తివిరి ఇసుమునఁ దైలంబుఁ దీయవచ్చుఁ
దవిలి మృగతృష్ణలో నీరు ద్రావవచ్చుఁ
తిరిగి కుందేటి కొమ్ము సాధింపవచ్చుఁ
జేరి మూర్ఖుల మనసు రంజింపరాదు!
అలాంటివాళ్లు తమ అవసరాలను తీర్చుకోవడం కోసం ఎప్పటికప్పుడు అనేక రకాల వాగ్దానాలు చేస్తూ, ఎలాంటి హామీలనైనా గుప్పిస్తుంటారు. చీటికిమాటికీ నమస్కారాలు పెడుతూ కపట వినయాలను నటిస్తారు. ఎదుటివారిని మోసం చేయడానికి ఏవో కల్లబొల్లి కబుర్లు చెప్తూ మురిపిస్తుంటారు (నన్నయభట్టు, మహాభారతం, ఆదిపర్వం: 6-111)’. అవకాశవాద లక్షణమనేది వాళ్లకు పుట్టుకతోనే అబ్బుతుంది. తమకు సమయం కలిసొచ్చేదాకా ఎంతో అనుకూలంగా ఉంటూ, అవకాశం దొరకగానే భయంకరమైన విషసర్పం వలె నిర్దయగా కాటేస్తుంటారు (ఆదిపర్వం: 6-112). ఒకవేళ అనుకోకుండా అలాంటివాళ్ల ఎత్తుగడలో మనం చిక్కుకొనిపోతే, ఉపాయంతో ఆ ప్రమాదం నుంచి తప్పించుకొని గట్టెక్కాలని సనాతన ధర్మం సూచిస్తున్నది. భేదాభిప్రాయాలు ఏర్పడినప్పుడు వారితో కలిసి ఉండటమనేది చాలా ప్రమాదకరం. కాకపోతే, ఒక్కోసారి అలాంటివాళ్లతోనూ కొన్ని అవసరాలు ఏర్పడటం సహజం. అలాంటప్పుడే తగిన జాగ్రత్తలు అవసరం.
పగయ కలిగెనేని పామున్న యింటిలో
నున్న యట్ల కాక యూఱడిల్లి
యుండునెట్లు చిత్తమొకమాటుఁ గావున
వలవ దధిక దీర్ఘ వైరవృత్తి!
డా॥ శాస్ర్తుల రఘుపతి
73867 58370