నేటి నుంచి పాతగుట్ట బ్రహ్మోత్సవాలు

యాదాద్రి: యాదాద్రి లక్ష్మీనరసింహస్వామి పుణ్యక్షేత్రానికి అనుబంధ ఆలయమైన పాతగుట్ట లక్ష్మీనరసింహస్వామి వార్షిక బ్రహ్మోత్సవాలు నేటి నుంచి ప్రారంభంకానున్నాయి. బ్రహ్మోత్సవాలను అంగరంగ వైభవంగా జరిపించేందుకు అధికారులు ఇప్పటికే ఏర్పాట్లు పూర్తిచేశారు. ఇవాళ ఉదయం 9 గంటలకు స్వస్తీవాచనంతో బ్రహ్మోత్సవాలు ప్రారంభంకానున్నాయి. కరోనా నిబంధనలకు అనుగుణంగా బ్రహ్మోత్సవాలను భక్తుల మధ్యే నిర్వహించనున్నారు.  

కార్యక్రమాలు ఇలా..

• సోమవారం ఉదయం 9 గంటలకు స్వస్తీవాచనం, అనంతరం రక్షాబంధనం, పుణ్యహవాచనం, సాయంత్రం 5 గంటలకు అంకురార్పణం, మృత్సంగ్రహణం కార్యక్రమాలను వేదపండితులు నిర్వహిస్తారు. 
• 23న ఉదయం 10గంటలకు ధ్వజారోహణం, వేదపారాయణాలు, సాయంత్రం 5గంటలకు భేరిపూజ, దేవతాహ్వానం 
• 24న ఉదయం 6 గంటలకు హవనం, సింహవాహన అలంకార సేవ, సాయంత్రం 7గంటలకు ఎదుర్కోలు(అశ్వవాహనం) 
• 25న ఉదయం 8 గంటలకు హవనం, తిరుమంజనోత్సవం, హనుమంత వాహనం, సాయంత్రం 7గంటలకు స్వామివారి కల్యాణోత్సవం (గజవాహనం)
• 26న ఉదయం 8గంటలకు గరుడవాహనం, సాయంత్రం 5గంటలకు రథాంగహోమం, 7 గంటలకు రథోత్సవం
• 27న ఉదయం 10గంటలకు పూర్ణాహుతి, మధ్యాహ్నం 12గంటలకు చక్రతీర్థ స్నానం, 7 గంటలకు పుష్పయాగం, డోలారోహణం
• 28న ఉదయం 9గంటలకు  శతఘటాభిషేకం, ఒంటిగంటకు మహాదాశీర్వచనం, పండిత సన్మానంతో ఉత్సవాలకు పరిసమాప్తి