరైనా ఓటర్లు ఉన్నట్లు తేలితే మళ్లీ వారికి జాబితాలో స్థానం కల్పిస్తామన్నారు. ఈ ఏడాది జనవరి ఒకటవ తేదీ వరకు 18సంవత్సరాలు నిండినవారు ఓటర్ల జాబితాలో తమ పేరును నమోదు చేసుకోవాలని, కొత్త ఓటర్ల సౌకర్యార్థం అన్ని డిగ్రీ, ఇంజినీరింగ్ కాలేజీల్లో డ్రాప్ ఏర్పాటుచేస్తున్నామన్నారు. ప్రజలు, వీఐపీలు జీహెచ్ పోర్టల్, సీఈఓ పోర్టల్ ద్వారా జాబితాలో పేర్లు ఉన్నది, లేనిది పరిశీలించుకోవాలని కోరుతూ, దీనికోసం ఓటర్ల జాబితా సవరణ తుది గడువును ఈనెల 25కు బదులు వచ్చే ఫిబ్రవరి నాలుగవ తేదీవరకు పొడిగించినట్లు కమిషనర్ వివరించారు. ఈ మేరకు సీఈఓ ఇప్పటికే నగరవాసులకు లేఖలు విడుదలచేసినట్లు తెలిపారు.

Tue,January 22, 2019 12:55 AM

హస్తినాపురం, జనవరి 21: దశాబ్దాలుగా కేంద్ర,రాష్ట్ర ప్రభుత్వాల మధ్య నలుగుతున్న రోషన్ కాలనీ తరలింపు సమస్య ఎమ్మెల్యే చామకూర మల్లారెడ్డి, స్థానిక కార్పొరేటర్ రమావత్ పద్మానాయక్ కృషితో పరిష్కార దశకు చేరింది. ఈమేరకు కాలనీ తరలించి పునరావాసం కల్పించడానికి కేంద్ర ప్రభుత్వం నుంచి రూ.81.53కోట్ల మంజూరు లభించింది. సంబంధిత పత్రాలను సోమవారం కాంచన్ డీఆర్ కేంద్ర కార్యాలయంలో.. డీఆర్ మేనేజింగ్ సర్వీసెస్ డైరెక్టర్ ఎస్.ఎస్ పన్వార్, డీఆర్ డైరెక్టర్ భాస్కర్ అడ్మినిస్ట్రేషన్ అధికారి చమన్ చేతుల మీదుగా స్థానిక కార్పొరేటర్ రమావత్ పద్మానాయక్ రూ.81.53కోట్ల మంజూరు పత్రాలను అందజేశారు. కాలనీ తరలింపు సమస్యను పరిష్కరించిన ఎమ్మెల్యే మల్లారెడ్డి, స్థానిక కార్పొరేటర్ రమావత్ పద్మానాయక్, డీఆర్ అధికారులకు కాలనీ ప్రజలు కృతజ్ఞతలు తెలిపారు. కార్యక్రమంలో కాలనీ ప్రతినిధులు లక్ష్మయ్య, రవి, పెంటయ్య, జగన్, డేవిడ్, తిరుపతయ్య, తదితరులు పాల్గొన్నారు.

Tue,January 22, 2019 12:54 AM

సిటీబ్యూరో, నమస్తే తెలంగాణ : విశ్వనగరంగా అభివృద్ధి చెందుతున్న నగరంలో ట్రాఫిక్ సమస్యను నివారించడం, మెరుగైన ప్రయాణ సదుపాయాలను కల్పించడమే లక్ష్యంగా హైదరాబాద్ ‘మహా’ నగరాభివృద్ధి సంస్థ (హెచ్ చర్యలు తీసుకుంటున్నది. వస్తువుల రవాణాకు ఎగుమతి, దిగుమతులకు అనుకూలంగా ఉన్న ఔటర్ చుట్టూ లాజిస్టిక్ పార్కులను నిర్మించాలని నిర్ణయించిన ప్రభుత్వం ఇప్పటికే పబ్లిక్ ప్రైవేటు పార్టనర్ (పీపీపీ) పద్ధ్దతిలో బాటాసింగారంలో రూ. 35 కోట్లలో 40 ఎకరాల విస్తీర్ణంలో, మంగళ్ రూ.20కోట్లతో 20ఎకరాల్లో పనులకు శ్రీకారం చుట్టారు. ఔటర్ సమీపంలో నాగార్జున సాగర్ హైవే, మరోకటి విజయవాడ హైవేలో ఈ నిర్మాణ పనులకు చేపట్టగా, ఇందులో మంగళ్ లాజిస్టిక్ పార్కు పనులు ఇప్పటికే దాదాపు 60 శాతం పనులు పూర్తి చేసుకున్నాయి. దీంతో వచ్చే నెలలో తొలివిడతగా మంగళ్ పార్కును అందుబాటులోకి తీసుకువచ్చేందుకు హెచ్ అధికారులు సన్నాహాలు చేస్తున్నారు. ప్రాజెక్టుతో ప్రత్యక్షంగా, పరోక్షంగా లక్షలాది మందికి ఉపాధి దొరకనున్నది.

Tue,January 22, 2019 12:54 AM

సిటీబ్యూరో, నమస్తే తెలంగాణ: గుజరాత్ రాష్ట్రంలో చడ్డీ గ్యాంగ్ సభ్యులు మూడు వేల మంది వరకు ఉంటారని సైబరాబాద్ స్పెషల్ ఆపరేషన్ టీం అధికారులు తేల్చారు. గత మూడు ఏండ్లలో సైబరాబాద్ పోలీస్ కమిషనరేట్ పరిధిలో ఐదు చోరీలకు పాల్పడ్డ ఘటనల దర్యాప్తులో సైబరాబాద్ పోలీసులు ఇద్దరిని అరెస్ట్ చేశారు. సైబరాబాద్ సీపీ సజ్జనార్ తెలిపిన వివరాల ప్రకారం...ఈ నెల 5, 6 తేదీల్లో కేపీహెచ్ నార్సింగి పోలీస్ స్టేషన్ పరిధిలో రెండు చోరీలు జరిగాయి. సీపీ ఆదేశాల మేరకు రంగంలోకి దిగిన ఎస్ బృందం సీసీ కెమెరాలను పరిశీలించి, పలు ఆధారాలు సేకరించారు. రెండు వారాల పాటు గుజరాత్ దాహోద్ జిల్లాలో మకాం వేసి ఈ చోరీలకు పాల్పడ్డ ఐదుగురు సభ్యుల ముఠాలోని ఇద్దరు హాసన్ నర్సింగ్, రాజుసావ్ బారీలను అరెస్ట్ చేసి నగరానికి తీసుకువచ్చారు. మరో ముగ్గురు వినోద్, పంకజ్, జేసమ్ పరారీలో ఉన్నారు. ఈ ఇద్దరు పట్టుబడడంతో 2017 నుంచి 2019 జనవరిలో జరిగిన మొత్తం 5 ఇండ్లలోని చోరీ కేసుల చిక్కుముడి వీడిపోయింది. అయితే విచారణలో గుజరాత్ రాష్ట్రం, దాహోద్ జిల్లాలోని 30 గ్రామాల్లో ఈ చెడ్డీగ్యాంగ్ పేరొందిన ముఠా సభ్యుల సంఖ్య దాదాపు 3వేల వరకు ఉంటుందని, ఇందులో ఒక్కొక్కరు ఒక గ్రూపు కింద విడిపోయి దేశవ్యాప్తంగా చోరీలకు తెగబడుతారని విచారణలో తేలింది. గత ఏడాది రాచకొండ పోలీసులు వరుస చోరీలకు పాల్పడ్డ దాహోద్ చెందిన ఓ గ్రూపు చడ్డీగ్యాంగ్ అరెస్ట్ చేసిన విషయం తెలిసిందే.

చెట్ల పొదల్లే వారికి రక్ష...
చడ్డీ గ్యాంగ్ సభ్యులు హైదరాబాద్ ప్రధానంగా జనవరి నుంచి ఏప్రిల్ వరకు టార్గెట్ చేస్తారు. సంక్రాంతితో పాటు వేసవి సెలవుల కారణంగా ఇక్కడి ప్రజలు గ్రామాలకు వెళ్తారని వారి నమ్మకం. దీంతో వీరు ఈ నెలల్లో రైలుమార్గంలో హైదరాబాద్ శివారు రైల్వే స్టేషన్ వద్ద దిగి అక్కడే ఉంటారు. ఉదయం సమయాల్లో కొద్దిగా నిర్వానుష్యంగా ఉండే ప్రాంతాల్లోని తాళం ఉన్న ఇం డ్లు, అపార్ట్ రెక్కీ చేస్తారు. టార్గెట్ ఇంటికి సమీపంలో చెట్ల పొదలను ఎంచుకుని సాయంత్రానికి అక్కడికి చేరుకుని ఆ పొదల్లో దాక్కుంటా రు. అర్ధరాత్రి సమయంలో వేషధారణలో భాగంగా చడ్డీ, బనియన్ మీదనే ఉంటారు. నడుముకు లుంగీని చుట్టుకుని చెప్పులను వాటిలో పెట్టుకుంటారు. నెత్తికి తలపాగ చుట్టుకుని ఉంటారు. అలా భయనకంగా కనిపిస్తూ చోరీలకు తెగబడతారు. ఆ తర్వాత ఎక్కడికి పారిపోకుండా ఉదయం 5 గంటల వరకు తిరిగి అదే చెట్ల పొదల్లో దాక్కుంటారు. తెల్లవారగానే మెల్లిగా ఒక్కొక్కరు నడుచుకుంటూ రైల్వే స్టేషన్ చేరుకుంటారు. తిరిగి మరో ప్రాంతంలో రెక్కీ చేస్తారు. అలా వరుస చోరీలకు పాల్పడి భారీగా బంగారం, నగదు కాజేసి... తిరిగి వారి సొంత గ్రామాలకు వెళ్లిపోతారని పట్టుబడ్డ నిందితులను విచారించనప్పుడు పోలీసుల ఈ విషయం తెలిసింది. ఇక అక్కడికి వెళ్లి పోలీసులు పట్టుకోవడానికి ప్రయత్నిస్తే దాడులకు కూడా వెనకాడారు. వీరి స్థావరాలకు వెళ్లాలంటే రోడ్డు మార్గం లేకుండా కిలోమీటర్ దూరం ప్రయాణించాలి. స్థానిక పోలీసుల నుంచి కూడా ఆశించి న సహకారం ఉండదు. ఇలాంటి పరిస్థితులను ఎదుర్కొన్న ఎస్ పోలీసులు ఇన్ నుంచి సమాచారం సేకరించి... వారిని సొంత ప్రాంతంలో కాకుండా జెసావాడా థానా పరిధిలో అరెస్ట్ చేశారు.

VIRAL NEWS

LATEST NEWS

Cinema News

Health Articles