నారాయణపేట టౌన్, ఏప్రిల్ 27: మెడిసిన్లో ర్యాంకు సాధించి సంగారెడ్డిలోని ఎంఎల్ఆర్ కాలేజీలో చదువుతున్న అనూషకు ట్యూషన్ ఫీజు, హాస్టల్ ఫీజు నిమిత్తం మంగళవారం ల యన్స్ క్లబ్ నారాయణపేట శాఖ ఆధ్వర్యంలో ఆర్థిక సహాయం చేసి చేయూత అందించారు. ఈ సందర్భంగా మున్సిపల్ వైస్ చైర్మన్, లయ న్స్ డిస్ట్రిక్ట్ 320ఏ సెకండ్ వైస్ గవర్నర్ హరినారాయణ భట్టడ్ మాట్లాడుతూ మెడిసిన్ పూర్తయ్యే వరకు అయ్యే ఖర్చును కూడా లయన్స్ క్లబ్ నారాయణపేట శాఖ ద్వారా అందించేలా కృషి చేస్తానని పేర్కొన్నారు. మంచిగా చదివి గొప్ప వైద్యురాలిగా ఎదిగి పేద ప్రజలకు సేవ చేయాలని సూచించారు. తమ తండ్రి మరణించాడని, ఎంతో కష్టపడి తల్లి తనను చదివిస్తుందని, తన చదువు కోసం ఆర్థిక సహాయం చేయడానికి ముందుకు వచ్చిన లయన్స్ క్లబ్ సభ్యులకు విద్యార్థిని ప్రత్యేక కృతజ్ఞతలు తెలిపారు. కార్యక్రమంలో క్లబ్ అధ్యక్షుడు బాలాజీ ఎక్బోటే, జనరల్ సెక్రటరీ కృష్ణ భగవాన్, కోశాధికారి జనార్దన్, సభ్యులు మార్కెట్ కమిటీ వైస్ చైర్మన్ కన్నా జగదీశ్, భీంచందర్గౌడ్, నర్సింహరావు సగరి, బాలాజీ కాంబ్లే పాల్గొన్నారు.